Ինչու է ոստիկանությունը փնտրում Մանվել Գրիգորյանի որդուն․ ո՛չ ընտանիքը, ո՛չ փաստաբանը տեղյակ չեն

«Ֆեյսբուք» սոցիալական ցանցում կատարված գրառման համար ոստիկանությունը ձեռնարկում է միջոցառումներ գեներալ Մանվել Գրիգորյանի որդուն՝ Արա Գրիգորյանին հայտնաբերելու ուղղությամբ։ ԼՈՒՐԵՐ․com-ի հետ զրույցում Ոստիկանության ԶԼՄ-ների հետ կապի բաժնից փոխանցեցին․ «Ոստիկանության Վաղարշապատի բաժնում հոկտեմբերի 4-ին ստացվել է «Ֆեյսբուք» սոցիալական ցանցում կատարված գրառման տեսապատճեն, որում քաղաքացին վարչապետի հասցեին  ծանր վիրավորանք պարունակող արտահայտություն է կատարել: Ձեռնարկվում են միջոցառումներ քաղաքացուն հայտնաբերելու ուղղությամբ: Նախապատրաստվում են նյութեր»:

Այս առնչությամբ ԼՈՒՐԵՐ․com-ը մեկնաբանություն ստացավ նաև Արա Գրիգորյանի փաստաբան Գուրգեն Գրիգորյանից, որը նշեց՝ ոչ Արա Գրիգորյանը, ոչ ընտանիքի անդամներից որևիցե մեկը տեղյակ չէ, որ ինչ-որ մեկը փնտրում է Արա Գրիգորյանին կամ կանչում է ոստիկանության բաժանմունք․ «Ես Արա Գրիգորյանի էջը նայում եմ, սակայն Նիկոլ Փաշինյանին վերաբերող ընդամենը մի հրապարակում կա, այն էլ այլ տեղից։ Այսինքն՝ դա ոչ թե իր գրառումն է, այլ մեկ ուրիշ անձի, որը Արա Գրիգորյանը տեղադրել է իր էջում։ Վերջին շրջանում արված որևէ նման գրառում չկա, թե ինչի՞ մասին է խոսքը՝ անհասականալի է»,- նշեց փաստաբանը՝ ընդգծելով, որ Գրիգորյանի նկատմամբ նախապատրաստվող նյութերի վերաբերյալ ծանուցում չեն ստացել։ 

Հիշեցնենք, որ Freedom House միջազգային իրավապաշտպան կազմակերպությունն օրեր առաջ մտահոգություն էր հայտնել Հայաստանի վարչապետ Նիկոլ Փաշինյանին ֆեյսբուքում վիրավորած օգտատիրոջ դեմ վերջերս հարուցված քրեական գործի առնչությամբ։ Կազմակերպությունը նշել էր, որ դա տեղի է ունեցել կառավարական պաշտոնյաներին «ծանր վիրավորանք» հասցնելը քրեականացնող օրենսդրական փոփոխությունների՝ խորհրդարանի կողմից ընդունվելուց երկու ամիս անց, և «նշանավորում է Հայաստանում ժողովրդավարական նորմերի, այդ թվում՝ արտահայտվելու ազատության հստակ նահանջ»։ Հեղինակավոր իրավապաշտպան կազմակերպությունը Հայաստանի իշխանություններին կոչ էր արել «անմիջապես դադարեցնել վիրավորանքը քրեականացնող այս հակասահմանադրական օրենսդրության կիրառումը»։

Սոնա Հարությունյան

Կարող եք կարդալ նաև՝ Մանվել Գրիգորյանի որդին պատասխան է պահանջում Սերժ Սարգսյանից

Այս թեմայով Հայտնի է Արցախի նախագահի կորոնավիրուսի թեստի պատասխանը Ինչու արցախցիներին որոշ դեսպանատներ շենգենյան վիզա չեն տրամադրում «Արմեն Սարգսյանն ինքը որոշեց դուռը շրխկացնի և գնա» Ինչ տարբերություն Արմեն Սարգսյա՞նն է թուղթը ստորագրել, թե՞ Պողոս Պողոսյանը․ Շարմազանով Ով կարող է առաջադրվել նախագահի թեկնածու Կալանք է դրվել Մանվել Գրիգորյանի գույքի վրա Ռեստորանները կբոյկոտեն․ QR կոդ չեն պահանջի Արցախցին Բերձորի մոտակայքում մոլորվել է ու հայտնվել ադրբեջացիների մոտ Ո՞ւր է զինվորը, քանի՞ սպա է պատասխանատվություն կրել նրա առեղծվածային անհետացման դեպքով․ փաստաբան Արցախի Կարմիր շուկայում թշնամու կրակոցից այրվել է դպրոցի մոտ կանգնած ավտոմեքենան