«Իրավիճակը փոխվել է»․ Զախարովան՝ հայ-ադրբեջանական կարգավորման մասին

Ռուսաստանը կարծում է, որ եռակողմ համաձայնագրերի փաթեթը հայ-ադրբեջանական կարգավորման անվիճելի ճանապարհային քարտեզն է։ Այդ իսկ պատճառով ԱՄՆ-ի և ԵՄ-ի գործողությունները, դրանց ակտիվացումը այս ուղու վրա հարցեր են առաջացնում։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Նախկինում ոչ ոք մեծ հետաքրքրություն չէր ցուցաբերում անդրկովկասյան խնդիրների նկատմամբ: Այժմ, ըստ ամենայնի, իրավիճակը փոխվել է»,- նշել է Զախարովան։

Ռուս դիվանագետն ընդգծել է, որ արդյունավետ միջնորդության համար պետք է իմանալ տարածաշրջանի պատմությունը, հակամարտությունը, ժողովուրդներին, խորապես ճանաչել ու զգալ, և լիցքավորված լինել հիմնական նպատակով՝ հասնելու իրական խաղաղության։

Մոսկվան բազմիցս հայտարարել է, որ աշխատում է Բաքվի և Երևանի միջև հարաբերությունները կարգավորելու ուղղությամբ՝ Ռուսաստան-Հայաստան-Ադրբեջան եռակողմ ձևաչափով՝ այդ երկրների ղեկավարների հայտարարությունների հիման վրա, հիշեցրել է նա։

«Եռակողմ համաձայնագրերի փաթեթը մենք համարում ենք Ռուսաստանի համար երկու եղբայրական ժողովուրդների հաշտեցման գործընթացի այլընտրանք չունեցող ճանապարհային քարտեզ»,- ասել է ՌԴ ԱԳՆ պաշտոնական ներկայացուցիչը։

Նրա խոսքով, այս աշխատանքն ունի բանակցային գործընթացի իր դինամիկան, իր ձևաչափերը, լրացուցիչ գործիքները։ Ընդ որում, Մոսկվան չի փորձում որևէ բան պարտադրել, ընթանում է ըստ պլանի, իրականացնում է այն ամենը, ինչի շուրջ պայմանավորվել են կողմերը, ասել է Զախարովան։

«Մեզ համար միշտ առաջնահերթություն է մնում Հայաստանի և Ադրբեջանի մոտեցումների սերտաճումը, կայուն հավասարակշռված լուծումների մշակումը: Մենք պատրաստ ենք ապագայում խթանել այդ մոտեցմանն ու աշխատանքին»,- եզրափակել է դիվանագետը:

Այս թեմայով Հարցրեք Երևանին. Զախարովա Հայաստանի դեպքում՝ քար լռություն է, Վրաստանի դեպքում՝ ԱՄՆ-ն և ԵՄ-ն ամեն օր հարձակվnւմ են իշխանությունների վրա. Զախարովա ՌԴ-ն չի առաջարկել ՀՀ-ին դուրս հանել սահմանապահներին Իրանի և Թուրքիայի սահմաններից. Զախարովա (տեսանյութ) Ռուսաստանը Հաղթանակի շքերթին չի հրավիրել ոչ բարեկամ երկրների դեսպաններին և պաշտոնյաներին. Զախարովա Եթե ֆրանսիական զորքերը հայտնվեն Ուկրաինայում, անխուսափելիորեն ռուսական բանակի թիրախ կդառնան. Զախարովա Ռուսաստանը երբեք չի միջամտի այլ երկրների գործերին․ Զախարովա Զախարովան արձագանքել է Ալեն Սիմոնյանի հայտարարություններին Զախարովան զգուշացրել է Լոնդոնին Այստեղ է՞լ է ՀԱՊԿ-ը մեղավոր. Զախարովա Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա