Էդգար և Գոռ Մալաքյան եղբայրներն ազատ են արձակվել

Էդգար և Գոռ Մալաքյան եղբայրները քիչ առաջ ազատ արձակվեցին ՀՀ ոստիկանության ՁՊՎ-ից. նրանց ձերբակալման ժամկետը լրացել է։

Հիշեցնենք, որ այսօր քննիչը միջնորդություն է ներկայացրել դատարան՝ նրանց նկատմամբ կալանավորումը որպես խափանման միջոց ընտրելու վերաբերյալ: Մալաքյանների փաստաբանների հաղորդմամբ՝ խափանման միջոց հարցով քննությունը դեռեւս չի ավարտվել։

Մալաքյանների փաստաբան Գոռ Միքայելյանը ֆեյսբուքյան գրառմամբ հայտնել է, որ եղբայրների նկատմամբ կալանավորումը որպես խափանման միջոց կիրառելու մասին երկու միջնորդությունների քննարկումը հետաձգվել է մինչև վաղը։

Նշենք, որ Գոռ Մալաքյանը «Փյունիկ» ֆուտբոլային ակումբի ֆուտբոլիստ է, իսկ նրա եղբայրը խաղում է Երեւանի «Արարատում»։

Ֆուտբոլիստ եղբայրներին մեղադրանք է առաջադրվել՝ ՀՀ ՔՕ 316-րդ հոդվածի (իշխանության ներկայացուցչի նկատմամբ բռնություն գործադրելը) 1-ին մասով եւ 258-րդ հոդվածի (խուլիգանություն) 3-րդ մասի 1-ին եւ 2-րդ կետերով:

Ըստ Քննչական կոմիտեի հաղորդագրության՝ օգոստոսի 30-ին՝ ժամը 23:00-ի սահմաններում, 26-ամյա եւ 29-ամյա ֆուտբոլիստ եղբայրները ընկերոջ եւ մի քանի այլ անձանց հետ գտնվել են «Կասկադին» հարող սրճարաններից մեկում: Նշված ժամանակահատվածում ՃՈ 2 տեսուչներ ծառայություն իրականացնելիս նկատել են կանգառ-կայանման կանոնները խախտած՝ եղբայրների ընկերոջը պատկանող ավտոմեքենան եւ բարձրախոսով ներկայացրել մոտենալու պահանջ: Վերջինիս, տեղեկացնելով վարչական իրավախախտման վերաբերյալ փաստը, կազմել են համապատասխան արձանագրություն: Այդ պահին նրանց են մոտեցել ոչ սթափ վիճակում գտնվող 2 եղբայրները, պահանջել տեսուչներից իրենց մարզիկ ընկերոջը պատասխանատվության չենթարկել, եւ մերժում ստանալով՝ դիտավորությամբ խոչընդոտել են ոստիկանների ծառայողական պարտականությունների իրականացմանը, քաշքշել նրանց, պոկել ոստիկաններից մեկի ծառայողական կրծքանշանը եւ տեսագրիչ սարքը, մյուսի՝ ուսադիրը: 26-ամյա եղբայրը բռունցքով հարվածել է ոստիկաններից մեկի դեմքին եւ պատճառել մարմնական վնասվածք:

Այս ընթացքում սրճարանի մոտակայքում գտնվող ՀՀ ԱԱԾ 2 քննիչներ, նկատելով եղբայրների կողմից իշխանության ներկայացուցիչների նկատմամբ բռնություն գործադրելու հանգամանքը, մոտեցել են նրանց ու պահանջել դադարեցնել հակաօրինական գործողությունները: Վերջիններս, վրդովվելով իրենց արված դիտողությունից հնչեցրել են հայհոյանքներ եւ բռնություն գործադրել քննիչների նկատմամբ՝ ձեռքերով եւ ոտքերով հարվածներ հասցրել նրանց մարմնի տարբեր մասերին՝ պատճառելով մարմնական վնասվածքներ:

Այս թեմայով Բախվել են Mercedes-ն ու Opel-ը. 4 վիրավորներից 2-ը եղբայրներ են «Շենգավիթ» ԲԿ-ից բերման են ենթարկվել 2 հարազատ եղբայրներ, վիճել էին աշխատակիցների հետ և քաշքշել իրար Երևանում քույրը և եղբայրը հոսպիտալացվել են մարմնական վնասվածքներով, ծեծի ենթարկողները եղբայրներ են Պարզվել է Գեղարքունիքի մարզում ողբերգական ավտովթարի հետևանքով 4 մահացածների ինքնությունը. երեքը զինծառայող էին, որոնցից երկուսը՝ հարազատ եղբայրներ Կասեցվել է «Անի և եղբայրներ» ՍՊԸ-ի արտադրական գործունեությունը. չի իրականացվել պատշաճ ախտահանում Ծնվել է արցախյան 44-օրյա պատերազմում զոհված եղբայրներ Գևորգի և Կարենի եղբայրը Մոսկվայում մահացած են գտել «Եղբայրներ Կարավաևի» համահիմնադիրին Անչափահաս եղբայրները մտել են հարևանի տուն ու հրկիզել գույքը․ ոստիկանություն Սևանա լճի «Կարմիր ավազ» տարածքում որսագողեր են հայտնաբերվել․ նրանք հարազատ եղբայրներ են Վարդանյան եղբայրների 300 մլն դրամ աջակցության շնորհիվ Հայաստանում 150 անապահով ընտանիք կերջանկանա (տեսանյութ)