Փաստաբանները հունիսի 26-ին մեկ օրյա բողոքի ակցիա կիրականացնեն

2023թ. հունիսի 21-ին տեղի է ունեցել փաստաբանների ակումբի նիստ, որին ներկա փաստաբանները ներկայացրել են իրենց մտահոգությունները՝ փաստաբանների նկատմամբ բռնության դեպքերի կապակցությամբ:

Ներկա փաստաբաններն արձանագրեցին իրավասու մարմինների և պատկան միջազգային կառույցների անտարբերությունը փաստաբանական ինստիտուտի նկատմամբ:

Ներկաներն արձանագրեցին նաև, որ բռնության ենթարկված փաստաբանների մասով վարույթն իրականացում է ոչ բավարար արագությամբ, իսկ մեղավորները շարունակում են մնալ անպատիժ:

Ակնառու է նաև ոստիկանության անգործությունը, քանի որ փաստաբան Կարեն Ալավերդյանի նկատմամբ բռնություն գործած ոստիկաններն առ այսօր շարունակում են պաշտոնավարել:

Փաստաբանները, վերահաստատելով իրենց պահանջները, փաստաբանի մասնագիտական գործունեության իրականացման նման խոչընդոտները կանխելու նպատակով, որոշեցին՝

- մեկ օրյա բողոքի ակցիա իրականացնել 2023 թվականի հունիսի 26-ին՝ այդ օրը հրաժարվելով Հայաստանի Հանրապետության պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց:

Հ.Գ.1. Հունիսի 26-ը Խոշտանգումների զոհերի աջակցության միջազգային օրն է:

Հ.Գ.2. Այս պայքարի նպատակը վստահորդների արդար դատաքննության իրավունքի իրացման համար է, քանի որ ճնշված փաստաբանը չի կարող արդյունավետ պաշտպանել վստահորդի շահերը:

Հ.Գ.3. Հունիսի 26-ի բողոքի ակցիայից կարճ ժամանակ հետո հրավիրվելու է ակումբի նիստ քննարկելու համար հաջորդ 3 օրյա բողոքի ակցիայի ժամանակացույցը և պայմանները:

Այս թեմայով Դավիթ Տոնոյանի դեմ գործը քաղաքական ուղիղ հրահանգի արդյունք է․ փաստաբաններ Իրավասու մարմինները պետք է վերադառնան օրինականության դաշտ և չհատեն անդառնալիության կետը. փաստաբաններ Զրահաբաճկոնով և սաղավարտով ինձ որոշ չափով պաշտպանված եմ զգում. փաստաբան ԱՄՆ նախկին նախագահ Թրամփը փորձում է փաստաբան գտնել, բայց բոլորը հրաժարվում են. WP Միքայել Բադալյանի մոտ նախաինսուլտային վիճակ է. փաստաբաններ Չգիտեմ՝ ում էր պետք, որ Առուշանյանին գետնած տեսնեին. փաստաբան «Հրապարակ»․ Փաստաբանները գործի են կպել Փաշինյանի ու հայ փաստաբանների հանդիպման ժամանակ 14 հոգի է ձերբակալվել, այդ թվում՝ կանայք․ ArmDaily.am Դատարանը սանկցիա կիրառեց Ռոբերտ Քոչարյանի փաստաբանների և դատախազների նկատմամբ «Ժողովուրդ». Աղմկահարույց համարվող քրեական գործերը տեղից չեն շարժվում