«Հրապարակ». Զավթել համայնքապետի պաշտոնը՝ ամեն գնով

«Հրապարակ» թերթը գրում է. «Վեդիում ՔՊ-ի` իշխանությունը զավթելու ծրագիրը ձախողվեց: Համայնքը պատրաստվում է նոր ընտրությունների: Անգամ ընտրական մեծ ծախսերը հետ չեն պահում իշխանություններին ֆորսմաժորներ ստեղծելու մտքից: Իսկ նոր ընտրություններում հաջողելու համար իշխանությունը որոշել է կոկորդիլոսագետ Գարիկ Սարգսյանին, որը ձախողված մարզպետ էր եւ մյուս պաշտոններում էլ իրեն չի արդարացրել, նշանակել Վեդի խոշորացված համայնքապետի ժամանակավոր պաշտոնակատար։

Համայնքապետարանում երկուշաբթի սպասում են Գարիկին: Խոսակցություն կա, որ հենց երկուշաբթի օրն էլ նշանակվելու է։ Իսկ համայնքապետի ներկայիս պաշտոնակատար Ռաֆայել Հակոբյանը, ով Արարատի նախկին փոխմարզպետ Կառլեն Հակոբյանի որդին է, կդառնա նրա տեղակալը։ Աշխատանքից ազատվելու դիմում է գրել ներկայիս փոխքաղաքապետ Ալբերտ Սիմոնյանը, որն ընդդիմության թիմից է։

Գարիկ Սարգսյանի նշանակման լուրը տագնապ է առաջացրել համայնքապետարանում, շատերը կասկած չունեն, որ նա զարկ է տալու կադրային ջարդին, ազատվելու է նախկինների կադրերից, որպեսզի նոր ընտրություններին կուռ շարքերով գնա:

Ընտրությունը, ամենայն հավանականությամբ, կլինի փետրվարի կեսերին։ Ինչ վերաբերում է Արարատ խոշորացված համայնքին, այստեղ էլ «արշալույսները խաղաղ» չեն․ Արման Բաբաջանյանի ցուցակով առաջադրված եւ 13,82 տոկոս տարած Արսեն Հակոբյանը, որի միանալու դեպքում միայն իշխանական թեկնածուն կարող է համայնքապետ դառնալ, խառնել է նախապես գծված սցենարը եւ չի պատրաստվում հենց այնպես կոալիցիա կազմել ՔՊ-ի հետ ու նրանց տալ համայնքի ղեկավարի պաշտոնը։

Երեկ նշանակված ավագանու անդրանիկ նիստը չի կայացել, քանի որ Հակոբյանի պահանջներին իշխանությունը չի արձագանքել: Ըստ լուրերի, Հակոբյանը չի բավարարվում միայն փոխքաղաքապետի պաշտոնով, ավելին է ուզում»:

Այս թեմայով Աղետների ռիսկի կառավարման պլանի նախագծի շնորհանդես Վեդի համայնքում Վեդի-Այգավան ճանապարհին մեքենաներ են բախվել Վեդի համայնքի Տափերական բնակավայրում գործարկվելու է էլեկտրական շչակ Փոքր Վեդի գյուղում հրդեհ է բռնկվել Ահազանգ է ստացվել, որ Վեդի քաղաքում՝ ջրանցքում, ավտոմեքենա է ընկել Փոքր Վեդի գյուղի 44-ամյա բնակիչը գումարային հարցերի շուրջ ծագած վեճի ժամանակ դանակահարել է 24-ամյա համագյուղացուն Վեդի քաղաքի Արարատյան փողոցում 12 ավտոմեքենա է այրվել, որից 3-ը՝ մասնակի Վեդի տարածքային ստորաբաժանման ղեկավարի նկատմամբ հանրային քրեական հետապնդում է հարուցվել Գարիկ Սարգսյանը ձեռքերը գրպանում բարեւեց լրագրողներին, բայց չցանկացած պատասխանել հարցերի Վեդիի բնակիչ եղբայրների և գոռավանցի եղբայրների միջև ծեծկռտուք է եղել, որն ավարտվել է դանակահարությամբ