Դաժան կադրեր՝ Կիևի հրթիռակոծությունից. պայթյուն, հրդեհ, փլատակների տակ մնացած մարդիկ (տեսանյութ)
ВидеоՀոկտեմբերի 17-ին Ուկրաինայի մայրաքաղաք Կիևում պայթյուններ են որոտացել, հայտնում են տեղական և միջազգային լրատվամիջոցները:
Քաղաքապետ Վիտալի Կլիչկոն պատմել է, որ պայթյուններից մեկը տեղի է ունեցել մայրաքաղաքի կենտրոնում՝ Շեվչևենկոյի շրջանի բնակելի շենքերի մեկում:
«Այս պահին 18 մարդ է փրկվել: Ըստ նախնական տեղեկությունների՝ 2 բնակիչ մնացել են փլատակների տակ: Շարունակվում են փրկարարական աշխատանքները: Կա՞ն արդյոք մահացածներ: Մենք պարզաբանում ենք տեղեկությունը», - ասել է նա: Բացի այդ, Կլիչկոն նշել է, թե ավիահարվածների մասին ահազանգը շարունակվում է:
«Մնացե՛ք ապաստարաններում»,-ասել է Կիևի քաղաքապետը՝ դիմելով քաղաքացիներին:
Ուկրաինայի նախագահի գրասենյակի ղեկավար Անդրեյ Երմակն, իր հերթին, մանրամասնել է, որ մայրաքաղաքը թիրախավորել են դրոն-կամիկաձեներով:
«Ռուսները կարծում են, թե դա իրենց կօգնի, բայց զուր: Մեզ ավելի շատ ՀՕՊ համակարգեր են պետք և որքան շուտ՝ այնքան լավ: Դանդաղ գործելու ժամանակ չունենք: Շատ զենք է պետք օդային տարածքը պաշտպանելու և հակառակորդին ոչնչացնելու համար: Այդպես էլ լինելու է»,- հայտարարել է Երմակը:
Самое популярное 
Шакира показала подросших сыновей от Пике
