Սուդանի ԱԱՈւ-ն 72-ժամյա հրադադար է հայտարարել

Սուդանի «Արագ աջակցության ուժերը» (ԱԱՈւ) հայտարարել է, որ կպահպանի 72-ժամյա հրադադարը, չնայած Սուդանի բանակի հետ շարունակվող ծանր մարտերին: Այս մասին հաղորդում է Al Jazeera-ն:

Հրադադարն ուժի մեջ է մտել այսօր տեղի ժամանակով առավոտյան ժամը 6:00-ին (Երևանի ժամանակով 8:00-ին):

«Հրադադարը համընկնում է օրհնված Իդ ալ-Ֆիտր տոնի հետ, և բացում է մարդասիրական միջանցքները քաղաքացիների տարհանման համար և նրանց հնարավորություն է տալիս ողջունել իրենց ընտանիքներին», - ասվում է ԱԱՈւ-ի հայտարարության մեջ։

Միևնույն ժամանակ հեռուստաալիքը հաղորդում է, որ ուրբաթ օրը վաղ առավոտյան Խարթումը ցնցվել է ուժեղ հրետանային գնդակոծությունից։ ԱԱՈւ-ն մեղադրել է Սուդանի զինված ուժերին մայրաքաղաքի վրա «լայնածավալ գրոհ» կազմակերպելու մեջ։

Սուդանի բանակը որևէ մեկնաբանություն չի արել այն մասին՝ արդյոք պատրաստ է պահպանել հրադադարի ռեժիմը։ Անցյալ շաբաթ օրը սկսված բախումներից հետո արդեն մի քանի անգամ հրադադար է հայտարարվել, սակայն դրանք բոլորը տապալվել են:

Կողմերին հրադադարը պահպանելու կոչ է արել նաև ԱՄՆ պետքարտուղար Էնթոնի Բլինքենը, որն առանձին հեռախոսազրույցներ է վարել Սուդանի զինված ուժերի գլխավոր հրամանատար Աբդել Ֆաթահ ալ Բուրհանի և երկրի «Արագ աջակցության ուժերի» (ԱԱՈւ) ղեկավար Մոհամեդ Համդան Դագլոյի հետ:

Բուրհանը և Դագլոն նախկինում Սուդանի իշխող ռազմական կառավարությունում դաշնակիցներ էին:

Կողմերի միջև սկսված ծանր մարտերի ընթացքում առնվազն 350 խաղաղ բնակիչ է զոհվել, կան հազարավոր վիրավորներ:

Իրավիճակը Սուդանում բարդացել է շաբաթ օրը, երբ երկրի մայրաքաղաք Խարթումում և մի շարք այլ քաղաքներում բանակի և «Արագ աջակցության ուժերի» միջև բախումներ սկսվեցին ծանր զինատեսակների կիրառմամբ։ «Արագ աջակցության ուժերի» հրամանատարության հայտարարություններում ասվում է, որ ներկայիս իրադրությունն ստեղծվել է այն բանից հետո, երբ զինված ուժերը, առանց որևէ նախնական ծանուցման, շրջափակման մեջ վերցրին իրենց բազաներից մեկը Խարթումի հարավային արվարձանում։ Բանակի հրամանատարությունն իր հերթին իր գործողությունները բացատրել է նրանով, որ «Արագ աջակցության ուժերը» վերջին ժամանակներս մեկ անգամ չէ, որ գործել է առանց զինվորականների հետ որևէ համաձայնեցման։ 

Այս թեմայով Իտալիան հայտարարել է, որ երկիրը կարող է գայատևել առանց ռուսական գազի ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան ՄԻԵԴ-ն ու ՄԱԿ-ը երբեք չեն հայտարարել, որ ՀՀ-ն «օկուպացրել է» Լեռնային Ղարաբաղը (տեսանյութ) Շուտով նիկոլիստները կարող են հայտարարել, որ 96-ամյա Լենա տատիկը ՌԴ հատուկ ծառայությունների գործակալ է. Շարմազանով Արցախցիների շուրջ 65%-ը հայտարարել է, որ ցանկություն չունի արտագաղթելու ՀՀ-ից Ճապոնիան հայտարարել է աշխարհին սպառնացող նոր վտանգների մասին Ռուսաստանից հրադադար կխնդրենք. Մակրոն ԱՄՆ-ը հայտարարել է, որ Իրանը չի զգուշացրել Իսրայելի վրա հարձակվելու ծրագրերի մասին Թունիսը հայտարարել է, որ Իսրայելի գործողությունները կարող են հանգեցնել վատթարագույն հետևանքների Իրանի արտգործնախարարը հայտարարել է, որ երկիրը մտադիր չէ շարունակել գործողություններն Իսրայելի դեմ