Պետությունը նաիրիտցիներին մոտ 150 միլիոն դրամ է պարտք. աշխատավարձերի վճարման պահանջ․ «Փաստ»

«Փաստ» օրաթերթը գրում է.

«Նաիրիտ» քիմիական գործարանը պարբերաբար հայտնվում է լուրերի կիզակետում: Մեկ խոսվում է գործարանում հնարավոր օտարերկրյա ներդրումների ու դրա՝ ողջ թափով վերագործարկման, մեկ գործարանի տարածքից սարքավորումների մասնակի վաճառքի մասին: Օրերս էլ հերթական անգամ կառավարության դիմաց բողոքի ակցիա էին իրականացնում «Նաիրիտի» աշխատակիցները: Նրանք պահանջում էին վճարել իրենց աշխատավարձերը: Նշում էին, որ չեն ստացել մոտ 6-7 ամսվա աշխատավարձ: Պահանջում էին հանդիպում Նիկոլ Փաշինյանի հետ, անգամ կարծիք հայտնում, որ նրան ճիշտ չի զեկուցվում իրենց խնդիրը: Աշխատակիցներից մեկն էլ ասաց՝ տպավորություն ունի, որ միայն իրենք են երեսուն տարի պայքարում, որպեսզի այս գործարանը «կուլ չտան»: Գործարանի աշխատակիցներին ընդունել էր Նիկոլ Փաշինյանի օգնական Նաիրի Սարգսյանը, խոստանալով, որ օրերս բոլոր շահագրգիռ գերատեսչությունների, մասնավորապես նախարարությունների և տարբեր կառույցների հետ գործարանի հարցով կլինի աշխատանքային քննարկում, որին կհրավիրվեն նաև աշխատակիցները։ Վերջիններս որոշեցին սպասել զարգացումներին և, եթե խնդիրը չլուծվի, ապա ուղղակի ոտք չեն դնի գործարանի տարածք, իսկ դա նշանակում է, որ «Նաիրիտի» անվտանգության հարցը կմնա օդից կախված։

Հ. Գ. Մայիսի 14-ին կառավարությունում «Նաիրիտի» հարցով խորհրդակցություն է տեղի ունեցել, որին հրավիրել են նաև գործարանի սնանկության կառավարչին, որը, սակայն, գործարանի արհմիության նախագահի խոսքով, ներկա չի եղել այդ հանդիպմանը: «Կոլեկտիվի անդամները ևս ներկա չեն եղել այդ քննարկմանը, սակայն Նիկոլ Փաշինյանի օգնական Նաիրի Սարգսյանը հեռախոսազանգի միջոցով ինձ ասաց, որ քննարկումներ, հանդիպումներ էլի են լինելու, որոնց նաև մենք կմասնակցենք: Սպասենք, տեսնենք՝ ինչ կլինի»,-«Փաստին» փոխանցեց «Նաիրիտի» արհմիության նախագահը:

Այս թեմայով Արարատի կոնյակի գործարանում վերահսկողություն կիրականացվի «Ժողովուրդ». Փաշինյանը բացել է գործարան, որի բացումն արել էր նախկին վարչապետը. ստերի շարքից․ մաս 178 Մխիթար Հայրապետյանն այցելել է Չարենցավանի հաստոցաշինական գործարան Թբիլիսյան խճուղիում պայթյուն է տեղի ունեցել, նախնական տվյալներով՝ պահածոների գործարան է այրվում Արարատի մարզում կկառուցվի պողպատի գործարան Ռուս խաղաղապահները Հայաստանից ավելի քան 15 տոննա ալյուր են հասցրել Ստեփանակերտ Աբովյանում ալյումինե դետալների արտադրության գործարան է կառուցվում. այն նախատեսված է արևային կայանների համար Հրդեհ է բռնկվել «Նաիրիտ» գործարանի մոտակա պահեստում. հայտարարվել է բարդության «1 ԲԻՍ» կանչ Քննարկվել է «Շանսի-Նաիրիտ» ձեռնարկությունում հայկական քվոտայով հաստիքների համալրման հարցը Գնել Սանոսյանը Չինաստանում շրջայց է կատարել «Շանսի-Նաիրիտ» հայ-չինական համատեղ ձեռնարկությունում