Թագուհի Թովմասյանը և Ջեքի Սփիերը քննարկել են Արցախի ժողովրդի ինքնորոշման իրավունքի իրացման հարցը

«Օրենսդրի դերը ԱՄՆ-ում» ծրագրի շրջանակներում Վաշինգթոնում ՀՀ ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանը հանդիպել է Կոնգրեսի ներկայացուցչական պալատի անդամ և հայկական հարցերով հանձնախմբի համանախագահ Ջեքի Սփիերի հետ: Այս մասին պատգամավորը հայտարարություն է տարածել, որում ասված է․

«Ջեքի Սփիերը ևս այն քիչ կոնգրեսականներից է, ով հաշվի չառնելով Ադրբեջանի շարունակական ահաբեկումները, եղել է Արցախում և իր ամենօրյա աշխատանքով աջակցում է հայ ժողովրդին, ինչի համար խորին շնորհակալությունս եմ հայտնել տիկին Սփիերին։

Քննարկման թեման կրկին արցախահայերի իրավունքներն էին, որոնք ոտնահարվում են Ադրբեջանի համակարգված ցեղասպան քաղաքականության արդյունքում։

Տիկին Սփիերին եմ ներկայացրել Արցախ կատարած այցիս արդյունքում արձանագրած փաստերը․

1․Հոգեբանական ճնշումների և ուժի սպառնալիքի միջոցով Ադրբեջանը բռնի տեղահանման է ենթարկում արցախահայերին։

2․Ադրբեջանը, օգտվելով ռուս-ուկրաինական պատերազմից, սադրանքների է դիմում Արցախում, որտեղ խաղաղապահ առաքելություն է կատարում ռուսական զորակազմը։

3․ Մարտի 24-ից ադրբեջանցիները հրադադարի պայմաններում ներխուժել են Փառուխ համայնք և հարակից դիրքեր և հաստատվել այնտեղ, ինչի արդյունքում զոհվել են 4 զինծառայող և վիրավորում ստացել 18-ը։

4․ Ադրբեջանը դիտավորյալ զրկել է գազամատակարարումից Արցախի շուրջ 100 000 բնակչի, այդ թվում՝ երեխաներ, կանայք, տարեցներ, հիվանդներ, դպրոցների, ինչպես նաեւ հիվանդանոցների, արտադրությունների, ինչի արդյունքում Արցախում հումանիտար ճգնաժամ է։

5․ Ադրբեջանը պարբերաբար կրակի տակ է պահում սահմանային բնակավայրերը՝ թիրախավորելով խաղաղ բնակիչներին, ինչի արդյունքում խաթարվել է արցախահայերի բնականոն կյանքը, խախտվել է կյանքի, խաղաղ ապրելու, սեփականության և այլ հիմնարար իրավունքներ։

Քննարկել ենք նաև և երկուստեք կարևորել Արցախի ժողովրդի ինքնորոշման իրավունքի իրացման կարևորությունը։ Ջեքի Սփիերի հետ զրույցում ևս կոչ եմ արել կոնգրեսականին Ադրբեջանի դեմ հստակ մեխանիզմներ մշակել, և աշխարհի ուշադրությունը հրավիրել Արցախի և Հայաստանի վրա, քանի որ լռությունը բերում է անդառնալի հետևանքների, ինչին էլ ականատես ենք լինում հիմա Արցախում և Հայաստանի սահմաններին: Ադրբեջանը շարուկում է օկուպցված պահել Հայատանի սահմանամերձ մի շարք համայնքների արոտավայրերը»:

Այս թեմայով Համոզված ենք, որ Իրանի ժողովրդի կամքով և միասնությամբ կհաղթահարվի այս ծանր կորուստը. Սեյրան Օհանյան Մեր բոլոր մտքերն ու աղոթքներն բարեկամ Իրանի և եղբայրական ժողովրդի հետ են. «Տավուշը հանուն հայրենիքի» շարժում Երևանի Արցախի պողոտայից «Էրեբունի» ԲԿ տանող ճանապարհին տեղի է ունեցել ՃՏՊ. կան տուժածներ Ժողովրդի կողմից իշխանության ձևավորման մի մեխանիզմ կա. Արսեն Թորոսյանը՝ Բագրատ Սրբազանին Ադրբեջանում Արցախի դեմ ագրեսիայի մասնակիցը ՌՕՈւ հրամանատար է նշանակվել Հաջիևն ու Սալիվանը քննարկել են հայ-ադրբեջանական հարաբերությունների կարգավորման գործընթացը Մխիթարյանը անդրադարձել է Բաքվի կողմից գերեվարված Արցախի ռազմաքաղաքական ղեկավարությանը «Ես միշտ ժողովրդի հետ եմ»․ Ալիկ Սարգսյան Միրզոյանն ու Ավստրիայի ԱԳ նախարարը քննարկել են ՀՀ-ԵՄ գործընկերության խորացմանն ուղղված քայլեր Ամենակարևոր հարցը, որը մեր երկրի զարգացման հիմքում պետք է դրված լինի, ճշմարտության և արդարության գաղափարն է․ Բագրատ Սրբազան