Մհեր Արմենիայի «Ազգի ձայնը» կուսակցությունը չի մասնակցի առաջիկա ընտրություններին. ՀԺ

«Հայկական ժամանակը» գրում է. «Երեկ ավարտվեց ժամկետը, երբ կուսակցություններն ու կուսակցությունների դաշինքները կարող էին Կենտրոնական ընտրական հանձնաժողով (ԿԸՀ) ներկայացնել հունիսի 20-ին կայանալիք Ազգային ժողովի արտահերթ ընտրություններին մասնակցելու համար պահանջվող փաստաթղթերը:

Երեկոյան Կենտրոնական ընտրական հանձնաժողովը հրապարակեց ցուցակը, ըստ որի՝ սահմանված ժամկետում ԿԸՀ գրանցման համար փաստաթղթեր էին ներկայացրել 23 կուսակցություն և կուսակցությունների 4 դաշինք։ Նկատենք, սակայն, որ հրապարակված ցուցակում բացակայում էր երգիչ և իրեն նաև քաղաքական գործիչ հռչակած Մհեր Արմենիայի (Մհեր Մեսրոպյան) «Ազգի ձայնը» կուսակցությունը, այնինչ լրագրողները արձանագրել էին, որ Մհերը ներկայացել էր ԿԸՀ:

Ճշտելու համար, թե ինչ խնդիրներ են առաջացել, որոնց պատճառով «Ազգի ձայնը» կուսակցության անունը չկար ընտրություններին մասնակցող կուսակցությունների և դաշինքների կողքին, «Հայկական ժամանակը» փորձեց կապ հաստատել երգչի հետ, սակայն որևէ կերպ դա մեզ չհաջողվեց: Նրա հեռախոսահամարը երեկվանից անջատված է:

Հարցի վերաբերյալ փորձեցինք մեկնաբանություն ստանալ նաև Կենտրոնական ընտրական հանձնաժողովից: ԿԸՀ-ի մամուլի խոսնակ Հերմինե Հարությունյանը մեզ հետ զրույցում ասաց, որ եթե ներկայացված ցուցակում չի նշվում որևէ կուսակցություն, նշանակում է այդ կուսակցությունը կամ դաշինքը չի ներկայացրել փաստաթղթեր: «Մեզ հայտնի չեն պատճառները, թե ինչու որևէ կուսակցություն կամ դաշինք չի ներկայացրել փաստաթղթեր»,- ասաց նա:

Դիտարկմանը, որ «Ազգի ձայնը» կուսակցության ղեկավար Մհեր Մեսրոպյանը երեկ ներկայացել է ԿԸՀ, Հերմինե Հարությունյանը պատասխանեց. «Միգուցե ներկայացել է, բայց փաստաթղթեր չի ներկայացրել հանձնաժողովին, որպեսզի գրանցվի՝ որպես ընտրություններին մասնակցել ցանկացող կուսակցություն: Չկա որևէ կուսակցություն կամ դաշինք, որ ներկայացնի փաստաթղթեր, և այդ փաստաթղթերը չընդունվեն»,- նշեց մամուլի խոսնակը:

Նշենք, որ երեկվանից նաև «Ազգի ձայնը» կուսակցության ֆեյսբուքյան էջում որևէ պարզաբանում չի տրվել, թե ինչ խնդիրներ են առաջացել, որ կուսակցությունը չի ներառվել ընտրություններին մասնակցելու հայտ ներկայացրած կուսակցությունների և դաշինքների շարքում»:

Մանրամասները` սկզբնաղբյուր կայքում

Այս թեմայով Մտել ենք քաղաքական պրոցեսի մեջ ու գիտենք ավելի շատ բաներ. Մհեր Արմենիա (տեսանյութ) Մհեր Արմենիային բենզինով այրելու մասին հայտարարությունների հիման վրա նյութեր են նախապատրաստվում Նիկոլ Փաշինյանն ի գիտություն ընդունեց մեր պայքարն ու չմեկնեց Սոչի. Մհեր Արմենիա. «Փաստինֆո» «Փաշինյան հեռացիր, Քոչարյան մոռացիր». Մհեր Արմենիա Նոյեմբերի 7-ին հրաժեշտ ենք տալու գործադիրին. Մհեր Արմենիա (տեսանյութ) «Եթե ուզում ենք ազգին ծառայել` միացեք մեզ». Մհեր Արմենիան հասել է Տաթև (տեսանյութ) Առաջին օրն ապահով ավարտվեց. Մհեր Արմենիա (տեսանյութ) «Մեզ կարող էին գերի վերցնել». ռուս խաղաղապահներն ուղեկցել են Մհեր Արմենիային (տեսանյութ) Ռոզա Ֆիլբերգի և Մհերի Արմենիայի նոր լուսանկարը Մհեր Արմենիայի կուսակցությունը հայտարարություն է տարածել