Մենք պետք է պարտադրենք, որ Ռուսաստանը կատարի իր պարտավորությունը. Ադրբեջանին զսպելու ի՞ նչ տեսակետներ ունեն ընդդիմադիրները

«Իմ կարծիքով մենք ունենք 2 հնարավոր սցենարներ՝ ինչու Ադրբեջանը գնաց այս հերթական ագրեսիային»,- ԼՈՒՐԵՐ.com-ի հետ զրույցում ասաց ԱԺ Հայաստան խմբակցության պատգամավոր Վահե Հակոբյանը՝ անդրադառնալով այսօր Ադրբեջանի կողմից ՀՀ սուվերեն տարածքի վրա հարձակմանը:

«Օգտվելով Ռուսաստանի այս ծանր վիճակից, Ադրբեջանը փորձեց ևս մեկ անգամ ամրագրել այն հաջողությունները, որոնց հասել էր 44-օրյա պատերազմից հետո, և մեր այս ապաշնորհ ղեկավարության շարունակական զիջումները, որոնք անդադար բնույթ են կրում, ինքը ևս մեկ անգամ ուզեց ամրագրել: 2-րդ հնարավոր է՝ Միացյալ Արևմուտքը նույնպես օգտվելով Ռուսաստանի այդ անելանելի վիճակից, փորձեց ևս մեկ օջախում ներքաշի Ռուսաստանին պատերազմական վիճակի մեջ: Եվ դրանով բացել 2-րդ ճակատ»,-ասաց Հակոբյանը:

Վահե Հակոբյանը անդրադարձավ այս վիճակից դուրս գալու իր տարբերակներին, հիշեցնելով Ռուսաստանի հետ 1997թվականին կնքված ուղիղ պայմանագրի մասին՝ Հայաստան-Ռուսաստան ռազմավարական համագործակցությունը.

«Մենք պետք է պարտադրենք, որ Ռուսաստանը կատարի իր պարտավորությունը, ինչպես նաև ակտիվ պետք է օգտագործել Իրանին, որպես մեզ բարեկամական քիչ երկրներից մեկը, որը այսօր շահագրգռված է, և իրենց պետական շահերը ինչ-որ տեղ համընկնում են նաև մեր շահերի հետ»:

Հակոբյանը այս գործում կարևորեց հետևյալ սկզբունքները, որոնց առկայության դեպքում հնարավոր կլինի հասնել հաջողության.

«Քաղաքական կամք, ցանկություն և ունակություն, ինչը որ այս իշխանությունների մոտ իսպառ բացակայում է»:

Հակոբյանի խոքով՝ այս 4 տարիների ընթացքում և′ բանակը, և′ երկրի ընդհանուր վիճակը այնպիսի մակարդակի է հասել, որ հնարավոր չի դիմակայել որևէ լուրջ մարտահրավերի:

Եթե իշխանության  հրաժարականի պահանջով ցույցեր լինեն, Հակոբյանը կմասնակցի, բայց նաև նշեց, որ այս պահին պետք է ավելի կտրուկ ու հստակ քայլեր ձեռնարկեն:

«Ամեն ինչ քննարկվում է»,-ասաց Հակոբյանն՝ անդրադառնալով ինքնապաշտպանական ջոկատներ կազմակերպելու հարցին, թե նախատեսում են արդյոք կազմակերպել:

Իսկ ահա ԱԺ նախկին պատգամավոր Նաիրա Զոհրաբյանը, խոսելով Ադրբեջանի վերջին սադրանքի մասին, ասաց.

«Ես կարդում եմ ՊՆ-ի հայտարարությունը ժամը մեկ, որն ավարտվում է նույն պարբերությամբ: Հետագա գործընթացների ողջ պատասխանատվությունը Ադրբեջանի վրա է, ես էլ ամենայն պատասխանատվությամբ հայտարարում եմ՝ հետագա բոլոր զարգացումները ունեն մեկ պատասխանատու, և այդ մեկ պատասխանատուի անունը Նիկոլ Փաշինյան է: Էսպես իրականությունից կտրված, դատարկ, ցինիկ նույնիսկ էս ողբերգության, զոհերի մեջ, երբ ամեն վայրկյան զոհերի թիվը ավելանում է, նույնիսկ էս իրավիճակում չմոռանալ անել սեփական PR-ը, Աշոտիկի, գոյություն չունեցող տնտեսական աճի, և այլնի, սա կարող է անել միայն ազգադավ իշխանության ղեկավարը: Ցավոք սրտի, էս իրավիճակը այնպիսինն է, որ Ադրբեջանը ստանալու է այն, ինչ ուզում է, դա լինելու է Մեղրիի միջանցքը, ստանալու է իր ուզած ճանապարհով, իր ուզած քարտեզով, և դրան որևէ մեկը չի ընդդիամանալու, որովհետև մենք ունենք ադրբեջանահպատակ իշխանություն, մենք չունենք ընդդիմություն, և մենք ունենք հասարակություն, որ ոչ մի բանի չի արձագանքում»:

Զոհրաբյանը թիվ մեկ մեղավոր տեսնում է Նիկոլ Փաշինյանին՝ նշելով, որ վարչապետը խճճվել է իր իսկ խոստումներում:

«Նիկոլ Փաշինյանը խճճվել է Բրյուսել, Արևմուտք, Ռուսաստան, ԱՄՆ, Ադրբեջան. իրար հակասող խոստումներում: Խճճվել է գրավոր և բանավոր պայմանավորվածությունների սարդոստայնում: Խճճվել է  Ալիևին տված բանավոր խոստումների թակարդում, ու հիմա եկել է պատասխան տալու ժամանակը, ցավոք սրտի, այդ պատասխանը տրվում է Հայաստանի ինքնիշխանության հաշվին, և, ցավոք սրտի, այդ պատասխան տալու արդյունքում զոհվում են մեր երեխաները»:

Այս վիճակից դուրս գալու միակ լուծումը Զոհրաբյանի կարծիքով Նիկոլ Փաշինյանի հրաժարականն է:

«Իր հրաժարականի դեպքում մենք կունենայինք որոշակի ժամանակ, ունենալով նոր բանակցող այս արհավիրքը կասեցնելու համար»:

Զոհրաբյանը շեշտեց, որ կմասնակցի բոլոր լուրջ ցույցերին:

«Երբ լինեն լուրջ ուժեր, ովքեր ունեն իրենց բոլոր հետագա քայլերի ճանապարհային քարտեզը, ես կմասնակցեմ»:

Այս թեմայով ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ» Քաղաքացին սպառնացել է Նաիրա Զոհրաբյանի հանդեպ բռնություն իրականացնել (լուսանկար) Նիկո՛լ, իշխանությունդ նման է թակարդն ընկած շակալի, կորցնում ես այն. Նաիրա Զոհրաբյան (տեսանյութ) Վսյո տակի, ես ձեր տեղը լինեի՝ էդքան հանգիստ չէի լինի․ Նաիրա Զոհրաբյան Անասնական պանիկա է ադրբեջանական մեդիայում. ռեժիմը ոտքի է հանել ֆեյքերի ահռելի գվարդիա. Նաիրա Զոհրաբյան Նիկոլ, քեզ ռացիոնալ առաջարկ եմ անում. հրաժարվում ես քեզ պաշտպանող ոստիկաններից ու քեզ շրջապատում ես բետոնե սյուներով. Նաիրա Զոհրաբյան Զոհված հերոսի մոր կոչը հանրությանը «Հանուն Ալիևի և Ադրբեջանի» օպերացիա են անում Տավուշում, հայ ոստիկանը թուրքի համար ճանապարհ է բացում. Նաիրա Զոհրաբյան (տեսանյութ) Կիրանցից սկսվելու է ազատագրական շարժումը․ Նաիրա Զոհրաբյան (տեսանյութ) Նաիրա Պետրոսյանը որոնվում է որպես անհետ կորած