Տեղում զոհված Նարեկ Սարգսյանը «սպեցնազում» էր ծառայում, Սևանից էր ու ընտանիքի միակ կերակրողը

Երեկ Սյունիքի մարզի Տեղ համայնքի ուղղությամբ ադրբեջանական զինուժի հարձակման հետեւանքով զոհված հատուկջոկատային Նարեկ Սարգսյանը Սեւան քաղաքից էր, սովորել էր տեղի Յա. Զարոբյանի անվան թիվ 2 հիմնական դպրոցում, շատ դրական բնավորության գծերով, դրական հատկանիշներով լավ մարդ, լավ աշակերտ էր։ Այս մասին 24News-ին ասաց նրա դասղեկ Նարինե Մելքոնյանը։

Մելքոնյանն ասաց, որ Նարեկ Սարգսյանի մայրը մի քանի տարի դպրոցում ուսուցչուհի է աշխատել, հայրը՝ նախկին ոստիկան, թոշակառու է։ «Նարեկ Սարգսյանն ավարտելուց հետո ցանկանում էր Մոնթե Մելքոնյանի անվան ռազմական վարժարան ընդունվել, բայց չընդունվեց։ Ավարտելուց հետո ընդունվեց Սեւանի բազմագործառութային քոլեջի համակարգչային բաժինը։ Քոլեջն ավարտելուց հետո անցավ ժամկետային զինվորական ծառայության, որից հետո՝ արդեն պայմանագրային զինծառայության։ Շատ էր սիրում զինվորական գործը, դպրոցն ավարտելուց հետո մեծ ոգևորությամբ ցանկանում էր ընդունվել վարժարան»,- պատմեց Սարգսյանի դասղեկը։

Նարեկ Սարգսյանը երկու եղբայր ունի, ինքը միջնեկն է։ «Ընտանեկան սոցիալական վիճակն այնքան էլ բարվոք չէր, միակ կերակրողը, կարելի է ասել, Նարեկն էր։ Մեծ եղբայրը ամուսնացած է, առանձին է ապրում։ Փոքր եղբայրն արդեն 10-րդ դասարանն ավարտել է։ Նախկինում մի քանի անգամ որ ծնողի հետ խոսել եմ, ասել է՝ «Չգիտենք՝ որ մասում է, որ հատվածում է», բայց, փաստորեն, երեկ պարզվեց, որ ինքը հենց Տեղում է։

Մասնակցել է նաև 44-օրյա պատերազմին։ Երեկ էլ դեպքի մասին իմացանք։ Երեկ տեսանք, որ զոհերի թվում իր անուն-ազգանուն-հայրանունն էլ կա»,- եզրափակեց Նարինե Մելքոնյանը։

Հիշեցնենք, որ երեկ Տեղ համայքի Տեղ սահմանամերձ բնակավայրում փոխհրաձգություն էր սկսել Հայաստանի սուվերեն տարածք ներխուժած ադրբեջանական սադրանքով։ Ադրբեջանի ԶՈւ զինծառայողները մեքենայով մոտենեցել էին ինժեներական աշխատանքներ իրականացնող ՀՀ ԶՈւ զինծառայողներին, որից հետո կրակ են բացել ՀՀ ԶՈւ զինծառայողների ուղղությամբ։

Ըստ պաշտոնական տեղեկությունների՝ փոխհրաձգության հետևանքով հայկական կողմն ունի 4 զոհ, 6 վիրավոր։ Ադրբեջանական կողմը հաստատել է իր 3 զինծառայողի զոհվելու մասին։

Այս թեմայով Վահագն Խաչատուրյանն ընդունել է նախարար Նարեկ Մկրտչյանին Օկուպացված Ստեփանակերտում գտնվող խորհրդարանի շենքի տեղում հսկայական խառնարան է առաջացել (տեսանյութ) ՀՀ 3-րդ նախագահ Սերժ Սարգսյանը թոռան հետ ծաղիկներ խոնարհեց Ցեղասպանության զոհերի անմար կրակի մոտ ՈւՂԻՂ. Սերժ Սարգսյանը կուսակիցների հետ Ծիծեռնակաբերդի հուշահամալիրում է «Երիտթուրքերի «գենետիկ» թոռները». Նարեկ Սամսոնյանի հոդվածը՝ «Արմավիր» ՔԿՀ-ից Բա ո՞ւմ դեմ փորձեն պայքարել, միակ ուժը, որ իրենց դեմ կանգնած է, Եկեղեցին է ու հոգևորականությունը. Միքայել արքեպիսկոպոս Աջապահյան Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան Բռնցքամարտիկներ Գուրգեն Մադոյանը և Նարեկ Մանասյանը հաղթանակով են մեկնարկել Սերբիայում ընթացող Եվրոպայի առաջնությունում Գեղարքունիքում մեքենան հայտնվել է ձորակում. ընտանիքի անդամները տեղափոխվել են հիվանդանոց