«Առողջության իրավունք» իրավապաշտպան ՀԿ-ն ապաքաղաքական է՝ միտված իրագործելու քաղաքացիների առողջ լինելու իրավունքը. Տիգրան Խաչատրյան

Փետրվարի 24-ին «Արմենիա Մարիոթ» հյուրանոցի «Աշոտ Երկաթ» սրահում կայացավ  «Առողջության իրավունք» իրավապաշտպան ՀԿ-ի հիմնադիր համանախագահներ Տիգրան Խաչատրյանի, Ծաղիկ Վարդանյանի և Անուշ Պողոսյանի  մամուլի ասուլիսը, որով մեկնարկ տրվեց Հայաստանում առաջին անգամ ձևավորված «Առողջության իրավունք» իրավապաշտպան հասարակական կազմակերպությանը:

Ասուլիսի մեկնարկը ազդարարեց ՀԿ-ի հիմնադիր համանախագահ Տիգրան Խաչատրյանը, որը շեշտեց կազմակերպության ապաքաղաքական լինելու հանգամանքը, և վստահեցրեց, որ կազմակերպությունը միտված է միայն հայ ժողովրդին օգնելուն. «Մենք երկար տարիներ աշխատել ենք այս համակարգում և առողջապահության կազմակերպչական գործունեության մեջ ունենք մեծ փորձ, որոշեցինք հասկանալ՝ ինչով կարող ենք օգնել մեր համակարգին, պետությանն ու ժողովրդին: Մեր հիմնական նպատակը քաղաքացիներին աջակցելն է. մենք կօգնենք մարդկանց ստանալ որակյալ  բուժում, մատչելի չեմ ասում, քանի որ բժշկությունը չի կարող լինել մատչելի, այն թանկ հաճույք է, բայց, միևնույն պահին, պետք է լինի բոլորին հասանելի: Մի շարք խնդիրներ ունենք լուծելու տարբեր ոլորտնեում՝ բժշկական, սոցիալական, տնտեսական, իրավաբանական։ Այսօր մեր բնակչության մեծ մասը օբյեկտիվ կերպով դժգոհ է բուժսպասարկման հասանելիությունից և որակից։ Մեր բուժաշխատողները դժգոհ են աշխատանքային պայմաններից և աշխատավարձից, բուժհիմնարկները դժգոհ են, որ ֆինանսավորումը քիչ է։ Ելնելով այս ամենից՝ որոշեցինք ստեղծել մի ապաքաղաքական կազմակերպություն, որը միտված է օգնելու մեր ժողովրդին առողջ լինելու իրավունքը պաշտպանել»,- նշեց Տիգրան Խաչատրյանը:

«Առողջության իրավունք» իրավապաշտպան ՀԿ-ի հիմնադիր համանախագահ Անուշ Պողոսյանն էլ ասաց, որ ՀԿ-ն համագործակցելու է բոլոր պետական տեղական ինքնակառավարման մարմինների, միջազգային կառույցների, ինչպես նաև շահագրգիռ, պրոֆեսիոնալ անհատների և կազմակերպությունների հետ. «Գաղափարը քննարկվել է և մեծ արձագանք ստացել նաև սփյուռքի հայրենակիցների կողմից: Արդեն իսկ կան շատ մտքեր՝ հատկապես արտահիվանդանոցային բժշկական օգնության և սպասարկման որակի բարելավման հետ կապված: ՀԿ-ն պատրաստ է քննարկելու բոլոր շահագրգիռ կողմերի առաջարկները և բոլորի հետ գործընկերային հարաբերություններ կնքել: Կարծում ենք՝ թիմային աշխատանքի արդյունքում օրի օրի առողջապահական ոլորտում դրական փոփոխություններ կարձանագրենք»,- ասաց նա:

ՀԿ հիմնադիր համանախագահ Ծաղիկ Վարդանյանն էլ նշեց, որ շուրջ 1 տարի է, ինչ առողջապահական ոլորտում վակուում է նկատում: Ըստ նրա՝  բժշկական կենտրոնները ևս անպաշտպան իրավիճակում են գտնվում. «Կարծում եմ՝ շատ ակտիվ գործելու ենք և առաջին թիրախը մեզ համար լինելու է քաղաքացու առողջ լինելու իրավունքի պաշտպանությունը: Առաջին թեղում ՀՀ բնակիչն է, նա պետք է զգա, որ  անկախ ամեն ինչից, ունի աջակիցներ, մասնագետներ, ովքեր ցույց կտան, թե ինչպես պետք է արվեն քայլերը: Խոստանում եմ՝ բոլոր դեպքերին արձագանքելու ենք»,- նշեց նա՝ շեշտը դնելով նաև ապահովագրական բժկության վրա, որի առկայության դեպքում առողջ լինելը հասանելի կլինի բոլորին:

Համանախագահները նշեցին, որ անտեսված չեն լինելու նաև մարզերի բնակիչները և իրենց առաջին մեկնարկային ծրագիրը նախատեսվում է անցկացնել Գեղարքունիքի, Վայքի և Տավուշի սահամանամերձ մարզերում՝ «Առողջության առաջնային պահպան ծառայության բարելավումը» քովիդի կոնտեքստում. «Առաջին հերթին ահասանելիություն ենք ապահովելու մարզերում, երկրորդը կրթական է՝ այսինքն, մարզային առողջապահական համակարգի ավագ և միջին բուժաշխատողների կրթական կոմպոնենտի ապահովումը հենց իրենց մարզերում: Պատահական չէ, որ  մենք մեկնարկը տալիս ենք հենց մարզերում, որովհետև, իրականում, մենք այսօր մարզերում ունենք առողջապահական լուրջ խնդիրներ»,- ասաց ԱՆուշ Պողոսյանը:

Ասուլիսը ավարտվեց Տիգրան Խաչատրյանի ելույթով․ նա ասաց, որ իրենք երևան են եկել ոչ թե բուժհաստատության կամ ոլորտի աշխատանքը քննադատելու, այլ՝ օգնելու. «Մենք անտարբեր չենք, ուզում ենք իսկապես օգտակար լինել մեր ժողովրդին: Պարզ ասեմ, որ հիվանդը ընկեր-ծանոթ ման չգա բուժկենտրոն գնալուց, եթե մենք դրան հասնենք, համարեք՝ կունենանք շատ լավ առողջապահական համակարգ: Մեր փորձը ներդնելու ենք, որ օգնենք, մենք չենք եկել, որ քննադատենք, բայց, եթե այդպես էլ լինի, ապա՝ լուծումն էլ ենք առաջարկելու»,- նշեց ՀԿ հիմնադիր համանախագահ Տիգրան Խաչատրյանը:

Զվարթ Պետրոսյան

Այս թեմայով «Նույնն ա, որ թշնամու մոտ գերի ընկնես և ստիպողաբար ուղերձ հղես»․ Աբգար Պողոսյան Միջազգային ճնշումը պետք է շարունակվի. Դավիթ Վարդանյանը France 24-ի եթերում խոսել է Ռուբեն Վարդանյանի հացադուլի մասին ԵՄ դեսպանի հետ քննարկեցինք ՀՀ–ում մարդու իրավունքների հետ կապված խնդիրները․ Տիգրան Աբրահամյան Գիտեին ով եմ, բայց ուժով տարան բաժին ու դեռ իբր ճշտում են` ինչ հիմքով են բերման ենթարկել. Խաչատրյան (տեսանյութ) Սևանի հոգեկան առողջության կենտրոնում պացիենտների վերջույթները կապվել են սավաններով կամ հագուստով. ՄԻՊ «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Ձերբակալությունները իշխանության ապազգային գործունեությունը չեն քողարկի, իրավիճակը մի օր պայթելու է․ Տիգրան Աբրահամյան Ռուբեն Վարդանյանը համաձայնել է ընդհատել հացադուլը. նրան թույլ է տրվել խոսել ընտանիքի հետ «Ով մտածում է՝ հայկական չի, իրա ․․․»․ Գերասիմ Վարդանյան (տեսանյութ) Մենք մշտապես կարևորում ենք հայ-ֆրանսիական խորհրդարանական հարաբերությունների զարգացումը․ Վարդանյան