«Բացառում եմ ինքնասպանության վարկածը, մահացած զինվորի մարմնի վրա բռնության հետքեր են հայտնաբերվել». մանրամասներ

Ինչպես հայտնել էինք ՊՆ-ն երեկ հայտարարություն տարածեց այն մասին, որ ժամը 10:15-ին, հանրապետության արևելյան ուղղությամբ տեղակայված N զորամասի մարտական հենակետերից մեկում հայտնաբերվել է շարքային Արգիշտի Արմենի Եղյանի (ծնվ. 2002 թ.) դին՝ կրծքավանդակի շրջանում հրազենային վիրավորումով։ 

Իսկ այսօր էլ հայտարարությամբ հանդես եկավ ՔԿ՝ նշելով, որ ՀՀ ՊՆ N զորամասի հրաձիգ-նռնակաձիգի օգնական, պարտադիր ժամկետային զինծառայող, շարքային Արգիշտի Արմենի Եղյանը, նույն զորամասի պահպանության տեղամասում գտնվող մարտական դիրքի դիտակետում իրեն ամրակցված ինքնաձիգից կրակոց արձակելով կրծքավանդակի շրջանին, ինքնասպան է եղել:

Դեպքի վերաբերյալ մանրամասներ ստանալու նպատակով ԼՈՒՐԵՐ.com-ը կապ հաստատեց Սիսիանի Շաքե գյուղի համայնքի ղեկավար, ինչպես նաև Արգիշտի Եղյանի ընտանիքի բարեկամ Ռուբեն Մանուչարյանի հետ, որը բացառեց զինծառայողի ինքնասպանության վարկածը.

«Ես չեմ հավատում, որ Արգիշտին ինքնասպանություն է գործել, որովհետև մարմնի վրա բռնության հետքեր են հայտնաբերվել՝ կապտուկներ են եղել պարանոցի, դեմքի, ձեռքերի, կրծքավանդակի, աճուկային շրջաններում: 1 տարի 4 ամիս ծառայություն անցած զինվորը ինչպես կարող է ինքնասպան լինել, նա գրեթե բոլոր դժվարությունները անցել էր, սա առաջին կամ երկրորդ դեպքը չէր, երբ դիրք էր պահում, երկար ժամանակ է, ինչ նա դիրք է բարձրանում»,- նշեց մեր զրուցակիցը:

Վերջինս այն կարծիքին է, որ կատարվածը վերագրում են որպես ինքնասպանություն, որպեսզի զորամասի վարկանիշն ու հեղինակությունը չընկնի:

Նա նաև հավելեց, որ Արգիշտին իր մահվան նախորդ օրը սովորականից շատ ավելի երկար է խոսել հայրիկի հետ և որ զարմանալի է, տրամադրությունը շատ բարձր է եղել, այնքան բարձր, ինչպիսին չի եղել մինչ այդ:

Կարդացեք նաև՝ Մայրը սրտի խնդիրներ ունի, բոթը լսելիս ուշագնաց եղավ. մանրամասներ՝ այսօր դիրքում մահացած հայտնաբերված զինծառայող Արգիշտի Եղյանից:

Զվարթ Պետրոսյան

Այս թեմայով Երևանում խոշոր ու ողբերգական հրդեհի հետևանքով մահացած կնոջ ինքնությունը պարզվել է Այսօր մահացած պայմանագրային զինծառայողը Ազատամուտ գյուղից էր. Oragir.News Օկուպացված Քարվաճառում ադրբեջանցի զինվոր է մահացել (լուսանկար) Պապիկյան, այ տականք, 15 զինվոր մի սենյակում ի՞նչ գործ ուներ, սկի թուրքը չի կարում էդքան հայ սպանել (տեսանյութ) «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Գերմանացի` 2018 թվականին մահացած ճանաչված միլիարդատիրոջը հայտնաբերել են Մոսկվայում՝ սիրուհու տանը (լուսանկարներ) Զինվորական «Ուրալի» վթարի հետևանքով մահացած Ժոզեֆ Ազոլյանը Արտաշատից էր Վարդենիս համայնքի Բանավան թաղամասում գործարկվելու է էլեկտրական շչակ ՈՒՂԻՂ. Ինչո՞ւ չեն բացահայտվում խաղաղ պայմաններում մահացած զինծառայողների գործերը. քննարկում Վարդենիս քաղաքում այրվել է անասնակեր