Կանադան ահաբեկչություն է որակել Իրանի կողմից Boeing-ի խոցումը

Կանադական Օնտարիո նահանգի դատարանը վճռել է, որ Իրանը, խոցելով Ուկրաինայի միջազգային ավիաուղիների Boeing 737- ը, իրականացրել է ահաբեկչություն, հաղորդում է Global News-ը:

2020 թվականի հունվարի 8-ին Թեհրանի օդանավակայանից թռիչքից անմիջապես հետո վթարի է ենթարկվել Ուկրաինայի միջազգային ավիաուղիների Boeing 737-800 ինքնաթիռը, որը թռչում էր Կիև: Զոհվել է 176 մարդ՝ Իրանի, Ուկրաինայի, Կանադայի, Մեծ Բրիտանիայի, Գերմանիայի, Շվեդիայի և Աֆղանստանի քաղաքացիներ:

Իրանցի զինվորականները հունվարի 11-ին հայտնեցին, որ ուկրաինական Boeing-ը պատահաբար է խոցվել՝ Ինքնաթիռը թռել է իրանական ռազմական օբյեկտի մոտ, և նրան սխալմամբ «թշնամու թիրախ» են համարել՝ ռազմական հրթիռ: Միևնույն ժամանակ, Իրանը նշել է, որ ԱՄՆ-ից հարձակման են սպասում, որի կապակցությամբ երկրի ՀՕՊ համակարգերը լիարժեք պատրաստության վիճակի են բերվել:

«Հայցվորները հաստատել են, որ Իրանը ահաբեկչություն է իրականացրել՝ խոցելով 752 չվերթի ինքնաթիռը։ Դա ահաբեկչական գործողություն է», - ասել է դատավոր Էդվարդ Բելոբաբան:

Դատարանը որոշել է, որ «հաշվի առնելով բոլոր հավանականությունները»՝ Իրանի հարձակումը կանխամտածված էր: Հաղորդվում է, որ դատարանը այս որոշումը կայացրել է երկու փորձագետների կարծիքի հիման վրա, որոնցից մեկը եզրակացրել է, որ Իրանը գիտեր, որ ինքնաթիռը քաղաքացիական է: Ըստ Global News-ի՝ զոհերի ընտանիքի անդամները կարող են փոխհատուցում պահանջել Իրանից:

Այս թեմայով Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իրանում հրապարակել են Իսրայելի վրա հարձակման ժամանակ ԱԹՍ–ների և հրթիռների արձակման կադրերը (տեսանյութ)