ՀՀ-ում մի կողմից պետական ապարատի տոտալ փլուզում է, մյուս կողմից՝ համատարած անտարբերություն․ Վահե Թորոսյան

Հայաստանում վաղուց այլևս զարմանալի չէ, որ գործընթացները դուրս են եկել ոչ միայն պետական, այլև հանրային վերահսկողության տիրույթից․ կարծեք, մի անտեսանելի, դիվային ուժ քաղաքակրթական պատկառելի տարիք, ավանդույթներ, հզոր ժառանգություն ունեցող ՀԱՅՈՒԹՅԱՆԸ շեղում է իր պատմական առաքելությունից, արժեքային կոդերից։ Եվ մեծ հարց է, արդյո՞ք պետական ու հասարակական այս գահավիժման դեմ որևէ արգելակ չկա, որևէ ելք ու հնար չկա՝ դուրս գալու այս պատմականորեն վատ թմբիրից։

«Ցավոք, մեր հասարակությունը և պետությունն այսօր ապրում են պատմության վատթարագույն օրերը: Մի կողմից տեսնում ենք պետական ապարատի տոտալ  փլուզում՝ իր անվտագային բաղադրիչներով, մյուս կողմից հասարակության հարմարվողականություն կամ որ ավելի վատ է համատարած անտարբերություն: Թեև սրանք մեկը մյուսի հետ փոխկապացված են և մեկը մյուսի ծնող պատճառն են: Հասարակության այսօրվա աղետալի վիճակը իր բոլոր դրսևորումներով  կառավարող վերնախավերի գործունեության արդյունքն է»,- ԼՈՒՐԵՐ․com-ի հետ զրույցում ընդգծեց իրավագիտության թեկնածու, «Ժողովրդավարական համախմբում» կուսակցության գաղափարական հանձնաժողովի պատասխանատու Վահե Թորոսյանը։

Նրա բնորոշմամբ, արժեքային այս խորը ժգնաժամը հաղթահարելու միակ ելքը հնարավոր է ազգային ներուժի համախմբման միջոցով, որքան էլ դա այսօր  վերացական հնչի: Միշտ էլ պատմության մեջ այդ առաքելությունը տրված է եղել ոգեղեն անհատներին, որոնք բեկել են իրադարձությունների ընթացքը, համոզված է Թորոսյանը:

«Ինչու՞ այսօր մեզ դա չի հաջողվում, քանի որ չի հաջողվում գոնե մեկ անգամ մեր անձնական խմբային շահը ստորադասել  վերխմբային և ազգային  շահերին:  Քաղաքական հավակնությունները վեր են թվում բոլոր արժեքներից և արդյունքում վերանում է պետությունը: Իսկ մենք  դրա իրավունքը չունենք, սա մեր վերջին հանգրվանն է»,- նշեց իրավագետը։

Զրուցեց ՝ Արա Ալոյանը

Այս թեմայով ՈւՂԻՂ. ԱԺ պետական-իրավական հարցերի հանձնաժողովի նիստ Բյուջեից ևս 3 միլիարդ դրամ կտրամադրվի պետական պատվերով առողջապահական ծառայությունների տրամադրմանը Փաշինյանին որպես մարդ չեմ կարող գնահատել, բայց որպես պետական գործիչ ստախոս է. Սրբազան (տեսանյութ) Կրեմլը հայտնել է մայիսի 16-ին Պուտինի առաջին պետական ուղևորության մասին Վաղն առավոտ ժամը 8.00-ից տոտալ դասադուլներ, գործադուլներ, պարալիզացնել ամբողջ քաղաքը. Բագրատ Սրբազան Պետական որոշ կառույցների աշխատակիցներին զգուշացվել է` կհեռացվեն աշխատանքից, եթե մասնակցեն հավաքներին. Ռուբեն Մելիքյան Պետությանը վերադարձված 2 հողամասերն ամրացվեցին Պետական գույքի կառավարման կոմիտեին․ դատախազություն 300 մլն դրամի ներդրում սահմանամերձ համայնքում. կնքվեց խեցգետնաբուծության զարգացման պետական աջակցության մասնակցության առաջին պայմանագիրը Սա պետական դավաճանություն է` թշնամուն հանձնել ՀՀ-ի տարածքը. մեր գյուղը այսպես է ընկալում սա (տեսանյութ) «Շողակաթ» Հ/Ը կա, պետական փողերով էդ ու՞մ ա պատկանում», «Մայր Աթոռն է ֆինանսավորում, խնդիրներ ունի» (տեսանյութ)