Մտահոգիչ իրականություն. ինչո՞ւ են հանրության գլխի տակ փափուկ բարձ դնում

Պատերազմից հետո Հայաստանի տնտեսական ոլորտի պատասխանատուները միաբերան փորձում են համոզել հանրությանը, որ տնտեսությունը թեթև անկումից հետո գտնվում է դինամիկ աճի մեջ: Թեթև անկումը, թերևս, աննախադեպ 7 տոկոսանոց անկումն է, որը լուրջ մարտահրավեր է հետպատերազմյան Հայաստանի համար: Չնայած իրավիճակի լրջությանը՝ ոլորտի պատասխանատուները շարունակում են հանրության գլխի տակ փափուկ բարձեր դնել:

Էկոնոմիկայի նախարար Վահան Քերոբյանը, օրինակ, խոսում է միլիարդավոր ներդրումների մասին, որոնք ակնկալվում են մոտ ապագայում: Անգամ տնտեսությունից հեռու անձանց համար պարզ է, որ հետպատերազմյան երկրում ներդրողները դժվար թե հերթ կանգնեին՝ ինչպես պնդում է նախարարը: Ֆինանսների նախարար Ատոմ Ջանջուղազյանը հուսադրում է, որ դրամին ոչինչ չի սպառնում` մոռանալով հայտնել, թե ինչ քայլերի են գնացել իշխանությունները դրամի արժեզրկումը կանգնեցնելու համար: Դե իսկ վարչապետ Փաշինյանը հպարտորեն հայտարարում է, որ տնտեսության վերականգնման տեմպերը բավարար են:

Եթե ամեն ինչ այդքան լավ է, ինչպես փորձում են համոզել ոլորտի պատասխանատուները, ապա ինչո՞ւ են, օրինակ, իշխանությունները վերջին օրերին ակտիվորեն խոսում Ամուլսարի հանքի վերագործարկման անհրաժեշտության մասին: Ինչո՞ւ են ավելացնում Հայաստանի արտաքին պարտքը՝ հասցնելով այն ռեկորդային մաքսիմումների: Ինչո՞ւ են եվրոբոնդեր թողարկում. գուցե այն պատճառով, որ բյուջեի ճեղքվածքնե՞րն է պետք փակել: Ինչո՞ւ են Հայաստան Համահայկական հիմնադրամի գումարները ներարկում շուկա՝ դրամի գահավիժումը կանգնեցնելու համար: Ինչո՞ւ են մանիպուլացնում բացված և փակված աշխատատեղերի թվերը: Ինչո՞ւ են բարձրացնում քաղաքացիների հարկային բեռը:

Ինչպես տեսնում ենք՝ եթե ամեն բան այդքան լավ լիներ, ամեն բան այսքան վատ չէր լինի և ոլորտի պատասխանատուների հրապարակային հայտարարությունների և իրական քայլերի միջև լուրջ հակասություններ կան: Վերջիններիս քայլերը ապացուցում են, որ տնտեսությունը գտնվում է կատաստրոֆիկ վատ վիճակում, իսկ իշխանությունները հիմնականում անհաջող փորձեր են անում գահավիժումը դանդաղացնելու նպատակով...

Այս թեմայով Նիկոլ Փաշինյա՛ն, խոփդ քարին է կպել, պարզապես ժամանակ ես ձգում, մենք ավելի համառ ենք. Բագրատ Սրբազան (տեսանյութ) Կառավարության պատշգամբից թաքուն հետևում և նկարահանում են հանրահավաքը (տեսանյութ) Ինչ են հյուրասիրել Փաշինյանին և Մոսկվայում ԵԱՏՄ գագաթնաժողովի մյուս մասնակիցներին (լուսանկարներ) Ավարտվել են Փաշինյանի ու Պուտինի բանակցությունները (տեսանյութ) Երկկողմ հարաբերությունները շատ հաջող են զարգանում․ Պուտինը՝ Փաշինյանին (տեսանյութ) Տարածաշրջանում անվտանգության հետ կապված հարցեր կան․ Պուտինը՝ Փաշինյանին (տեսանյութ) Մեկնարկել է Պուտին-Փաշինյան հանդիպումը (տեսանյութ) Հայկական կողմն աջակցում է Մոնղոլիայի հետ բանակցությունների մեկնարկը նախատեսող փաստաթղթերի փաթեթի ընդունմանը․ Փաշինյան (տեսանյութ) Ցանկացած հոգևորական իրենից 10-ապատիկ ավել գիտի. Տեր Հուսիկը՝ Փաշինյանին (տեսանյութ) Միմյանց նկատմամբ հարգալից հարաբերություններով միայն կկարողանանք ապահովել ԵԱՏՄ-ի զարգացումը․ Փաշինյան (տեսանյութ)