Վահե Գրիգորյանը չի մասնակցի ԵԱ-ին ՌԴ-ում Իսպանիայի դեսպանատան աշխատաոճի հետևանքով

Հայաստանի ըմբշամարտի հավաքականի անդամ 82 կգ քաշային հունահռոմեական ոճի ըմբիշ Վահե Գրիգորյանը բաց է թողնում Եվրոպայի առաջնությունը՝ Ռուսաստանում Իսպանիայի դեսպանատան աշխատաոճի հետևանքով: Այս մասին հայտարարություն է տարածել Հայաստանի ըմբշամարտի ֆեդերացիան:

«Հայաստանի հավաքականները վիզաների դիմում են ներկայացրել Հայաստանում գործող Իսպանիայի վիզաների կենտրոն՝ (BLS) մայիսի 18-ին, հավաքականների բոլոր մարզիկների և մարզիչների անձնագրերը ժամանակին հասել են Երևան՝ բացառությամբ Վահե Գրիգորյանի անձնագրի:

Հայաստանի ըմբշամարտի ֆեդերացիան հնարավոր ամեն ինչ արել է` կապ հաստատելու Ռուսաստանում Իսպանիայի դեսպանատուն` ներկայացնելով մրցման կարևորությունը, սակայն, ապարդյուն: Գրիգորյանի անձնագիրը մինչև օրս դեռ Հայաստանում չէ:

Եվ սա առաջին դեպքը չէ. 2022 թվականին նույն իրավիճակում էր հունահռոմեական ոճի ըմբիշ Գագիկ Հակոբյանը: Ֆիլմի սցենար հիշեցնող իրադարձություններով՝ Հակոբյանը վերջին վայրկյաններին հենց օդանավակայանում ստացավ անձնագիրը և մեկնեց, սակայն թիմից առանձին: Նույնը եղավ այս տարի, դիմել էինք նույն դեսպանատուն և կից նամակ գրել, որ մարզիկները պատրաստվում են մեկնել այլ երկիր՝ հավաքների և անձնագրերը մեզ անհրաժեշտ են հնարավորինս սեղմ ժամկետներում, սակայն ապարդյուն` արդյունքում մեծ տուգանքներ ենք վճարել, տոմսեր փոխել և այլն:

Ֆինանսական մեծ կորուստներից զատ, ավելի կարևոր է մեր մարզիկի բարոյահոգեբանական վիճակը: Նրանից սպասելիքներն ավելի քան մեդալային էին: Մարզիկը միշտ չէ, որ կարող է հնարավորություն ունենալ մասնակցելու նման կարևոր առաջնության:

ՀԸՖ-ն դիմել է նաև ՀՀ-ում եղած բոլոր պատկան կառույցներին, սակայն այն փաստի պատճառով, որ դեսպանատունը ՌԴ-ում է, ոչ թե՝ ՀՀ-ում, օգնել ոչնչով չեն կարողացել»,- մասնավորապես ասված է հաղորդագրության մեջ:

Այս թեմայով Իսրայելական ավիահարվածի հետևանքով զոհվել է ՀԱՄԱՍ-ի հրամանատարը «Վահե Ղազարյան, ուշադիր լսեք, ուղիղ ասում եմ՝ հանցագործություն եք անում»․ Բագրատ Սրբազանը խոսք ուղղեց ՆԳ նախարարին «Նուբարաշեն» ՔԿՀ-ում տեսակցել եմ Տավուշում իշխանության հրահրած սադրանքի հետևանքով կալանավորված 4 քաղաքացիների հետ. Աբրահամյան Սրբազանն այցելել է ոտքի կոտրվածք ստացած Կարեն Գևորգյանին «Կարմիրբերետավորները» ծեծելով կոտրել են ցուցարարի ոտքը. հայտարարություն Համակարգի պարագլուխներին կոչ եմ անում՝ «դասականի ասած» սթափվել ու խելքները գլուխները հավաքել․ Վահե Գրիգորյան Դուք փակեցիք դուռը հայրենիք ու պատիվ ունենալու հույսի ու հավատի առջև․ Վահե Սարգսյան Մի հատ Վահե Ղալումյանին հարցրեք՝ ինքն ինչ մասնագիտություն ունի. Բագրատ Սրբազան (տեսանյութ) Բելգորոդում Ուկրաինայի գնդակոծման հետևանքով՝ 19 մարդ է զոհվել (լուսանկարներ) Գազայում իսրայելական հարվածների հետևանքով զոհերի թիվը գերազանցել է 35 հազարը