Նոր մութ ամպեր՝ Հայկակ Արշամյանի գլխավերևում

Ատոմ Ջանջուղազյանի գլխավորած Հաշվեքննիչ պալատը որոշակի խախտումներ է հայտնաբերել «Հայաստան» հիմնադրամի կողմից կատարված ծախսերում: Դիցուք՝ հաշվեքննության մեջ որպես ընդհանուր թերություն նշվում է, որ չնայած նվիրաբերության պայմանագրերով սահմանվող այն պահանջին, որ նվիրաբերությունը ստացողը տրամադրված ֆինանսական միջոցներով կատարված ծախսերի վերաբերյալ պարտավոր է մինչև յուրաքանչյուր հաշվետու ամսվան հաջորդող ամսի 15-ը նվիրաբերողին ներկայացնել հաշվետվություն նվիրաբերվող միջոցների ծախսման վերաբերյալ, այնուամենայնիվ, ամենամսյա հաշվետվություններ չեն ներկայացվել։ Ուստի, առկա է անհամապատասխանություն նվիրաբերության բոլոր 9 պայմանագրերով սահմանված համապատասխան պահանջի մասով:

ՀՀ հաշվեքննիչ պալատը հիմնադրամի կողմից ծախսված միջոցների նպատակայնության վերաբերյալ «դրական եզրահանգում» կարծիքն է տալիս այն պարագայում, երբ այս գերատեսչությունն ինքն է իր ձեռքով մատնանշում բոլոր վերը թվարկված կոպտագույն խախտումները, անհամապատասխանությունները, և, առավել ևս, արձանագրում է մահացած մարդկանց անուններով դրամական աջակցությունների դուրս գրման փաստը, ինչն արդեն իսկ շատ լուրջ խախտում է՝ անկախ դրամական աջակցության ծավալից։

Ինչպես երևում է՝ Հայկակ Արշամյանի գլխին կրկին մութ ամպեր են կուտակվում, սակայն հաշվետվությունից պարզ է դառնում, որ Նիկոլ Փաշինյանի մտերիմն այս անգամ էլ կխուսափի պատասխանատվությունից և չի հռչակվի միակ պատասխանատուն և միակ մեղավորը: Թերևս ականատես ենք լինելու հետպատերազմյան սցենարին, երբ այդպես էլ հանրությունը չտեղեկացավ, թե ինչի վրա են ծախսվել սփյուռքի և Հայաստանի մեր հայրենակիցների կողմից պատերազմի կարիքների համար հավաքված  միլիոնավոր դոլարները:

Այս թեմայով Հայկակ Արշամյանը ԱՄՆ-ում ներկայացրել է ԼՂ-ից բռնի տեղահանված անձանց ցուցաբերվող աջակցության ծրագրերը Հեղափոխական տապալումները. Հայկակ Արշամյան 105 միլիոն դոլարի ոդիսականը. Արշամյանն ու Ջանջուղազյանը միմյանց վրա «բոչկա են գլորո՞ւմ» ԱՀ-ում Հայաստան համահայկական հիմնադրամի գործունեության դադարեցումը չի համապատասխանում իրականությանը. Հայկակ Արշամյան Իշխանությունները «պադստավկա՞» են անում Հայկակ Արշամյանին «Հայաստան» հիմնադրամը տեղահանված ընտանիքների համար իրականացնում է ծրագրեր 61 համայնքում