Վրաստանի Փոթիի նավահանգստում հայտնաբերվել է հերոինի մեծ խմբաքանակ, որը պետք է տեղափոխվեր Եվրոպա

Իրանի մի քաղաքացի Վրաստան է ներմուծել մինչև 80 կգ հերոին. թմրանյութը հայտնաբերվել է Փոթի (Սամեգրելո-Զեմո Սվանեթի տարածաշրջան) քաղաքի նավահանգստում, բեռնատար ավտոմեքենայի  պահոցում: Ինչպես տեղեկանում ենք Sputnik գործակալության վրացական ծառայությունից, այս մասին հայտնել է  Վրաստանի ՆԳ նախարարության քրեական ոստիկանության վարչության ղեկավար Թեյմուրազ Կուպատաձեն:

Հետաքննությունը պարզել է, որ մեղադրյալը՝ Իրանի 62-ամյա քաղաքացին, մտադրվել է առանձնապես խոշոր չափերով հերոինը Իրանից Եվրոպա տեղափոխել Հայաստանի և Վրաստանի տարածքով:

Մեքենայի խուզարկության ժամանակ կցորդիչի հետևի երկու դռներում տեղադրված հատուկ սարքում որպես իրեղեն ապացույց առգրավվել է հերոին թմրամիջոցի 315 փաթեթ՝ մինչև 80 կիլոգրամ քաշով։

Հետաքննությունը տարվում է Վրաստանի քրեական օրենսգրքի երկու հոդվածներով` «Թմրամիջոցների, դրանց համարժեք նյութերի անօրինական պատրաստում, արտադրություն, ձեռքբերում, պահում, տեղափոխում կամ իրացում», ինչպես նաև «Թմրամիջոցների, դրանց համարժեք նյութերի Վրաստան անօրինական ներմուծում, Վրաստանից արտահանում կամ տարանցմամբ միջազգային փոխադրում»:

Ձերբակալվածին սպառնում է մինչև 20 տարվա ազատազրկում կամ անժամկետ բանտարկություն։

Բեռնատարը, որը վարել է Իրանի քաղաքացին, նույնականացվել է ՄԱԿ-ի թմրամիջոցների և հանցավորության դեմ պայքարի վարչության և Համաշխարհային մաքսային կազմակերպության «Բեռնարկղերի վերահսկման ծրագրի» համատեղ նախագծի շրջանակներում։

Վրաստանի ՆԳՆ-ի, Գլխավոր դատախազության և Ֆինանսների նախարարության աշխատակիցների կողմից անցկացվել են օպերատիվ-քննչական համալիր միջոցառումներ։

Այս թեմայով Արցախը հանձնողին անգամ թուրքը դավաճան կհամարի, այս կրկնակի դավաճանները պետք է հեռանան. Մանուկյան (տեսանյութ) Ռուսաստանն ու Արևմուտքը վաղուց եկել են համաձայնության, որ Հայաստանի շահերը պետք է ոտնահարվեն. Արմեն Այվազյան (տեսանյութ) ԵՄ-ն պետք է կոչ անի Հայաստանին՝ ապահովել քաղաքացիների բողոքի ցույցի իրավունքը․ ՌԴ ԱԳՆ Ես ևս գտնում եմ, որ ՀՀ գործող վարչապետը պետք է հեռանա․ նախկին դատախազ Ամենակարևոր հարցը, որը մեր երկրի զարգացման հիմքում պետք է դրված լինի, ճշմարտության և արդարության գաղափարն է․ Բագրատ Սրբազան Շանթ Հարությունյանն ու Բագրատ Սրբազանը հանդիպել են Պետք է անհապաղ ներկայացնել իրական իշխանափոխության ծրագիր, քաղաքական առաջնորդի արժանավոր թեկնածուին. Դավիթ Անանյան Բոլորս պետք է միավորվենք և հասնենք հոգևոր Հայաստանին. Արմեն Խաչիկյան (տեսանյութ) Մեր երկիրը աղբանոց է դառնում, թե' քաղաքական, թե էկոլոգիապես, որից պետք է ազատվել. Սրբազան (տեսանյութ) Սյունիքի Տաշտուն գյուղի կորած բնակիչը անվնաս հայտնաբերվել է