Որևէ մեկը չի ցանկանում պետության «վախճանի» կասեցման պատասխանատվությունը վերցնել․ Վահե Թորոսյան

Հասաստանում, հատկապես՝ իշխանության կողմից, կարծեք, հատուկ դիտավորություն կամ օրինաչափություն կա՝ բարոյազրկելու, նվաստացնելու, բովանդակազրկելու ամեն ինչ՝ առանց խտրականության, Եկեղեցի, թե Գիտությունների Ազգային Ակադեմիա ու Մայր Բուհ, բանակ, թե մարտական հերոսներ, Արցախ, թե Արցախյան հիմնահարց, կրթություն, թե ընտանիք և այլն։

Կարճ ասած, գործող վարչակազմի «ավերիչ» օպերացիան մեծ բարձրություններ է վերցնում, իսկ մետաստազները դեռ շոշափելի են ու աղետաբեր։ Ի վերջո, ինչպե՞ս կասեցնել պետականակործան, ազգակործան այս գահավիժումը և դուրս գալ ողջամիտ ու պատվաբեր զարգացման համազգային «ռելսերի» վրա։ Ու մեծ հարց է, եթե ոչ՝ օրվա հրամայականը - ո՞վ, ե՞րբ և ինչպե՞ս է գեներացնելու ազգի Վերախմբումն ու Վերածնունդը։

«Նախ, մենք բավական ուշացրել ենք մեր պետության կործանման կասեցումը։ Եվ այստեղ մեղքը ամենևին էլ  հասարակության դաշտում չէ, քանի որ մեծամասնությունը, որպես կանոն, անիրազեկ է և դյուրահավատ։ Այո՛, հանրությունն է վերարտադրել այս իշխանությանը, բայց գաղափարական բռնության և աննախադեպ մանիպուլյացիաների հետևանքով»։

Այս մասին ԼՈՒՐԵՐ․com-ի հետ զրույցում ընդգծեց իրավագիտության թեկնածու, «Ժողովրդավարական համախմբում» կուսակցության գաղափարական հանձնաժողովի պատասխանատու Վահե Թորոսյանը։

Նրա պնդմամբ, օրախնդիրը, նախևառաջ, ՀՀ գործող իշխանությունների ժամ առաջ հեռացումն է՝ բոլոր հնարավոր իրավաքաղաքական հետևանքներով հանդերձ․

«Դրա լավագույն հնարավորությունը մենք բաց թողեցինք, երբ նոյեմբերի 9-ի տխրահռչակ հայտարարությունից, իսկ վերջերս՝ նաև Ազգային ժողովի ինքնաբուխ հավաքից հետո հանրային ցասման էներգիան հետևողականորեն մսխվեց։  Սա կարող է վկայել այն մասին, որ որևէ մեկը չի ցանկանում պետության վախճանի կասեցման պատասխանատվությունը վերցնել, որը ի դեպ չափազանց ծանր բեռ է, բայց որի այլընտրանքը չկա»։

Թորոսյանը նշեց՝ կամ մենք գնում ենք պետությունը վերածնելու և ոտքի հանելու  ճանապարհով կամ հիմնովին հրաժարվում ենք մեր ինքնությունից։

Արա Ալոյան

Այս թեմայով «Վահե Ղազարյան, ուշադիր լսեք, ուղիղ ասում եմ՝ հանցագործություն եք անում»․ Բագրատ Սրբազանը խոսք ուղղեց ՆԳ նախարարին Իշխանությունը փորձ է անում ողջ պատասխանատվությունը դնել գյուղացիների վրա, ընդ որում՝ պառակտելով (տեսանյութ) Կիրանցիները հրաժարվում են որևէ պարագայում բացել ճանապարհը․ նրանք դեմ են միակողմանի զիջմանը (տեսանյութ) Պատկերացրեք, թե ի՞նչ են խոսում ոստիկաններն իրար մեջ իրենց պետության ղեկավարի մասին․ Ռուբեն Մխիթարյան Ցանկանում ենք՝ նախանշած ծրագիրն այս շաբաթվա մեջ ավարտել․ Բագրատ Սրբազան ԵՊՀ-ում չկա և չի կարող լինել քաղաքական որևէ գործընթաց․ ԵՊՀ-ի հայտարարությունը Համակարգի պարագլուխներին կոչ եմ անում՝ «դասականի ասած» սթափվել ու խելքները գլուխները հավաքել․ Վահե Գրիգորյան Որևէ նախագահի աջակից իր առաջնորդի նկարը որպես պրոֆիլի նկար չի դնում իր էջին. Սրբազան (տեսանյութ) Դուք փակեցիք դուռը հայրենիք ու պատիվ ունենալու հույսի ու հավատի առջև․ Վահե Սարգսյան Վերջին 3 տարում Հայաստանը դարձել է ՌԴ տարածաշրջանների հետ բեռնաշրջանառության առաջատարներից մեկը