Սերժ Սարգսյանի հավատարիմ օլիգարխն առավել արտոնյալ է հեղափոխական Փաշինյանի օրոք

2018 թվականի հեղափոխությունը նաև օլիգարխիայի դեմ էր, Նիկոլ Փաշինյանն էլ, բացի իշխանությունից, ըստ իր հայտարարությունների, պայքարում էր նույն օլիգարխների դեմ։ Իշխանության գալուց կարճ ժամանակ անց, սակայն, նա հայտարարեց, որ Հայաստանում այլևս չկան օլիգարխներ, նրանց փոխարինելու են եկել բարեհունչ «խոշոր սեփականատերերը»։ Այս լիրիկական բառախաղի հիմքում իրականում ընկած էր Հայաստանում տասնամյակներ գործող տնտեսաքաղաքական ստատուս-քվոյի փոփոխությունը։ Փաշինյանական օլիգարխների քասթինգում առաջին հորիզոնականը զբաղեցրեց նախկին օլիգարխիայի ամենակարկառուն ներկայացուցիչ Սամվել Ալեքսանյանը, ով, սեփական սկզբունքներին, իսկ ավելի ճիշտ՝ անսկզբունքայնությանը հավատարիմ, ընդունեց Փաշինյանի գերակայությունն ու խաղի կանոնները՝ դառնալով իշխանության թիվ մեկ սիրելի օլիգարխը։ 

Սերժ Սարգսյանի կառավարման տաս տարիների ընթացքում ՀՀԿ ֆինանսական կտուրը համարվող Սամվել Ալեքանյանը ընդամենը 2 անգամ է արտոնություն ստացել կառավարությունից: Իսկ այժմ տեսնենք, թե ինչպես է փոխվել վերջինիս կյանքը հեղափոխությունից հետո:

Կառավարությունը 4,5 տարվա ընթացքում 3 արտոնություն է տրամադրել ԱԺ նախկին պատգամավոր, գործարար Սամվել Ալեքսանյանի դստերը՝ Աստղիկ Ալեքսանյանին պատկանող «Տեքսաս փրոդաքշըն» ընկերությանը։ Աստղիկ Ալեքսանյանը փակ բաժնետիրական ընկերության հիմնադիրներից մեկն է, սակայն՝ որքան բաժնեմասն է նրան պատկանում, հայտնի չէ։ Սա միակ արտոնությունը չէ, որ ստանում է գործարարի դստեր ընկերությունը։ Նախորդ տարվա հուլիսի 1-ին կառավարության մեկ այլ որոշմամբ՝ մաքսատուրքից ազատվել է Աստղիկ Ալեքսանյանին պատկանող մեկ այլ ընկերություն ևս՝ «Ալեքս տեքստիլ»-ը։ Այս ընկերությունը նույնպես իր 3-րդ արտոնությունն էր ստանում։  Այսօր էլ կառավարության նիստի ընթացքում գերակա ոլորտում իրականացվող ներդրումային ծրագրի շրջանակներում մաքսատուրքից ազատվեց Սամվել Ալեքսանյանի ընտանիքին պատկանող «ԱԼԵՔՍ ՍՈԿՍ» ՍՊ ընկերությանը: 

Այսինքն, ընդհանուր առմամբ, Ալեքսանյանի ընտանիքին պատկանող ընկերությունները Փաշինյանի ղեկավարման տարիներին 7 արտոնություն են ստացել:

Ստացվում է, որ Սամվել Ալեքսանյանը, ով թերևս ընդդիմադիր Նիկոլ Փաշինյանի կողմից ամենաքննադատված օլիգարխն էր, Փաշինյանի կառավարման շրջանում ավելի արտոնյալ է, քան այն կուսակցության ղեկավարման տարիներին, որի անդամ էր հանդիսանում: Ինչպես երևում է՝ հեղափոխությունից շահել է միայն Սամվել Ալեքսանյանը և վերջինիս բիզնես կայսրությունը...

Այս թեմայով Հուսով ենք` գլոբալ ժողովրդավարությունը կկանգնի մեր կողքին մարտահրավերներին դիմակայելու հարցում. Փաշինյան Մեր տարածաշրջանում տեղի ունեցած պատերազմը հետագա զարգացումների նախերգանք էր․ Նիկոլ Փաշինյան Դուք փակեցիք դուռը հայրենիք ու պատիվ ունենալու հույսի ու հավատի առջև․ Վահե Սարգսյան Փաշինյանն Արագածի դպրոցում ստուգել է ծորակներն ու պատերի ներկը (տեսանյութ) Չեք նեղվո՞ւմ առաստաղի ցածրությունից․ Փաշինյանը ծանոթացել է դպրոցի դահլիճի ավարտական աշխատաքներին (տեսանյութ) Բագրատ Սրբազանը նոր զարթոնքի սկիզբ է դրել․ Վահե Սարգսյան Սսպասումս Փաշինյանի հրաժարականն է. Ռոմելա Սարգսյան (տեսանյութ) Նիկոլ Փաշինյա՛ն, խոփդ քարին է կպել, պարզապես ժամանակ ես ձգում, մենք ավելի համառ ենք. Բագրատ Սրբազան (տեսանյութ) Կառավարության պատշգամբից թաքուն հետևում և նկարահանում են հանրահավաքը (տեսանյութ) Հերոսների հիշատակն ու թողած ժառանգությունը պարտավորեցնում են լինել միասնական. Արմեն Սարգսյան