Ամատունի Վիրաբյանն իրեն Ազգային արխիվի տնօրենի պաշտոնից ազատելու հրամանն անհիմն է համարում

Ամատունի Վիրաբյանն իրեն «Հայաստանի Ազգային արխիվ» ՊՈԱԿ-ի տնօրենի պաշտոնից ազատելու հրամանն անհիմն է համարում:

ԼՈՒՐԵՐ․com-ի հետ զրույցում Վիրաբյանն ասաց, որ հրամանը երեկ է եղել, սակայն իրեն այսօր են տեղեկացրել այդ մասին. «Աշխատանքից ազատման պատճառը նշել են այն, թե 2016-2018 թթ. Հայաստանի ազգային արխիվը հարկեր չի վճարել և պետությանը վնաս է հասցրել։ Մինչդեռ իրական պատմությունն այն է, որ 2016-ին պետությունը որոշել է, որ բոլոր ՊՈԱԿ-ները պետք է ԱԱՀ վճարեն, բայց բյուջեից այդ նպատակով գումար չի հատկացրել։ Այսինքն՝ այդ պահին բոլոր ՊՈԱԿ-ները չեն վճարել այդ հարկը։ Ավելի ուշ պետությունը պահուստային ֆոնդից բոլոր ՊՈԱԿ-ներին այդ գումարը հատկացրել է, այդ թվում՝ Հայաստանի ազգային արխիվին՝ մոտ 800 միլիոն դրամ, և իրենք վճարել են հարկերը»,- ասաց նա:

Վիրաբյանի խոսքով՝ հարկեր չվճարելու համար քրեական պատասխանատվություն է հասնում, բայց իրեն պատասխանատվության չեն ենթարկել, որովհետև այդտեղ ինքը ոչ մի մեղք չի ունեցել։

Ամատունի Վիրաբյանը, ով Հայաստանի ազգային արխիվի տնօրենն է եղել շուրջ 20 տարի, Հայաստանի նոր իշխանությունների այս որոշման մեջ հետապնդում և միտում է տեսնում.

«Ամբողջ հարցը նրանում է, որ իմ պայմանագրի ժամկետի ավարտին մնում էր ընդամենը 2-3 ամիս, բայց իրենք, չգիտես ինչու, շտապեցին», - նշեց Վիրաբյանը։

Այժմ արխիվի նախկին տնօրենը պատրաստվում է իրեն աշխատանքից ազատելու որոշումը բողոքարկել դատարանում։

Սոնա Հարությունյան

Այս թեմայով Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին Ուկրաինան կարող է կապիտուլյացիայի ենթարկվել մինչև տարեվերջ. ԿՀՎ տնօրեն Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Ինչո՞վ է ազգային արժեհամակարգը խանգարում քայքայիչ ուժերին. «Փաստ» Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Ջերմ շնորհավորանքներ եմ հղում Ձեզ և Սիրիայի ժողովրդին Սիրիայի ազգային տոնի՝ Անկախության օրվա առթիվ Ջանքեր ենք գործադրում, որ ՀՀ-ի եզդիական համայնքը կարողանա պահպանել իր ազգային ինքնությունը․ Փաշինյան