Նողկալի է տեսնել, որ անգամ նման ծանր իրավիճակում ամեն մեկն իր ճղճիմ շահն է հետապնդում․ Սեֆիլյան

Պատերազմը չի դադարել. բացի հաճախակի կրկնվող ռազմական դրվագներից, մշտապես ենթարկվում ենք տեղեկութային և հոգեբանական գրոհների։ Նպատակը պարզ է` հնարավորինս քայքայել ու թուլացնել մեզ, որպեսզի կարողանան առանց դիմադրության կլանել նաև այն ամենը, որ դեռևս կենսունակ է մնացել։ Այս մասին ֆեյսբուքյան իր էջում գրել է Ազգային-ժողովրդավարական բևեռի անդամ Ժիրայր Սեֆիլյանը:

Նա, մասնավորապես, նշել է. «Եվ, փոխանակ ուշքի գալու ու կասեցնելու այս աղետալի ընթացքը, մենք` որպես ժողովուրդ և հասարակություն, կուրորեն ենթարկվում ու մասնակցում ենք դրան։ Տվյալ դեպքում խոսքը վերաբերվում է ՏԻՄ ընտրություններին, որոնք շատ արդյունավետ գործիք են դարձել մեզ պառակտելու և զբաղեցնելու առումով։

Նողկալի է տեսնել, որ անգամ նման ծանր իրավիճակում ամեն մեկն իր ճղճիմ շահն է հետապնդում։ Գործող ռեժիմը, օգտագործելով նաև համայնքների խոշորացումը, ձգտում է ՏԻՄ մակարդակում առավելագույնս վերարտադրվել, իսկ մնացածը նրա նկատմամբ ռևանշի հող են պատրաստում կամ էլ ինքնադրսևորման առիթ են գտել իրենց համար։

Մինչդեռ մեր գլխին կախված վտանգը պահանջում է ոչ թե արհեստական ներքին թշնամանքով լցնել առանց այդ էլ քայքայված մեր համայնքները, այլ կասեցնել ՏԻՄ ընտրությունները և զբաղվել անվտանգային-պաշտպանական խնդիրներով, ինչի համար շատ կարևոր է համայնքների ներքին համերաշխությունը։

Վերջապես պետք է հասկանանք, որ կառավարումը փոխվում է վերևից։ Այդ պատճառով մեզ օդ ու ջրի պես անհրաժեշտ է հեռացնել Փաշինյանի ռեժիմին և ստեղծել ժամանակավոր անցումային կառավարություն, որն արդեն ժողովրդի վրա հենվելով կլուծի մնացյալ խնդիրները։ Հակառակ պարագայում, եղածն էլ լուծարելու ներկայիս ընթացքով ստեղծվելու է ընդամենը ձևական կառավարման համակարգ այս կամ այն կայսրության ձեռքի տակ` կարճ ժամանակում պետության վերացման հեռանկարով։

Անելիքը պարզ է և հստակ` չմասնակցել մեր դեմ վարվող պատերազմին և միանալ Ազգային-ժողովրդավարական բևեռի նախաձեռնած պայքարին` նպատակ ունենալով հեռացնել ռեժիմին և ստեղծել ժամանակավոր անցումային կառավարություն։ Առաջիկա հանրահավաքը տեղի կունենա դեկտեմբերի 11-ին, ժամը 15-ին, Ազատության հրապարակում։ Սպասո՛ւմ ենք»։

Այս թեմայով Անկառավարելի իրավիճակ` փակ ճանապարհին. ոստիկանությունը անելանելի իրավիճակում է (տեսանյութ) Վահագն Մախսուդյանի գործով իրավունքի և օրենքի նման ժխտողականություն վաղուց չէի տեսել. փաստաբան «Այս նկարով ամեն տեղ կթողնեն»․ տեսանյութ՝ Պուտին-Ալիև հանդիպումից Սրբազանն ասաց ամեն ինչ. Արման Հովհաննիսյան Միևնույն է, դավաճանությունը չի ներվում, ամեն տեղ հիշեցնում և հիշեցնելու են․ Արտակ Զաքարյան Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան Գյուղը փակուղու մեջ կհայտնվի, ամեն օր գնալու՞ ենք սահմանապահի մոտ ստուգման, որ էրեխուն հաց առնենք Ադրբեջանից գազ գնելը չենք բացառում, օրակարգում նման խնդիր չկա, տեսական հարց է․ ՔՊ պատգամավոր (տեսանյութ) «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ» Բոլորի ու ամեն ինչի վրա «թքած ունենալով». «Փաստ»