Ես կտրականապես դեմ եմ, որ իմ աշխատավարձը բարձրանա․ Հայկ Մարության

Երևանի ավագանու արտահերթ նիստում կքննարկվի քաղաքապետարանի շուրջ 2000 աշխատակիցների աշխատավարձերի ավելացման հարցը:  Այս մասին «Ֆեյսբուք»-ի իր էջում գրել է Երևանի քաղաքապետ Հայկ Մարությանը:

«Սիրելի հայրենակիցներ,

Երևանի ավագանու մի խումբ անդամների նախաձեռնությամբ այս շաբաթ հրավիրվել է արտահերթ նիստ, որտեղ կքննարկվի քաղաքապետարանի շուրջ 2000 աշխատակիցների աշխատավարձերի ավելացման հարցը։

Համակարգային առումով սա հնարավորություն կտա որակյալ կադրեր ներգրավել՝ քաղաքն ու քաղաքացիներին սպասարկելու համար:

Բայց օրենքը պահանջում է այլ աշխատակիցների աշխատավարձի բարձրացման համար բարձրացնել նաև քաղաքապետի աշխատավարձը:

Ես արդեն առիթ ունեցել եմ այս առումով հայտնելու իմ դիրքորոշումը. հեղափոխության արդյունքում հանրային պաշտոն ստանձնած մարդը չպետք է ձգտի սեփական աշխատավարձի բարձրացմանը։ Ուստի, ես կտրականապես դեմ եմ, որ իմ աշխատավարձը բարձրանա, այդ պատճառով չեմ մասնակցելու քվեարկությանը։ Իսկ եթե ավագանու քվեարկությամբ որոշումը ընդունվի, կհրաժարվեմ այդ ավելացած գումարից և կստանամ նույն աշխատավարձը, ինչ ստացել եմ այս 2,5 տարվա ընթացքում, այսինքն, 415.000 դրամ:

Ավելացած գումարը կուղղվի բարեգործության»,- գրել է Հայկ Մարությանը:

Այս թեմայով Երևանում ավտոտնակներ են ապամոնտաժվել (տեսանյութ) «Կասկադը» վերջնական տեսք կստանա․ հողամասերը կդառնան հանրային ու կանաչ տարածքներ Երևանի քաղաքապետարանի աշխատակիցներն առգրավել են փողոցում վաճառվող ապրանքները (տեսանյութ) Ծառահատման դեմ բողոքի ակցիա Երևանում (տեսանյութ) Միայն Ավանում մոտ 10 հազար քառակուսի մետր տարածք է բացազատվել ապօրինի կառույցներից․ քաղաքապետարան (տեսանյութ) Իրավապահները փակել են դեպի Crocus City Hall տանող անցումը «Փոխարինվող ծառերը տնկվել էին 1930-ականներին». Երևանի քաղաքապետարան (տեսանյութ) Կաշառք ստանալու գործի շրջանակներում 5 անձ է ձերբակալվել, որոնցից մեկը՝ քաղաքապետարանի պաշտոնյա 21 վարորդ ազատվել է աշխատանքից․ ազատման պատճառներից է նաև Մարտի 8-ին կանանցից գումար գանձելը Երևանի իշխանությունները լուծարել են «Ջրային կառույցներ» ընկերությունը