Մոսկվայի «Բիբլիո-գլոբուսում» տեղի կունենա հայ-ռուսական միջպետական պայմանագրերը ընդգրկող եռահատորյակի շնորհանդեսը

Ապրիլի 7-ին տեղի կունենա Մոսկվայի գլխավոր գրքի տան` «Բիբլիո-գլոբուսի» Հայ-ռուսական ակումբի հերթական նիստը: Այն նվիրված է Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 31-րդ տարեդարձին, ինչպես նաև ԴԻԱԼՈԳ հասարակական կազմակերպության հիմնադրման 6-րդ տարեդարձին: Այս մասին հայտնում է «Բիբլիո-գլոբուսի» կայքը:

Նիստի ընթացքում տեղի կունենա «Հայաստանի Հանրապետություն և Ռուսաստանի Դաշնություն. դաշնակցային փոխգործակցության 30 տարի» եռահատոր ժողովածուի շնորհանդեսը: Այս ինքնատիպ հրատարակությունը ընդգրկում է Հայաստանի Հանրապետության և Ռուսաստանի Դաշնության միջև 1992-2021 թթ. կնքված երկկողմ հիմնական փաստաթղթերի տեքստերը` հայերեն և ռուսերեն լեզուներով: 

Երկու դաշնակից պետությունների միջև առկա իրավա-պայմանագրային հենքի առաջին անգամ հրատարակումը Հայաստանի և Ռուսաստանի արտաքին քաղաքական գերատեսչությունների և հասարակական դաիվանագիտության ոլորտի կազմակերպությունների արդյունավետ համագործակցության օրինակ է հանդիսանում: Այն պատրաստվել և հրատարակվել է երկու պետությունների արտաքին գործերի նախարարությունների, ԴԻԱԼՈԳ հասարակական կազմակերպության և «Երևանի ռուսական գրքի տան» մասնակցությամբ:

Միջոցառման բանախոսներն են.

Վաղարշակ Հարությունյանը` Ռուսաստանում Հայաստանի դեսպան,

Դենիս Գոնչարը` ՌԴ ԱԳՆ ԱՊՀ երկրների չորրորդ դեպարտամենտի տնօրեն,

Յուրի Նավոյանը` ԴԻԱԼՈԳ հասարակական կազմակերպության նախագահ, «Բիբլիո-գլոբուսի» Հայ-ռուսական ակումբի համակարգող:   

ԴԻԱԼՈԳ կազմակերպության հաղորդագրության համաձայն` հայ-ռուսական միջպետական պայմանագրերի տարբեր ասպեկտների և եռահատոր ժողովածուի նշանակության մասին նիստում նաև հանդես կգան.

Սամվել Կարախանյանը` իրավագիտության դոկտոր, Մոսկվայի «Բարշևսկի և գործընկերներ» փաստաբանական գրասենյակի նախագահ,

Սերգեյ Կալենջյանը` տնտեսագիտության դոկտոր, պրոսֆեսոր, ՌԴ վաստակավոր տնտեսագետ, ՌԴ նախագահին կից Ժողովրդական տնտեսության և պետական կառավարման ակադեմիայի «Կորպորատիվ կառավարման բարձրագույն դպրոց» ֆակուլտետի դեկան,  

Ալեքսանդր Կռիլովը` պատմագիտության դեկտոր, Պրիմակովի անվան Միջազգային տնտեսության և միջազգային հարաբերությունների ինստիտուտի գլխավոր գիտաշխատող,

Ռոման Ատաշյանը` Ժողովուրդների բարեկամության ռուսատանյան ինստիտուտի միջազգային հարաբերությունների ֆակուլտետի ուսանող, ինստիտուտի հայկական ուսանողական հայրենակցության նախագահ,

Ալեքսանդր Երկանյանը` «Արարատ» ընկերության առաջին փոխնախագահ,

Դմիտրի Լոբանովը` «Կնիժնիյ միր» հրատարակչության գլխավոր տնօրեն,

Բորիս Եսենկինը` տնտեսագիտության դոկտոր, պրոֆեսոր, ՌԴ մշակույթի վաստակավոր աշխատող, «Բիբլիո-գլոբուս» գրքի տան տնօրեն:

Այս թեմայով Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ 2018 թվականին ամեն ինչի մասին խոսել եմ. Բալասանյանը` Կիրանցում տեղի ունեցող դեպքերի մասին (տեսանյութ) Օկուպացված Իվանյանում այսօր տեղի կունենա ՌԴ խաղաղապահների դուրսբերման հանդիսավոր արարողությունը Թուրքիայում երկրաշարժ է տեղի ունեցել Մեր տարածաշրջանում տեղի ունեցած պատերազմը հետագա զարգացումների նախերգանք էր․ Նիկոլ Փաշինյան Ժողովուրդ, ռուսական փողով խաչապուրի կտա՞ք. Սրբազանի հեգնանքը՝ ուղղված ամբաստանողներին (տեսանյութ) Ուկրաինական ԱԹՍ-ն Ռուսաստանում հարվածել է գնացքին. պայթյուն է տեղի ունեցել (տեսանյութ) Ոստան գյուղի սկզբնամասում տեղի է ունեցել ՃՏՊ. կա տուժած Դժվար է չհասկանալ, թե ինչ ողբերգական ավարտ կունենա այս ամենը, եթե փոփոխություններ չլինեն. Մհեր Մկրտչյան Արարատում տեղի ունեցած պայթյունից այրվել է 7 անվադող, մալուխներ, փլուզվել է պատը