Խարկովում ծայրահեղ ծանր իրավիճակ է. գնացք մուտք գործելու առաջնահերթությունը տրվում է կանանց և երեխաներին

Խարկովում ծայրահեղ ծանր իրավիճակ է՝ ռմբակոծել են բոլոր բնակելի թաղամասերն ու շենքերը, կենտրոնը, ադմինիստրատիվ կառույցները: Բնակչությունը «պանիկայի» մեջ է: Այս մասին ԼՈՒՐԵՐ.com -ի հետ զրույցում ասաց Խարկովում Հայաստանի պատվավոր հյուպատոսի օգնական Համլետ Հովհաննիսյանը:

Նա ասաց, որ մարդիկ ամեն գնով փորձում են դուրս գալ քաղաքից, ինչի հետևանքով գոյացել են կմ-երով խցանումներ, և նրանք ժամերով մնում են դրա մեջ.

«Անհատները ևս իրենց մեքենաներով մարդկանց են տարհանում քաղաքից, այսօր արդեն ավելի մեծ թափ է ստացել բնակչության կողմից քաղաքը լքելը»,- ասաց նա հավելելով, որ մարդիկ կարող են անարգել լքել քաղաքը անձնագրերի առկայության դեպքում, ինչպես նաև վստահ լինելուց հետո, որ այդ ճանապարհներն անվտանգ են:

Հետաքրքրվեցինք, թե ինչ ուղղություններով են գնում Խարկովի բնակիչները, Համլետ Հովհաննիսյանը պատասխանեց, որ հիմնականում ուղևորվում են Ուկրաինայի արևմտյան հատված:

Մեր զրուցակիցը նաև հայտնեց, որ Խարկովից այժմ սկսել է նաև գործել գնացքը, որի ուղղությունը դեպի Լվով քաղաքն է. «Մեծ հերթեր կան նաև այնտեղ, սակայն գնացք մուտք գործելու առաջնահերթությունը տրվում է կանանց և երեխաներին»,- ընդգծեց Համլետ Հովհաննիսյանը:

Զվարթ Պետրոսյան

Այս թեմայով Սրբազանն ասաց ամեն ինչ․ Արման Հովհաննիսյան Համլետ Մանուկյանն ու Մամիկոն Խաչատրյանը եզրափակչում են. մարմնամարզության երիտասարդների ԵԱ «Տավուշյան շարժումը» կարիք ունի քաղաքական ձևակերպումների և այդ դեպքում այն կբերի հաջողության. Հովհաննիսյան 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Քաղաքացիական պատերազմ են հրահրում․ արշավ Եկեղեցու և Կիրանցում ակցիայի մասնակիցների դեմ Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան Բռնցքամարտիկներ Արթուր Բազեյանը, Արարատ Հարությունյանը և Համլետ Հարությունյանը ԵԱ-ի քառորդ եզրափակչում են ԵԱ․ Համլետ Հարությունյանը մեկնարկեց հաղթանակով (տեսանյութ) Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց