Տղամարդը հիվանդացել է քաղցկեղով և դարձել թմրաբարոն

Մեծ Բրիտանիայի բնակիչը կառուցել է իր սեփական թմրանյութերի կայսրությունը այն բանից հետո, երբ պարզել է, որ հիվանդ է լեյկոզով։ Այդ մասին հայտնում է LadBible-ը։

2010 թվականին Էդվարդ ՄաքՔենի մոտ արյան քաղցկեղ էին ախտորոշել։ Քիմիաթերապիայի ցավն ու կողմնակի ազդեցությունները հաղթահարելու համար նա սկսել էր կանեփ աճեցնել։ Սկզբում բրիտանացին մարիխուանա էր պատրաստում իր օգտագործման համար, սակայն հետագայում ընտանեկան բիզնես հիմնեց, որն արտադրում էր թմրանյութն արդյունաբերական մասշտաբով։ Բիզնեսը տղամարդուն բերել է մոտ 4,3 մլն ֆունտ եկամուտ: Տղամարդը վաստակած գումարի մի մասը ծախսել է դստեր՝ Սամանթայի համալսարանական կրթության համար։

Ոստիկաններն ընդհատակյա բիզնեսի մասին իմացել են, երբ նորաթուխ նարկոբարոնը որդու հետ քննարկել է իր գործունեությունը։ Իրավապահները խուզարկել են ֆերման, որտեղ ընտանիքը թմրանյութերի գործարան էր հիմնել, և հագուստի չորանոցից կախված կանեփ են հայտնաբերել:

Քաղցկեղով հիվանդն իրեն մեղավոր է ճանաչել թմրանյութի արտադրության և մատակարարման մեջ, որն իրականացրել է 2015 թվականից մինչև 2020 թվականը: Դատարանում նա իրեն համեմատել է «Ամբողջ ծանրությամբ» («Breaking Bad») սերիալի հերոս Ուոլթեր Ուայթի հետ։

Մաքքենը դատապարտվել է յոթ տարի յոթ ամիս ազատազրկման։ Նրա կնոջն ու որդուն նույնպես մեղադրանք է առաջադրվել՝ կինը դատապարտվել է վեց տարի 7 ամիս ազատազրկման, իսկ որդին՝ ութ տարի վեց ամիս։ Մեղադրանքներ են առաջադրվել նաև դստեր նկատմամբ, որոնք, ի վերջո, հանվել են:

Այս թեմայով Մասկը պատասխանել է իր՝ թմրանյութեր օգտագործելու մասին մեղադրանքներին ՔԿՀ-ներից հանվում են մեծ քանակի թմրանյութեր, հոգեմետ դեղեր, հեռախոսներ, դեռ գործի 20%-ն ենք արել Հայտնաբերվել է թմրանյութեր պատրաստելու լաբորատորիա. կասկածյալները ՌԴ քաղաքացիներ են Շիրակի մարզում կամուրջի տակ, ոստիկանությունը մեքենայի մեջ հայտնաբերել է երկու մերկ տղամարդ և թմրանյութեր.ակտիվիստ Ոստիկանությունը թմրանյութեր տարածող հայտնի կլուբ ա մտել, իսկ դուք ասում եք՝ բռնություն. Խաչատրյան Մեծաքանակ թմրամիջոցներ և թմրանյութեր պատրաստելու իրեր են հայտնաբերվել. 2 անձ կալանավորվել է. ՔԿ (տեսանյութ) Ամուսնուն տեսակցության գնացած կնոջ ներքնազգեստի մեջ մեծ քանակությամբ թմրանյութերի փաթեթներ են հայտնաբերվել Մեկ օրում ոստիկանությունը բացահայտել է 43 հանցագործության դեպք. Թմրանյութեր, զենք, անօրինական միգրացիա Աղավնին թմրանյութերով լի թիկնապայուսակը բանտ տանելիս բռնվել է 59-ամյա ակնաշենցին թմրամիջոց է իրացրել ու բռնվել․ մանրամասներ (տեսանյութ)