Իլոն Մասկը մեկ օրում գրեթե 13 մլրդ դոլար է կորցրել

Tesla-ի և SpaceX-ի, ինչպես նաև Twitter սոցիալական ցանցի սեփականատեր Իլոն Մասկի կարողությունը մեկ օրում նվազել է 12,6 միլիարդ դոլարով,  այդ մասին հաղորդել է Bloomberg գործակալությունը։

Bloomberg Millionaires ինդեքսի համաձայն՝ գործարարի կրած վնասները ռեկորդային են դարձել 2023 թվականի սկզբից ի վեր։ Միլիարդատիրոջ կարողության նման զգալի նվազման պատճառ են դարձել Tesla-ի բաժնետոմսերի 9,75 %-ով անկումը, որի ցուցանիշները տարվա առաջին եռամսյակում չարդարացրեցին սպասելիքները, ինչպես նաև Starship-ի հրթիռի նախատիպի պայթյունը արձակումից 4 րոպե անց: Հրթիռն արձակվել էր ապրիլի 20-ի առավոտյան Տեխասի Բոկա Չիկա տիեզերակայանից։ Իսկ Twitter-ում, ինչպես Մասկը խոստացել էր շաբաթներ առաջ, բազմաթիվ օգտատերեր զրկվել են իրենց կապույտ նշանից, քանի որ նախընտրել են դրա համար չվճարել ամսական սահմանված 8 դոլարը։

Այս պահին 51-ամյա ձեռներեցն աշխարհի ամենահարուստ մարդկանց վարկանիշային ցուցակում զբաղեցնում է երկրորդ հորիզոնականը՝ զիջելով միայն LVMH (Louis Vuitton Moet Hennessy) ընկերությունների խմբի նախագահ Բեռնար Առնոյին։ Մասկի կարողությունը գնահատվում է 164 միլիարդ դոլար:

2022 թ.-ի հոկտեմբերի 27-ին Մասկը գործարք էր կնքել՝ 44 միլիարդ դոլարով գնելով Twitter ընկերությունը: Գնման մասին հայտարարությունից հետո գործարարի կարողությունը նվազել էր 29 միլիարդ դոլարով: 2022 թ.-ի վերջին միլիարդատերը սահմանել է յուրատեսակ ռեկորդ՝ դառնալով պատմության մեջ միակ մարդը, որը կորցրել է ավելի քան 200 միլիարդ դոլար:

Այս թեմայով Գլխավոր դատախազությունը 2023-ին վերականգնել է շուրջ 5 մլրդ 63 մլն 193 հազար դրամին համարժեք գույք 12 միլիարդն էլ անցավ. Վեց տարում 5,5 մլրդ դոլարով ավելացրել են պարտքը Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա Փաշինյանը վաղուց կորցրել է վարչապետի կարգավիճակը՝ դառնալով Ալիևի դեսպանը մեր երկրում. Սուրենյանց Իլոն Մասկը հետաձգել է իր այցը Հնդկաստան. Reuters Սուրեն Պապիկյանի կինը հանձնաժողով տվյալներ չի ներկայացրել 2,100,000 դրամ, 17,700 ԱՄՆ դոլար, 2000 եվրո եկամտի վերաբերյալ․ «Հրապարակ» ԱՄՆ Ուկրաինային 61 մլրդ դոլարի ռազմական օգնություն կտրամադրի Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) Մինչև 2020-ը Ադրբեջանը 27 մլրդ դոլարի զենք է գնել, իսկ Հայաստանը` 6.5-ից 7 մլրդ դոլարի Մասկը մտադիր է գումար գանձել X-ի նոր օգտատերերից