Իսրայելը չի ​​համապատասխանում բոլոր պահանջներին. Պետդեպը՝ Իսրայելի՝ ԱՄՆ առանց վիզայի մուտքի մասին

Իսրայելը չի ​​համապատասխանում ԱՄՆ առանց վիզայի  մուտքի պայմաններին: Այս մասին հայտարարել է ԱՄՆ պետքարտուղարության մամուլի քարտուղարի գլխավոր տեղակալ Վեդանտ Պատելը։ Նրա հայտարարությունը հակասում է Իսրայելի վարչապետ Բենիամին Նեթանյահուի այն պնդմանը, թե Իսրայելի քաղաքացիները կարող են առանց վիզայի մուտք գործել ԱՄՆ։

«Վիզայի չեղարկման ծրագրում Իսրայելի ապագա ընդգրկումը փոխշահավետ է ԱՄՆ-ի և Իսրայելի համար, և մենք շարունակում ենք աշխատել այս հարցի վրա։ Մենք շարունակում ենք աշխատել մեր իսրայելցի գործընկերների հետ՝ բոլոր պահանջները բավարարելու համար։ Սակայն այս պահին Իսրայելը չի ​​համապատասխանում բոլոր պահանջներին։ Եվ վիզայի չեղարկման ծրագրին համապատասխանելու համար Իսրայելը դեռ շատ անելիքներ ունի կարճաժամկետ կտրվածքով, որպեսզի կատարի այս բոլոր պահանջները մինչև ֆինանսական տարվա վերջը, որը սեպտեմբերի 30-ն է», - ասել է Պետդեպարտամենտի ներկայացուցիչը:

Պատելը հավելել է, որ Իսրայելը, ինչպես ծրագրում ընդգրկված բոլոր երկրները, նույնպես պետք է ապահովի ԱՄՆ քաղաքացիների ազատ մուտքն ու տեղաշարժն իր տարածք՝ անկախ նրանց ազգային պատկանելությունից և կրոնից։

Ինչպես ավելի վաղ հայտնել էինք, Իսրայելի վարչապետ Բենիամին Նեթանյահուն հայտարարել էր, որ «իսրայելցիներին ԱՄՆ մուտքի վիզա ստանալու անհրաժեշտությունից ազատելու օրենսդրական բոլոր պահանջները հաջողությամբ կատարվել են», և մինչև 2023 թվականի սեպտեմբեր Իսրայելը կմիանա «այն երկրների ցանկին, որոնց քաղաքացիներից վիզա չեն պահանջում Միացյալ Նահանգներ մուտք գործելու համար»:

Այս թեմայով Թուրքական ապրանքները կարող են Իսրայել փոխադրվել 3-րդ երկրի տարածքով ԱՄՆ-ն Իսրայելին գաղտնի տվյալներ է առաջարկել Ռաֆահ ներխուժումից հրաժարվելու դիմաց Իսրայելի մշտական ​​ներկայացուցիչը Գլխավոր ասամբլեայում ելույթի ժամանակ կտոր-կտոր է արել ՄԱԿ-ի կանոնադրությունը Իսրայելն սկսել է ռմբակոծել Ռաֆահը Իսրայելը ժամանակ է տվել ՀԱՄԱՍ–ին Սկսվել է երրորդ համաշխարհային պատերազմը․ Իսրայելի ԱԳ նախարար Իսրայելում հակակառավարական բողոքի ցույցեր են տեղի ունեցել Իսրայելի ազգային անվտանգության նախարարը վթարի է ենթարկվել (տեսանյութ) «Ամոթ քեզ»․ Իսրայելի արտգործնախարարը նախատել է Էրդողանին Իսրայելը ներկայումս կանգնած է էկզիստենցիալ սպառնալիքի առաջ․ Նեթանյահու