Տղամարդու կոստյումով Իրինա Շեյքը ճանաչվել է Armani շոուի «ամենասեքսուալ մոդելը»
Фотографии
Սուպերմոդել Իրինա Շեյքը Միլանում կայացած Giorigio Armani շոուին տղամարդու կոստյումով է ներկայացել։ Նա լուսանկարները տարածել է սոցիալական ցանցերում։
36-ամյա մոդելը ապրանքանիշի հետ սկսել է աշխատել մի քանի շաբաթ առաջ։ Իրինա Շեյքը դարձել է ապրանքանիշի նոր գովազդային արշավի դեմքը։ Մոդելը պատմել է, որ 20 տարի երազել է աշխատել Ջորիջիո Արմանիի հետ։ «Ես սովորաբար չեմ գրում իմ կյանքի մասին, բայց ինձ պարտավորված եմ զգում բոլորիդ հետ կիսվել, թե ինչպես կատարվեց իմ երազանքը: Երբ ես 20 տարեկան էի, առաջին անգամ եկա Միլան։ Ես շրջում էի քաղաքում և երազում աշխատել Ջորջիո Արմանիի մոտ»,- գրել է մոդելը։
Իրինա Շեյքը Միլանի Նորաձևության շաբաթվա շրջանակներում ցուցադրության համար ընտրել է մինիմալիստական տեսք՝ տղամարդու կոստյում՝ փողկապով, և դասական կոշիկներ։ Մոդելի տեսքը մեծ աղմուկ է բարձրացրել ցուցադրության ժամանակ։ Լուսանկարները սոցցանցերում տեղադրելուց հետո երկրպագուները մեկնաբանություններում գրել են՝ «Ամենասեքսուալ մոդել», «Զարմանալի կազմվածք», «Աստվածուհի», «Երեկոյան զգեստներով բոլոր աղջիկներից ամենասեքսուալն ես»։
Самое популярное 
Баграт Галстанян: Мы зафиксировали первую победу
