Եվրոպայի հայերը ոչ մի դեպքում չեն հանդուրժի Ադրբեջանի և Թուրքիայի հետ որևէ զիջում․ բեռլինահայ գործիչ

Փաշինյան-Ալիև-Էրդողան՝ Պրահայում կայացած հանդիպումից հետո, ըստ մամուլի տեղեկությունների, սփյուռքում որոշակի դժգոհություններ կան։ Ավելին, եվրոպական մի շարք երկրներում հնարավոր է բողոքի ակցիաներ իրականացվեն՝ ընդդեմ ՀՀ իշխանությունների՝ Հայաստանի ու Արցախի հարցով վարած քաղաքականության, ինչպես նաև Ադրբեջանի հետ կնքվելիք խաղաղության պայմանագրի։

Մասնավորապես, «Փաստ» օրաթերթի տեղեկություններով, օրերս Գերմանիայում ՀՀ դեսպանի հետ հանդիպման ժամանակ Սփյուռքի մի քանի ներկայացուցիչներ նշել են, որ չեն պատրաստվում լռել, պահանջել են, որ դեսպանը ՀՀ քաղաքական ղեկավարությանը փոխանցի, թե Սփյուռքում ինչ վերաբերմունք ունեն Թուրքիայի և Ադրբեջանի հետ առաջիկա սպասվող հնարավոր պայմանագրերի կնքման փաստին»:

«Գերմանիայում ՀՀ Դեսպանին ոչ ոք լուրջ չի վեաբերվում, սկսած նախկին դեսպանից՝ Աշոտ Սմբատյանից, դեսպանատունը գտնվում է ավելի շուտ Թուրքիայի ազդեցության տակ, քան՝ Հայաստանի, սպասարկում է թուրքական շահեր, օրինակ՝ դեռ 2018թ․ դեսպանը Լայպցիգում ելույթ ունենալու ժամանակ  օգտվում էր մի քարտեզից, ուր «Լաչինի միջանցք» տերմինն էր օգտագործվում, որը Ադրբեջանի հետ նույն գույնով էր ներկված, Հայաստանից առանձնացված էին անկլավները, կրկնեմ՝ դա դեռ 2018թվին»,-ԼՈՒՐԵՐ․ com-ին ասաց պրոֆ․ Ավետիս Սադոյանը (Բեռլին)։

Նրա խոսքով, Եվրոպայի հայերը, որոնք հիմնականում հանդիսանում են Մեծ Եղեռնի զոհերի թոռներն ու ծոռները, ոչ մի դեպքում չեն համակերպվի Թուրքիա կոչվող պետության հետ որևէ զիջման․

«Եթե մի խումբ հայախոս անհատներ ինչ-որ թուղթ են ստորագրելու՝ այդ թուղթը ոչ մի իրավաբանական ուժ ունենալ չի կարող, քանի որ ստորագրված է հայտնի «նկարիչ Տիգրան Մուկուչյանի» (նկատի ունի ԿԸՀ նախագահին-խմբ․) կողմից, ում գործունեությունը ոչ միայն չի բխում Հայաստանի շահերից, այլ հակառակը՝ դիամետրալ հակասում է»։

Սադոյանը նշեց, որ Մուկուչյանը, ով վերջին ընտրություններում արձանագրել է իշխող կուսակցության՝ ՔՊ-ի հարյուր հազարավոր ձայն ստանալու փաստը, անվստահելի մարդ է, ուստի, Փաշինյանը որևէ մանդատ չունի ժողովրդի անունից Հայաստանի ու Արցախի ճակատագիրը որոշելու։

Արա Ալոյան 

Այս թեմայով Նարեկ Մանասյանը` բռնցքամարտի Եվրոպայի առաջնության արծաթե մեդալակիր Բարեղամ Հարությունյանը՝ Եվրոպայի փոխչեմպիոն (տեսանյութ) Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Մարմնամարզիկները սկսում են պայքարը Եվրոպայի առաջնությունում Անահիտ Մանասյանն ընդունել է Եվրոպայի խորհրդի պատվիրակությանը Բռնցքամարտիկներ Գուրգեն Մադոյանը և Նարեկ Մանասյանը հաղթանակով են մեկնարկել Սերբիայում ընթացող Եվրոպայի առաջնությունում Բռնցքամարտի ԵԱ․ Արթուր Սահակյանը հաղթել է Եվրոպայի գործող չեմպիոնին Ֆուտբոլի Եվրոպայի լիգայի կիսաեզրափակչի զույգերը հայտնի են Այսօրվանից մեկնարկում է բռնցքամարտի Եվրոպայի առաջնությունը Ձյուդոյի Եվրոպայի առաջնությանը Հայաստանը կմասնակցի 3 մարզիկով