Կիևը չի նստի բանակցությունների սեղանի շուրջ, Մոսկվայի ակնարկներն անընդունելի են․ ուկրաինացի փորձագետ

Մինչ Վլադիմիր Զելենսկին ՆԱՏՕ-ին կոչ է անում հարվածել Ռուսաստանին, նաև տեղեկություններ են ստացվում, որ ուկրաինական բանակը շարունակում է հարձակողական գործողությունները մարտադաշտում, Ռուսաստանից ազդակներ են գալիս բանակցությունների վերսկսման մասին։

Մասնավորապես, Դաշնային խորհրդի խոսնակ Վալենտինա Մատվիենկոն Ուկրաինայի խորհրդարանին հրավիրել է նստել բանակցությունների սեղանի շուրջ․ ի՞նչ է սա նշանակում, կարելի՞ է ասել, որ Մոսկվան մեղմացնում է իր դիրքորոշումը՝ կապված մարտի դաշտում որոշակի անհաջողությունների հետ։ 

«Կարծում եմ, դա ոչ թե Մոսկվայի դիրքորոշման մեղմացում է, այլ այն, որ Ռուսաստանը Մատվիենկոյի շուրթերով փորձում է հասկացնել Ուկրաինային, որ բանակցություններ է նախաձեռնելու իր սեփական նախապայմաններով, որովհետև կին ղեկավարը հայտարարել է, թե քննարկելու են ոչ թե ՌԴ-ի մաս կազմած 4 շրջանների հարցը (որոնք Ուկրաինայի մաս են և դրանց անէքսիան ապօրինի է), այլ խաղաղության օրակարգը»։

Նման տեսակետ ԼՈՒՐԵՐ․ com-ի հետ զրույցում հայտնեց «Համաշխարհային քաղաքականության ինստիտուտ»-ի գործադիր տնօրեն, Ուկրաինայի ՊՆ հանրային խորհրդի նախկին անդամ Եվգենի Մագդան։ 

Նրա կարծիքով, Ռուսաստանի համար սա ամենից պատեհ ժամանակն է՝ խաղաղություն հաստատելու համար, քանի որ Մոսկվան ունի տարածքային որոշակի կորուստներ։

«Բայց դա դատապարտված է ձախողման, քանի որ Ուկրաինայում հրաշալի գիտակցում են այդ ամենի շարժառիթներն ու նպատակը, հետևապես, Կիևը չի համաձայնի այդ առաջարկին և չի բանակցի»,-ընդգծեց ուկրաինացի փորձագետը։

Արա Ալոյան

Այս թեմայով Շուրջ 600 000 հայ մասնակցեց Երկրորդ համաշխարհայինին` իրենց ավանդը բերելով նացիզմի դեմ հաղթանակին Շուրջ մեկ ամիս է աշխատանքից ցանկանում է ազատվել Փաշինյանի մամլո խոսնակը Պետք է խմբվել եկեղեցու շուրջ. Սերժ Սրապիոնյան «Ժողովուրդ». Գեղարքունիքի մարզպետ, թե՞ Մոսկվայի ուսանող Ադրբեջան է ժամանել Եվրոպական հանձնաժողովի հարևանության և բանակցությունների հարցերով գլխավոր տնօրենը Ես անընդունելի եմ համարում արտաքին քաղաքական կողմնորոշումները որպես քաղաքական դավանանք. Հայկ Մարության (տեսանյութ) Կան որոշակի խնդիրներ ՀՀ-ՌԴ հարաբերությունների համատեքստում, ունենք երկխոսություն այդ հարցի շուրջ Գլխավոր դատախազությունը 2023-ին վերականգնել է շուրջ 5 մլրդ 63 մլն 193 հազար դրամին համարժեք գույք Տավուշի շուրջ կատարվողի նկատմամբ անտարբեր չենք, ՀՀ-ն մեր հայրենիքն է. պայքարին միացել են եզդիները (տեսանյութ) Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան