Կուշտ ընթրիքը չի խանգարում քաշի կորստին, բայց կուշտ նախաճաշն օգնում է. Cell Metabolism

Досуг 10 Сентябрь, 2022 16:40

Կենսաբանները ցույց են տվել, որ հիմնական կերակուրը չի ազդում մարդու նյութափոխանակության վրա, սակայն կուշտ նախաճաշը կարող է նպաստել քաշի ավելի հեշտ կորստի: Արդյունքները հրապարակվել են Cell Metabolism-ում:

Հեղինակները հետազոտության մեջ ներգրավել են առողջ ավելորդ քաշ ունեցող կամ գեր մարդկանց՝ 16 տղամարդ և 14 կին: Յուրաքանչյուր մասնակցի պատահականության սկզբունքով հանձնարարվել է ուտել իրենց կալորիաների հիմնական մասը առավոտյան կամ երեկոյան՝ չորս շաբաթվա ընթացքում: Դիետան ցածր կալորիականություն է ունեցել՝ 30% սպիտակուց, 35% ածխաջրեր և 35% ճարպեր: Չորս շաբաթ անց յուրաքանչյուր մասնակից մեկ շաբաթ ընդմիջում է արել, իսկ հետո վերադարձել սննդակարգին, բայց եթե առաջ հիմնական կերակուրն առավոտյան էր, ապա այս դեպքում երեկոյան է եղել, և հակառակը։ Այսպիսով, յուրաքանչյուր մասնակից իր վերահսկողական խումբն է ունեցել:

Էներգիայի ծախսերը և ընդհանուր քաշի կորուստը նույնն են եղել երկու խմբերի համար: Մասնակիցները չորս շաբաթվա ընթացքում նիհարել են միջինը 3 կգ-ից մի փոքր ավելի:

Մասնակիցները նշել են, որ իրենց ախորժակը ավելի լավ է վերահսկվել այն օրերին, երբ նրանք կերել են առատ նախաճաշ, և որ նրանք իրենց հագեցված են զգացել ամբողջ օրվա ընթացքում: Չնայած ցիրկադային ռիթմը չի ազդել քաշի կորստի վրա, առատ նախաճաշը կարող է օգնել մարդկանց նիհարել իրական կյանքում, այլ ոչ թե հետազոտական միջավայրում: