Սողունների սեզոնային ակտիվացում. պետք չէ խուճապի մատնվել. Արցախի ԱՆ

Արցախի Առողջապահության նախարարությունը հաղորդագրություն է տարածել․

Թունավոր են միայն աշխարհի օձերի 15%-ը: Հայակական լեռնաշխարհում թունավոր են օձերի 4 հետևյալ տեսակները՝ գյուրզա, հայկական իժ, Դարևսկու իժ, լեռնատափաստանային իժ։ Թունավոր օձի խայթոցի դեպքում մեծ նշանակություն ունի ժամանակին ցուցաբերված առաջին օգնությունը։

2023թ. տարեսկզբից առ այսօր Արցախի Հանրապետությունում գրանցվել է օձի խայթոցի 2 դեպք և տուժածներին ներարկվել է հակաօձային շիճուկ (անտիգյուրզին): Օձի խայթոցից թունավորվածներից 2-ը տղամարդիկ էին և 2 ահազանգն էլ եղել է Մարտակերտի շրջանից։ Նախորդ տարվա նույն ժամանակահատվածի համաձայն օձի խայթոցի 1 դեպք գրանցվել է Մարտունու շրջանում։

Եթե ձեզ խայթել է թունավոր օձ, անհապաղ զանգեք 1-03 և կանչեք շտապ օգնություն կամ շտապեք մոտակա հիվանդանոց:

Հնարավորության դեպքում, մինչև շտապ օգնության ժամանումն արեք հետևյալ միջոցառումները՝

պահեք ձեզ հանգիստ, որ օգնեք օձի թույնի տարածման կանխարգելմանը

սահմանափակեք շարժումները, հանեք ձեր վրայից բոլոր ճնշող իրերը և զարդերը, ինչպես նաև նեղ հագուստը, քանի որ կարող է արագորեն այտուց զարգանալ և տարածվել,

հնարավորության դեպքում այնպիսի դիրք ընդունեք, որ օձի խայթած շրջանը լինի ձեր սրտի մակարդակից ներքև

օձի կծելուց հետո առաջին 5 րոպեի ընթացքում սեղմեք խայթած հատվածի շուրջը, որպեսզի ներծծված թույնով արյունը դուրս հոսի վերքից և դադարեք սեղմել, երբ վերքից այլևս արյուն չի հոսում 

լվացեք-մաքրեք խայթոցի վերքը ջրով և օճառով, որից հետո ծածկեք մաքուր, չոր վիրակապով

ժամանակին դիմեք հիվանդանոց, որտեղ արդեն մասնագիտական օգնություն կցուցաբերեն և հակաթույն կներարկեն։

Ցանկալի է, որպեսզի հակաթույնի առաջին դեղաչափը ստանաք գոնե 6 ժամվա ընթացքում։

Նախազգուշացումներ

Մի՛ փորձեք կտրել վերքը կամ մի՛ փորձեք որևէ կերպ հեռացնել թույնը:

Մի՛ խմեք սուրճ կամ ալկոհոլ, որոնք կարող են արագացնել թույնի ներծծումը:

Օձերի խայթոցների դեպքում չի կարելի տեղադրել լարան՝ սեղմող միջոցներ. սա կբերի տվյալ հատվածի հյուսվածքների մեկուսացման, ինչի հետեւանքով տուժածը կարող է կորցնել վերջույթը։

Մի՛ փորձեք բռնել օձին: Փորձեք հիշել ձեզ խայթած օձի գույնը և արտաքին տեսքը, որ կարողանաք նկարագրել բժշկին:

Արցախի Հանրապետության բուժհաստատություններն այս պահի դրությամբ ապահովված են հակաօձային շիճուկով և բնակչության բոլոր խմբերի համար օձի խայթոցի դեպքում անհրաժեշտ բուժօգնությունն իրականացվում է պետական պատվերի շրջանակներում:

Այս թեմայով Գործընթացը պետք է տեղափոխվի քաղաքական հարթակ. Բագրատ Սրբազան (տեսանյութ) Մինչև հասնենք հրապարակ, պետք է իշխանությունները մտածեն, թե ինչ են անելու. Բագրատ Սրբազան (տեսանյութ) «Երկիրը Նիկոլից պետք է ազատենք, այստեղ կուսակցական պայքար չկա, պետք է Սրբազանին միանանք» (տեսանյութ) Պետք է վերանվաճենք մեր երկիրը, որ հայելու մեջ նայելիս ճանաչենք ինքներս մեզ. Նարե Նավասարդյան Հայրենիքը կորցնելուց պետք է վախենանք, 2 ամսական բալիկիս հետ երթին եմ մասնակցում (տեսանյութ) Շարժման պահանջը և նպատակը պետք է լինի իշխանությունների անհապաղ և ամբողջական հեռացումը. «Ապրելու երկիր» Ինքնաթի՞ռ է պետք, վերցրու այս ինքնաթիռը, ընտանիքդ, վերցրու ու գնա․ հովիվ Տեր Տիրայր Գըլըճյան Մեզ ուսապարկ պետք չէ, Վարդենիսն ու Սյունիքը կտան, հետո էլ երկիրը կդառնա «Երևանի Հանրապետություն». շարժման մասնակից (տեսանյութ) Այս ամիս անպայման պետք է վերցնել Օդեսան և Խարկովը. Կադիրով Մի հատ մարդ կա, պետք ա գործից հանել. Բագրատյանը միացավ Սրբազանի առաջնորդած երթին (տեսանյութ)