Հայաստանում կատարվել են 129.2 մլրդ դրամի օտարերկրյա ուղղակի ներդրումներ
Экономика
Հայաստանում նախորդ տարի կատարված օտարերկրյա ուղղակի ներդրումները կազմել են 129,2 մլրդ դրամ, որից ԵԱՏՄ երկրներին բաժին է ընկել մոտ 1/3-րդը՝ 40,1 մլրդ դրամ: Այս մասին ասաց ՀՀ էկոնոմիկայի նախարար Վահան Քերոբյանը՝ ԱԺ մշտական հանձնաժողովների համատեղ նիստում 2023 թ պետբյուջեի նախագծի քննարկմանը:
«2021 թվականին Հայաստանի տնտեսական իրական հատվածում օտարերկրյա ներդրումների զուտ հոսքերի ծավալները կազմել են 204,8 մլրդ դրամ, որից ԵԱՏՄ երկրների կողմից օտարերկրյա ներդրումների զուտ հոսքերի ծավալը կազմել է 32,4 մլրդ դրամ: Նույն ժամանակահատվածում օտարերկրյա ուղղակի ներդումները կազմել են 129,2 մլրդ դրամ, որից ԵԱՏՄ երկրներին բաժին է ընկել մոտ 1/3-րդը՝ 40,1 մլրդ դրամ»,-ասաց Քերոբյանը:
2022 թվականի առաջին կիսամյակում Հայաստանի տնտեսության մեջ օտարերկրյա ներդրումների զուտ հոսքերի ծավալը կազմել է 41 մլրդ դրամ, որից ԵԱՏՄ երկրների կողմից օտարերկրյա ներդրումների զուտ հոսքերի ծավալը կազմել է շուրջ 47 մլրդ դրամ: Այսինքն՝ ոչ ԵԱՏՄ երկրներից զուտ հոսքը եղել է բացասականը:
Նույն ժամանակահատվածում օտարերկրյա ուղղակի ներդրումների ծավալը կազմել է 76,5 մլրդ դրամ, որից ԵԱՏՄ երկրներին բաժին է ընկել 57,5 մլրդ դրամը:
Իսկ ինչ վերաբերում է Եվրասիական զարգացման բանկի հետ Հայաստանի հարաբերություններին՝ Քերոբյանը նշեց, որ այս տարի բանկը բավական խոշոր մի քանի գործարքներ է կնքել Հայաստանում:
Самое популярное 
Архиепископ возмутился в связи с вопросом представителей провластного сайта: Студенты, я вам такое говорил?
