Նորվեգիայի արքայադստեր փեսան բողոքել է սպառնալիքներից

Նորվեգիայի արքայադուստր Մարթա Լուիզան և նրա փեսացուն՝ Դուրեկ Վերեթը, ով իրեն շաման է անվանում, բողոքել են, որ սպառնալիքներ են ստանում անցյալ շաբաթ իրենց նշանադրության մասին հայտարարելուց հետո։ Այս մասին նրանք խոսել են Instagram-ի ուղիղ եթերում, հայտնում է Daily Mail-ը։

Հիշելով «Բրիջերթոնները» սերիալը, որտեղ կան տարբեր ռասաների պատկանող արիստոկրատ զույգեր, Դյուրեկ Վերեթն ասել է, որ մարդիկ սիրում են հեռուստացույցով դիտել նման պատմություններ, բայց չեն ցանկանում «իսկական Բրիջերթոններին» տեսնել առօրյա կյանքում։

Դյուրեկ Վերեթի խոսքով՝ ինքը ստանում է «մահվան սպառնալիքներ և վիրավորանքներ»։

Նա կարծում է, որ մարդիկ վրդովված են այն պատճառով, որ թագավորական ընտանիքում կինն ընտրել է սեւամորթ փեսայի։

«Երբ տղամարդն ընտրում է մուգ մաշկի գույն ունեցող կնոջ, սա այլ հարց է, նա տղամարդ է։ Բայց երբ արքայադուստրն է ընտրում թխամորթին, դա պատմության մեջ երբեք չի եղել, և մարդկանց համար շատ դժվար է դա հաղթահարել»,- ասել է նորվեգացի արքայադստեր սիրեցյալը:

Նա հավելել է, որ մարդիկ «զայրացած և վրդովված են և իսկապես ստոր բաներ են ասում», բայց նրանք պետք է հաշտվեն այն փաստի հետ, որ աշխարհը զարգանում է և երբեք նույնը չի լինի:

Մարթա Լուիզը, իր հերթին, խոստովանել է, որ երբեք չի հասկացել, թե ինչ «սպիտակ արտոնություններ» ունի, և այժմ դրանք զգում է։ Նա հավելել է, որ ցնցված է այն փաստից, որ ռասիզմի դրսևորումները դեռևս առկա են հասարակության մեջ։

Այս թեմայով Նորվեգիայի թագավորը հոսպիտալացվել է Մալայզիայում Նորվեգիայում պատգամավորը գողություններ է կատարել խանութներից Նորվեգիայի պաշտպանության նախարարը 30 մլն դոլար կհատկացնի ՆԱՏՕ-ի հիմնադրամին Ուկրաինայի համար Նորվեգիայի արքայադուստր Մարթա Լուիզան հրաժարվել է ներկայացնել թագավորական տունը Նորվեգիայի թագավորը հայտնվել է հիվանդանոցում Նորվեգիայում հսկայական երկնաքար է ընկել (տեսանյութ) Նորվեգիայում ևս երկու մարդ է մահացել կորոնավիրուսի դեմ AstraZeneca-ով պատվաստվելուց հետո Ֆրանսիայում և Նորվեգիայում հայտարարվել է կորոնավիրուսի երրորդ ալիքի բռնկման մասին