«Հայաստանը արցախցիներին թշնամու դեմ թողնում է մեն-մենակ. ցեղասպանության վտանգ կա»

Մարդ, որը 2 տարի շարունակ ասում էր՝ Արցախը Հայաստանն է և վերջ, հիմա եկել Աժ ամբիոնից ինքնախոստովանություն է անում, ներողություն խնդրում և, ըստ էության, իր ամբողջ թիմով պատրաստակամություն է հայտնում Արցախի կարգավիճակը քննարկել Ադրբեջանի կազմում. սա ամենաանթույլատրելին է, որը կարող է պատահել Հայաստանի հետ: Այս մասին ԼՈՒՐԵՐ.com -ի հետ զրույցում ասաց «Պատիվ ունեմ» խմբակցության պատգամավոր Թագուհի Թովմասյանը:

Պատգամավորը համոզված է, որ որևէ ներողություն ոչ մի արցախցի չի ընդունելու, որովհետև ցանկացած նման կարգավիճակի քննարկում նշանակում է, որ Հայաստանը Արցախը ադրբեջանցիների դեմ թողնում է մեն-մենակ. «Ըստ էության՝ Արցախը թողնում է ցեղասպանության վտանգի առաջ. սա պետք է արձանագրենք և ամեն կերպ թույլ չտանք, որ հանկարծ Նիկոլ Փաշինյանին հաջողվի որևէ փաստաթուղթ ստորագրել, ըստ որի կկարողանա Արցախի հայկական լինելը կասկածի տակ դնել»,- ասաց Թագուհի Թովմասյանը հավելելով՝ ներքաղաքական վիճակը Հայաստանում շարունակվում է ալեկոծված մնալ:

Անդրադառնալով երեկվա Արցախի ԱԺ-ի հայտարարությանը՝ նա ասաց՝ դա այն մասին էր, թե ինչ են ակնկալում ՀՀ-ի քաղաքական ուժերից և ԱԺ-ից: Նա նշեց, որ նրանք պետք է աչալուրջ լինեն այդ խոսքերին և գնան առաջ:

Խոսելով խորհրդարանական ընդդիմադիրների առաջիկա պլաններից՝ պատգամավորը նշեց. «Առաջիկայում ընդդիմադիրները ով ինչ հնարավորություն և ռեսուրս ունի, գեներացնելու է, որպեսզի մեր երկրում քաղաքական լայնածավալ պրոցեսներ սկսվեն, քանի որ անհնար է ուղղակի այսօրվա իրավիճակը հանդուրժել: Հայաստանի քաղաքացիները պետք է արթնանան խորը քնից և հասկանան, որ եթե այսօր մենք Արցախը թողնում ենք բախտի քմահաճույքին և արցախցուն թողնում ենք ադրբեջանցիների հետ մեն-մենակ, նշանակում է, որ արցախցիներին ցեղասպանելուց հետո հաջորդը լինելու է Հայաստանի բնակչությունը. հավանաբար կսկսեն Սյունիքից: Մեզ չպետք է վախեցնեն նոր պատերազմ, դրա համար գոյություն ունի դիվանագիտություն և ճկունություն, որպեսզի մենք չդառնանք 21-րդ դարի զոհաբերվող մատաղացուները»,- ասաց նա:

Հետաքրքրվեցինք, թե ինչ նկատի ուներ, երբ ասաց քաղաքական լայնածավալ պրոցեսներ պետք է սկսվեն երկրում, արդյո՞ք նկատի ուներ բողոքի ակցիաներ, անհնազանդության ցույցեր, գործադուլ, Թագուհի Թովմասյանն ասաց, որ դեռ չի կարող ասել՝ ինչ քայլեր են պատրաստվում իրականացնել, քանի որ պետք է լինի հավաքական որոշում:

Հարցին, արդյո՞ք ընդդիմությունը պետք է վայր դնի իր մանդատները այդ կերպ շահելով հասարակության նախկին վստահությունը, մեր զրուցակիցն ասաց, որ դրանք վայր դնելով որևէ էական բան չի փոխվի. «Առաջինը ես եմ պատրաստակամություն հայտնել խմբով մանդատները վայր դնելու, բայց, ցավոք սրտի, մանդատները վայր դնելով, Ազգային ժողովը չի լուծարվում և հետևաբար ուղղակի ընդդիմությունը զրկվելու է խորհրդարանի ամբիոնից, բայց խորհրդարանը մնալու է և աշխատելու է այնպես, ինչպես այս երկու օրերին աշխատեց: Մանդատ դնելով՝ Նիկոլ Փաշինյանը չի գնա, բայց, իհարկե, ցանկացած պահի մենք կարող ենք քննարկել և դրանք վայր դնել՝ ստեղծելով միայն քաղաքական ճգնաժամ, ոչ ավելին. պետք է ամեն ինչ անենք Նիկոլ Փաշինյանի ադրբեջանամետ և թուրքամետ ծրագրերը տապալելու համար»,- եզրափակեց նա: 

Զվարթ Պետրոսյան

Այս թեմայով Օրենքը «օրենք չէ», եթե բացառություններ չունի ՔՊ պատգամավորների համար․ Թագուհի Ղազարյանի ոչ ստեղծագործական աշխատանքի հետքերով. «Ժողովուրդ» Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Ամոթ, խայտառակություն․ ոստիկանները բիրտ ուժ կիրառելով բերման են ենթարկում խաղաղ անհնազանդության ակցիա իրականացնող քաղաքացիներին (տեսանյութ) Քաղաքացիները մետրոյի տարբեր կայարաններում ակցիաներ են իրականացնում (տեսանյութ) Էս երիտասադրության հետ Արցախ եմ հասնելու ու մենահամերգ տամ. Գայա Արզումանյան (տեսանյութ) ԵՊՀ-ի Արհմիությունը կոչ է անում ԵՊՀ բոլոր դասախոսներին և աշխատողներին միանալ համազգային բողոքի և խաղաղ անհնազանդության միջոցառումներին Սա սրբազան պայքար է և լիահույս եմ, որ մեր սերունդը վերադառնալու է Արցախ. քաղաքացի «Փաշինյա´ն,հեռացի´ր». բողոքի ակցիաներ մայրաքաղաքում Դասադուլն ավանդական և թույլատրելի կոլեկտիվ բողոքի գործողություն է, որը պաշտպանված է Սահմանադրությամբ Մեր սրտերում մնալու է Արցախ վերադառնալու տեսիլքը. Բագրատ Սրբազան