ՀՌՀ ռեկտոր Էդվարդ Սանդոյանը և ԴԻԱԼՈԳ կազմակերպության նախագահը քննարկել են համագործակցության հեռանկարները

Հայ-Ռուսական համալսարանի ռեկտոր, ՀՀ և ՌԴ տնտեսագիտության դոկտոր, պրոֆեսոր Էդվարդ Սանդոյանը և ԴԻԱԼՈԳ կազմակերպության նախագահ Յուրի Նավոյանը հունիսի 30-ին կայացած հանդիպմանը քննարկել են համագործակցության հնարավորությունները և հեռանկարները։ Յուրի Նավոյանը շնորհավորել է Էդվարդ Սանդոյանին ՀՌՀ-ի ռեկտոր ընտրվելու կապակցությամբ և մաղթել համակարգված աշխատանք հայ- ռուսական միակ միջպետական ուսումնական հաստատությանը։

Հանդիպման ընթացքում նշվել է, որ համալսարանն իր ուրույն և ամուր տեղն է զբաղեցնում ՀՀ կրթական համակարգում, և անցած տասնամյակն ապացուցել է համալսարանական անձնակազմի արդյունավետությունը տարբեր պայմաններում։ Հայ-Ռուսական համալսարանի ստորաբաժանումների ուսումնական ծրագրերը, մեթոդական և գիտական մշակումները եղել և մնում են արդիական ու մրցունակ: Դժվար է գերագնահատել համալսարանի դերը նաև հայ-ռուսական հումանիտար համագործակցության զարգացման գործում։

Այս համատեքստում կողմերը կարևորել են ընթացիկ տարվա հունիսի 14-ին ՀՌՀ-ում հայ-ռուսական առաջին գիտակրթական համաժողովի թեմատիկ հանդիպումների անցկացումը։ Էդվարդ Սանդոյանն և Յուրի Նավոյանը քննարկել են համագործակցության հնարավոր ասպարեզները, որոնք ներառում են Ռուսաստանի Դաշնության գիտական և կրթական հաստատությունների հետ համալսարանական համագործակցության զարգացման խթանումը, համատեղ միջոցառումների և հետազոտությունների անցկացումը։

Հանդիպման ընթացքում ԴԻԱԼՈԳ կազմակերպության նախագահը համալսարանին նվիրել է «Ռուսաստանի Դաշնություն և Հայաստանի Հանրապետություն․ դաշնակցային համագործակցության 30 տարին» եռահատորյակը, որը ներառում է նաև Հայ-Ռուսական համալսարանի ստեղծման մասին միջպետական համաձայնագրերը և դրանց կից հավելվածները։

Այս թեմայով Քննարկվել են ՀՀ-Իտալիա ռազմական համագործակցության հարցեր Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Կիրանցը զրկվելու է իր հիմնական ճանապարհից․ Տավուշում սահմանային փոփոխությունների հեռանկարները. Թաթոյան (տեսանյութ) Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները ՔՊ-ում խիստ ծանր են տարել Փաշինյանի կնոջ և դստեր հետ Ծիծեռնակաբերդում տեղի ունեցած միջադեպը․ ինչ են քննարկել Պապիկյանը և Ֆրանսիա-ՀՀ բարեկամական խմբի ղեկավարը տարածաշրջանային անվտանգության հարցեր են քննարկել ՏԿԵ փոխնախարարն ու Ուորեն Վիլսոնը կարևորել են հանքարդյունաբերության ոլորտում համագործակցության շարունակականությունը Քաղաքաշինության կոմիտեի նախագահը կարևորում է Կառուցապատողների հայկական ասոցիացիայի հետ համագործակցության խորացումը