Տեխնոլոգիական զարգացումները և դրանց ազդեցությունը տարբեր ոլորտների վրա. քննարկումներ «Մտքերի հայկական գագաթնաժողով»-ում

Դիլիջանում աշխատանքները շարունակող՝ «Մտքերի հայկական գագաթնաժողով»-ի շրջանակում հոկտեմբերի 24-ին շարունակվել են տեխնոլոգիական զարգացումներին և ապագայում տարբեր ոլորտների վրա դրանց ազդեցությանը նվիրված քննարկումները:

Ինչպես տեղեկացրին Հայաստանի Հանրապետության նախագահի աշխատակազմից, «Հանրային նոր պայմանագիր արհեստական բանականության, նոր տեխնոլոգիաների և համավարակի ժամանակաշրջանում» թեմայով լիագումար նիստի ընթացքում անդրադարձ է եղել կորոնավիրուսի համավարակի հետևանքով առաջացած տնտեսական, սոցիալական, առողջապահական ու քաղաքական փոփոխություններին, որոնք հանգեցնում են պետության հետ նոր հարաբերությունների, որտեղ տեխնոլոգիաները հանդես են գալիս որպես շարժիչ ուժ:

««Կրթության և առողջապահություն. հետքովիդյան վերանայումներ» խորագրով լիագումար նիստի ընթացքում հիմնականում անդրադարձ է եղել երկու ոլորտի՝ կրթության և առողջապահության վրա համավարակի ազդեցությանը։ Նշվել է, որ կորոնավիրուսի համավարակի ընթացքում այս ոլորտներն ավելի շատ են ցնցումների ենթարկվել։

Մասնակիցները մտքեր ու գաղափարներ են փոխանակել կանխարգելիչ առողջապահության վրա կենտրոնանալու անհրաժեշտության, տեխնոլոգիաների շնորհիվ հեռավար և որակյալ կրթությունը հասանելի դարձնելու հնարավորությունների շուրջ»,- ասվում է հաղորդագրության մեջ։

Ըստ աղբյուրի՝ «Գլոբալ մեգամիտումներն ու ֆինանսական աշխարհը» խորագրով քննարկումները ծավալվել են աշխարհում տարբեր ոլորտներում կատարվող փոփոխությունների, ինչպես նաև ֆինանսական աշխարհի վրա դրանց ազդեցության շուրջ։

Քննարկումներին մասնակցել և ելույթներ են ունեցել ՀՀ կենտրոնական բանկի նախագահ Մարտին Գալստյանը, ՄԱԿ-ի Առևտրի և զարգացման համաժողովի (UNCTAD) ներդրումների և ձեռնարկատիրության բաժնի տնօրեն Ջեյմս Ժանը, Մոսկվայի Լոմոնոսովի անվան պետական համալսարանի համալսարանական կլինիկայի տնօրեն, ակադեմիկոս Արմայիս Քամալովը, Սկոլկովոյի գիտության և տեխնոլոգիաների ինստիտուտի պրոֆեսոր Արտեմ Օհանովը, միջազգային գիտական, կրթական կենտրոնների և տեխնոլոգիական ընկերությունների ներկայացուցիչեր։

ՀՀ նախագահի աշխատակազմից հայտնում են, որ գագաթնաժողովի ընթացքում շարունակվել են նաև «Ապագայի զրույցներ» խորագրով քննարկումները, Հանրապետության նախագահ Արմեն Սարգսյանը զրուցել է Ռուսաստանի Դաշնության նախագահի՝ միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի, «Նեսթլե» ընկերության պատվավոր նախագահ Փիթեր Բրաբեք-Լետմաթի, նոբելյան մրցանակակիր Քիփ Թորնի հետ։

Այս թեմայով Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Պետք է բացառել հայկական ԶՈՒ ցանկացած նահանջ. Վահագն Մելիքյան (տեսանյութ) Սա մաքուր հայկական, ազգային, հոգով, սրտով շարժում է. մեր տունը կարգի պիտի բերենք. Գառնիկ Դանիելյան (տեսանյութ) Հայկական Կարմիր խաչի ընկերությունը նոր նախագահ ունի Վարչապետի նոր թեկնածուի տարբեր անուններ են քննարկվում, բայց դեռ որոշում չկա. Բագրատ Սրբազան Հայաստանի տարբեր մարզերից, ԱՄՆ-ից ինչքան «նարկոբարոն» և «կրիմինալ» կա, հավաքվել, եկել են. Բագրատ Սրբազան (տեսանյութ) Սահմանազատման գործընթացում վերջին զարգացումները Միրզոյանը ներկայացրել է Կանադայի ԱԳ նախարարին Վահագն Խաչատուրյանը հանդիպել է Սան Ֆրանցիսկոյի և հարակից շրջանների հայկական համայնքի ներկայացուցիչների հետ Այս պայքարը հայկական է. պիտի միանան զոհված զինծառայողների բոլոր պատվախնդիր ծնողները. տիկին Գոհար Արամ Ա-ն ընդունել է հայկական կուսակցությունների ներկայացուցիչներին