Իվանկա Թրամփը չի մասնակցի իր հոր՝ Դոնալդ Թրամփի նախագահական արշավին
ԼուսանկարներԴոնալդ Թրամփի ավագ դուստրը՝ Իվանկան, ասել է, որ այլևս չի մասնակցի ԱՄՆ քաղաքականությանը և դեր չի խաղա իր հոր՝ 2024 թվականի նախագահական արշավում։ Այդ մասին գրում է The New York Post-ը։
«Ես շատ եմ սիրում հորս։ Այս անգամ ես որոշեցի առաջնահերթություն տալ իմ փոքր երեխաներին և ընտանեկան կյանքին: Ես չեմ նախատեսում քաղաքականությամբ զբաղվել»,- ասվում է 41-ամյա Իվանկա Թրամփի հայտարարության մեջ։
Նա նշել է, որ «քաղաքական ասպարեզից» դուրս` միշտ աջակցելու է հորը։ «Ես շնորհակալ եմ Ամերիկայի ժողովրդին ծառայելու արտոնության համար և միշտ հպարտ կլինեմ մեր վարչակազմի բազմաթիվ ձեռքբերումներով»,- ասել է Դոնալդ Թրամփի դուստրը։
Դոնալդ Թրամփն ավելի վաղ՝ դստեր՝ Թիֆանիի հարսանիքին, փորձել է համոզել Իվանկա Թրամփին և նրա ամուսնուն՝ Ջարեդ Քուշներին, միանալ իրեն նախագահական մրցավազքում և ստեղծել միասնական ընտանեկան ճակատ, հայտնում են աղբյուրները։