Ամերիկացի երեխան ծնվել է հղիության 21-րդ շաբաթում և դարձել Գինեսի ռեկորդակիր (լուսանկարներ)

ԱՄՆ-ի Ալաբամա նահանգում պաշտոնապես գրանցվել է պատմության մեջ երեխայի ամենավաղաժամ ծնունդը։ Ըստ Բիրմինգհեմի Ալաբամայի համալսարանի, Քերթիս Մինսը ծնվել է անցյալ տարի հղիության 21-րդ շաբաթ և 1 օրում՝ 420 գրամ քաշով:

Նշվում է, որ տղան արդեն մեկ տարեկան չորս ամսական է, սակայն Գինեսի ռեկորդների գրքում գրանցումը հայտնվել է միայն հիմա։

Քերթիսը միայնակ չի ծնվել. նա ուներ քույր՝ Կասիան, բայց վերջինս ապրեց ընդամենը մեկ օր։

Բժիշկները տղայի ողջ մնալու հավանականությունը գնահատել էին 1%, իսկ այն, ինչ տեղի ունեցավ հետո, կոչվում է հրաշք։

Երեք ամիս անց Քերթիսին անջատել են թոքերի արհեստական օդափոխման սարքից, իսկ այս տարվա ապրիլին նա դուրս է գրվել հիվանդանոցից, որտեղ անցկացրել է 275 օր։

Այս թեմայով Հնդկուհին գրանցվել է Գինեսի ռեկորդների գրքում՝ աշխարհում ամենաերկար մազերի շնորհիվ Ամերիկուհին 30 վայրկյանում հագել է 19 զույգ վարտիք և հայտնվել Գինեսի ռեկորդների գրքում (տեսանյութ) Ձվերից աշտարակ. Գինեսի նոր ռեկորդ է սահմանվել (տեսանյութ) Գինեսի ռեկորդների գրքում գրանցված ամենատարօրինակ հինգ նորեկները (լուսանկարներ)