ՔՊ-ական պաշտոնյաների հետ կապվող ՀԿ-ները՝ արտոնյալ. Զարուհի Բաթոյան

Аналитический 7 Апрель, 2023 20:18

Նոր Հայաստանում բարձր պաշտոններ զբաղեցնող հեղափոխական չինովնիկների մեծ մասը մինչ հեղափոխությունը այս կամ այն ՀԿ նախագահ է եղել և զբաղվել է հասարակական գործունեությամբ, ասել է թե՝ ակտիվիստ է եղել: Վերջիններիս գլխավորած ՀԿ-ները, սակայն, այն ժամանակ հազիվ էին ծայրը-ծայրին հասցնում և որպես կանոն` անտեսված էին պետության կողմից: Հեղափոխությունից հետո այս առումով, անշուշտ, իրավիճակ է փոխվել և վերջիններիս կողմից ղեկավարած ՀԿ-ները դարձել են արտոնյալ:

Այսօր կանդրադառնանք սոցիապ նախկին նախարար, այժմ ՔՊ-ական պատգամավոր Զառա Բաթոյանի կողմից տարիներ առաջ ղեկավարած «Հույսի կամուրջ» ՀԿ-ին, որը թե Բաթոյանի ղեկավարման տարիներին, թե այսօր էլ բավական արտոնյալ դիրք ունի:

Բաթոյանը 2007 թվականից եղել է «Հույսի կամուրջ» հասարակական կազմակերպության հաշմանդամություն ունեցող անձանց շահերի պաշտպանության պատասխանատուն, «Արևածաղիկ» մանկապատանեկան ամսաթերթի գլխավոր խմբագիրը, իսկ 2014 թվականից «Disability Info» տեղեկատվական հասարակական կազմակերպության հիմնադիր նախագահն է: Ինչպես նշված է «Հույսի կամուրջ» ՀԿ կայքում, նրանք համագործակցում են տարբեր կառույցների, այդ թվում նաև` «Բաց հասարակության հիմնադրամներ-Հայաստան» գրասենյակի հետ: Ընդ որում` կազմակերպությունը այս տարիներին հիմնադրամից ստացել է ավելի քան 150.000 ԱՄՆ դոլար: Հաշվի առնելով այն հանգամանքը, որ «ԲՀՀ-Հայաստան» գրասենյակը վաղուց իր կայքից հեռացրել է կազմակերպությունների` դրամաշնորհներ ստացած անձանց անունները, ուստի չենք կարող միանշանակ փաստել, որ Զարուհի Բաթոյանը «Հույսի կամուրջ» ՀԿ-ում աշխատած տարիներին դրամաշնորհ է ստացել Սորոսի հիմնադրամից: Իսկ ինչպես կարող ենք պարզել «Disability Info» ՀԿ կայքից, վերջինիս հովանավորողների ցանկում «ԲՀՀ-Հայաստանը» առկա չէ:

«Հույսի կամուրջ» հասարակական կազմակերպությունն 2019 թվականին 8.8 միլիոն դրամի դրամաշնորհ է ստացել։ Կազմակերպությունը դրամաշնորհներ է ստացել նախորդ երկու տարիներին ևս. 2017-ին՝ 3 միլիոն դրամ, 2018-ին՝ 8,7 միլիոն դրամ։

2022թ. փետրվար ամսին ԿԳՄՍ ախարարության և թվով 18 տարածքային մանկավարժական աջակցության կենտրոնների (այսուհետ ՏՄԱԿ), ինչպես նաև «Հույսի կամուրջ» ՀԿ-ի (Տավուշի մարզ), «Ձեզ համար ԲՀԿ» (Արարատի մարզ), և «Մանկական զարգացման հիմնադրամի» (Վայոց Ձորի մարզ) միջև կնքված «Պետության կողմից դրամաշնորհի ձևով ֆինանսական միջոցների օգտագործման» պայմանագրերով նախատեսվել է 2,690,904.1 հազ. դրամ: Ընդ որում, նախարարությունը պատշաճ հսկողություն չի սահմանել պետական միջոցների վրա և ՏՄԱԿ-ներից չի պահանջել 2021թ. տարեվերջյան մնացորդը փոխանցել պետական բյուջե, ինչի արդյունքում Աշտարակի, Վանաձորի, և Գեղարքունիքի ՏՄԱԿ-ներում տարեսկզբին առաջացել է 23,791.8 հազ. դրամի դեբիտորական պարտք:

Բացի այդ, Երևանի քաղաքապետարանի Հանրակրթության վարչության նախադպրոցական բաժինը համագործակցում է տարբեր կազմակերպությունների հետ՝ իրականացնելով սեմինար-քննարկումներ և վերապատրաստման դասընթացներ և այդ կազմակերպությունների թվում է նաև «Հույսի կամուրջ» ՀԿ-ն:

Բերենք ևս մեկ օրինակ, «Մանկավարժահոգեբանական աջակցության ծառայություններ և կրթության առանձնահատուկ պայմանների կարիք ունեցող երեխաների կրթության կազմակերպմանն օժանդակող միջոցառումներ» գործողության շրջանակում դրամաշնորհային մեկ այլ մրցույթ է իրականացվել՝ ՀՀ Տավուշի մարզում մանկավարժահոգեբանական աջակցության ծառայություններ մատուցող կազմակերպություն ընտրելու նպատակով: Մրցույթին մասնակցելու համար հայտ է ներկայացրել միայն «Հույսի կամուրջ» հաշմանդամություն ունեցող երեխաների և երիտասարդների իրավունքների պաշտպանության հասարակական կազմակերպությունը: ԿԳՄՍ նախարարի հրամանով ստեղծված հաձնաժողովի քվեարկության արդյունքում 5 կողմ, 0 դեմ ձայնով մրցույթի հաղթող է ճանաչվել «Հույսի կամուրջ» կազմակերպությունը: