«Փողոց դուրս գալը ոչ թե խղճահարություն հարուցելու, այլ ուշադրություն գրավելու քայլ է. մարդիկ չեն հասկանում իրավիճակի իրական ծանրությունը»

«Յոթ ամիս է` ինչ այս իրավիճակը շարունակվում է և մենք տարբեր անկյուններից ներկայացրել ենք իրավիճակը:

Փողոց դուրս գալը ոչ թե խղճահարություն հարուցելու, այլ ուշադրություն գրավելու քայլ է, որովհետև մեր մոտ տպավորություն է առաջանում, որ երբեմն աշխարհաքաղաքական տարբեր բևեռներում, ինչու չէ նաև հենց Հայաստանում, մարդիկ չեն հասկանում իրավիճակի իրական ծանրությունը»,-այս մասին ԼՈՒՐԵՐ.com-ի հետ զրույցում ասաց Արցախի Հանրապետության ԱԺ, գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ, «Ազատ հայրենիք-ՔՄԴ» խմբակցության պատգամավոր Արամ Հարությունյանը` անդրադառնալով Արցախի նախագահ Արայիկ Հարությունյանի այն հայտարարությանը, թե դիմում է ծայրահեղ միջոցի՝ միանում է Ստեփանակերտի Վերածննդի հրապարակում նստացույց անող քաղաքացիներին։

«Այս քայլի առաքելությունը և նպատակը այն է, որ մարդիկ սթափվեն, ինչպես նաև տարբեր կենտրոններում իրավիճակի լրջությունը պատկերացնեն։ Մենք գործ ունենք մի կողմի հետ, որը որևիցէ ձև կառուցողական չի մոտենում հարցին և խոսում է ծավալապաշտական դիրքերից։

Նաև գործ ունենք մի իրավիճակի հետ, երբ բոլոր դերակատարները  անտարբերության են մատնել կամ շատ քիչ ուշադրություն են դարձնում Արցախի խնդրին և այս անտարբերությունը և ոչ լիարժեք արձագանքները Ադրբեջանի համար  կանաչ լույս է ավելի կոշտ միջոցներ ձեռնարկելու համար»,- ասաց Հարությունյանը։

Նրա խոսքով` 2020թ․-ի նոյեմբերի 9-ից սկսած՝ բազմաթիվ անգամ Ադրբեջանը խախտել է պայմանագիրը և մենք տեսել ենք, որ եղել են դատապարտող հայտարարություններ, բայց չեն եղել առարկայական քայլեր.

«Ադրբեջանը սա ընդունել է որպես անպատժելիություն և նոր խախտումներ իրականացնելու թույլատվություն։ Եթե դերակատարները իրականում շահագրգռված են տարածաշրջանում խաղաղության՝ պետք է դիմեին արդեն առարկայական գործողությունների, որպեսզի կանգնեցնեին Ադրբեջանի այս ագրեսիվ պահվածքը»,- ասաց Հարությունյանը։

Լիլիթ Զալիբեկյան

Այս թեմայով Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ) Ալիևը հասկանում է՝ ձեռքբերածը կարող է կորցնել. պատերազմը չի ավարտվել ո'չ 2020-ին, ոչ 2022թ-ին Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Երեկ գիշեր անհայտ ինքնությամբ մարդիկ, եկել են գաղտագողի, մուտք են գործել, հանձնվելիք տարածքներ. Բագրատ Սրբազան Լևոն Տեր-Պետրոսյանը դուրս է գրվել հիվանդանոցից Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Արհեստածին Ադրբեջանը ստեղծել են, որպեսզ շարունակեն և ավարտեն հայերի ցեղասպանությունը Օսմանյան Թուրքիայից դուրս. Լարիսա Ալավերդյան (տեսանյութ) Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով «Հրապարակ». Ամաչում են մարդամեջ դուրս գան