Հարություն Խաչատրյանը վերընտրվեց Հայաստանի կինոգործիչների միության նախագահ

Կինոռեժիսոր Հարություն Խաչատրյանը Հայաստանի կինոգործիչների միության 15-րդ ժողովում վերընտրվեց  Հայաստանի կինոգործիչների միության նախագահ:

«Արմենպրես»-ի հաղորդմամբ՝  միության նախագահի պաշտոնի համար առաջադրվել էր միայն  ներկա տնօրեն Հարություն Խաչատրյանը, որը  և միաձայն ընտրվեց: Հարություն խաչատրյանը ողջույնի իր խոսքում նշեց, որ շատ դժվար չորս տարիներ են անցկացրել: «Մենք եկել էինք, որպեսզի զբաղվեինք կինոյով, արվեստով, վերականգնելով ու վերակառուցելով, բայց բավականին  դժվար  տարիներ անցկացրեցինք. պատճառը և համավարակն էր, և պատերազմն էր, և հազարավոր դժվարություններն էին, որ մենք ունեցանք:  Կարծում եմ, որ մենք մեր մեջ ուժ գտանք նորից վերականգնվելու, հասկանալու համար, որ Կինեմատոգրաֆիան և կինոն մեզ համար շատ կարևոր է: Հասկացանք, որ պետք է մենք շարունակենք, պետք է ապրենք, ուրիշ տարբերակ չկա»,- ասաց նա:

Մինչ ընտրությունը ներկայացվեց Միության չորս տարիների կատարած աշխատանքները՝  բովանդակային և ֆինանսական  մասերով: Հայաստանի կինոգործիչների միության նախագահի խորհրդական Արայիկ Մանուկյանի խոսքով՝ կինոյի տանը նախորդ 4 տարիների ընթացքում ցուցադրվել է 356 ֆիլմ, իրականացվել է 53 հանդիպում՝ ընտրված խորագրերով, անցկացվել է 6 կինոփառատոն, կազմակերպվել են կինոզրույցների շարք, եղել է պրոֆեսիոնալ գիլդիաների կազմավորում, իրականացվել են կինոյի տան շենքի  վերականգնման աշխատանքներ և էլի մի շարք կարևոր նախագծեր:  

Վերստուգիչ հանձնաժողովը, որն անցած չորս տարիներին խիստ վերահսկողությամբ հետևել է Կինոգործիչների միության գործունեությանը, այն գնահատեց բավարարից լավ: Հայաստանի կինոգործիչների միության 153 անդամներից  ժողովին և քվեարկությանը ներկա էին 108-ը: Նախագահի ընտրությունից հետո  համագումարը ընտրեց  նաև վարչության կազմ: 

Նախագահի պաշտոնում վերընտրվելուց հետո Հարություն Խաչատրյանը շնորհակալություն հայտնեց իրեն նորից հնարավորություն տալու համար և շեշտեց,  որ շատ անավարտ գործեր են մնացել, որոնք պետք է միասին շարունակեն:

Այս թեմայով Քեմերոն Դիասը 10 տարվա դադարից հետո վերադարձել է կինո Տարերքը՝ կինո․ Ֆրունզե Դովլաթյանը կդառնար 95 տարեկան Երևանի թատրոնի և կինոյի պետական ինստիտուտի Գորիսի մասնաճյուղի գործունեությունը դադարեցվում է Արցախի մասին պատմող «Երբ որ քամին հանդարտվի» ֆիլմը կցուցադրվի Կաննի 74-րդ կինոփառատոնում «Կինո Մոսկվա»-ի մոտ սպանության գործով կասկածյալը եղել է գլխարկով ու բժշկական դիմակով «Խորհրդային կինեմատոգրաֆում ավելի ազգային եւ ավելի հայկական կինո, քան Արտավազդ Փելեշյանի կինոն էր, թերեւս, դժվար է գտնել». Արմեն Ամիրյան Տարիներ շարունակ փակ ցիկլով պտտվել են ֆիլմերի համար նախատեսված գումարները․ Գորգիսյան Դուք չեք կարող հաշվել ֆիլմի արժեքը. Ձեր չափումները ես չեմ ընդունում և վե՛րջ. Արթուր Մանուկյան Ո՞վ է որոշելու և ի՞նչ սկզբունքով՝ ֆիլմը պոռնոգրաֆի՞կ է, թե՞ ոչ. Զոլյանը՝ Կոստանյանին