Արցախում ստեղծված իրավիճակից դուրս գալու համար կա 4-րդ ճանապարհ․ Վահրամ Մարտիրոսյան

Արցախի խնդրի լուծման ռացիոնալ ուղիների բացակայության պատճառով հասարակությունը մատնվել է քաոսի։ Այդ մասին Ֆեյսբուքի իր էջում գրել է «Զանգի» հայկական ընկերության հիմնադիր Վահրամ Մարտիրոսյանը։ «Մարդիկ անզորությունից արդեն ամենաանհավանական առաջարկներ են անում։

Իշխանություն-ընդիմությունների քաղաքական միտքը կարողանում է գեներացնել միայն իռացիոնալ-ծայրահեղական մոտեցումներ, որոնք բնականաբար մերժելի են հանրության մեծամասնության կողմից։

1. Ոչինչ չանել և փորձել գեներացնել միջազգային հանրության խղճահարությունը։ Սրանք նաև դողացող նապաստակի նման վախենալով թշնամուց փաստացի պատերազմ են քաշում մեզ վրա։

2. Հարձակվել ու ուժով բացել Բերձորի միջանցքը։ Ոմանց նույնիսկ թվում է թե իրենք պատերազմ են հայտարարելու միայն Ադրբեջանի Լաչինի շրջանին, այլ ոչ թե ամբողջ Ադրբեջանին։

3. Դիմել ՄԱԿ-ին խաղաղապահներ մտցնելու խնդրանքով։ Սա ընդհանրապես էկզոտիկ առաջարկ է։ Ըստ ՄԱԿ-ի կանոնադրության առանց կողմերի համաձայնության խաղաղապահներ չեն տեղակայվում։ Եթե նույնիսկ մտցնեն էլ, ապա նախադեպային տրամաբանությունը ցույց է տալիս, որ իրադրության վրա սա ոչ մի կերպ չի ազդելու։
Կա 4-րդ ճանապարհը՝ Ռազմավարական Զսպման քաղաքականությունը։ Սա նախատեսում է ռազմական և դիվանագիտական ներդաշնակված քայլերի իրականացում, որի արդյունքում հակամարտությունը պահվում է կառավարելի տիրույթում՝ թույլ չտալով նրան վերաճել մեծ պատերզմի, իսկ թշնամու հետ հարաբերությունները վերածվում են կոշտ, բայց արժանապատիվ բանակցությունների։
Ռազմավարական Զսպման դիվանագիտական բաղադրիչի մասով առաջին քայլով պետք է վերջ դնել Գավառական Շուստրությանը, և անցում կատարել Ապացուցողական Դիվանագիտությանը։

Իսկ ռազմական բաղադրիչը նախատեսում է 2 հիմնական գործողությունների իրականացում։

1. Երկրի միլիտարիզացիայի մակարդակի բարձրացում։
2. Կենաց-մահու կռիվ մղելու դեմոնստրացիա։ Թշնամուն պետք է ուղղվեն հստակ ազդակներ, որ նրա կողմից պատերազմ սկսելու դեպքում մեր կողմից այն լինելու է հայրենական։

Պատերազմից խուսափում են դրան պատրաստվելով, այլ ոչ թե դրանից վախենալով»,-գրել է նա։

Այս թեմայով Ճանապարհ փակած Արշակյանը կրկնում է` դա վատ բան է (տեսանյութ) Մեր պայքարը մեր սահմանների անվտանգությունն ապահովված լինելու համար է. Գառնիկ Դանիելյան (տեսանյութ) Եվ Դավիս, և այն տղաների համար եմ լինելու Հրապարակում, ովքեր զոհվեցին ինչ-որ մեկի կամքով. Ալիսա Գևորգյան (տեսանյութ) Պատրաստ ենք կառուցողական երկխոսության՝ ԵԱՏՄ էլեկտրաէներգետիկական շուկայի ժամանակին գործարկելու համար. Փաշինյան Հուլիսի 1-ից ՀՀ քաղաքացիները քրեական պատասխանատվություն կկրեն «ուրիշին տհաճություն պատճառելու» համար. փաստաբան Իմ հող ու ջրի, հայրենիքի համար եմ միացել Սրբազանին․ Գայա Արզումանյան Կրեմլը մեկնաբանել է ԵԱՏՄ-ից Հայաստանի դուրս գալու հավանականությունը Մոսկվայում Պուտինի և Փաշինյանի այսօրվա հանդիպումը անհրաժեշտ է և երկու կողմերի համար սպասված. Պեսկով Ինձ համար օրհնություն, պատիվ է լինել Սրբազանի կողքին. բոլորին կոչ եմ անում սթափվել. Արմեն Հյուսնունց (տեսանյութ) Մի սպասեք բոլորին ու մի հաշվեք, թե ինչքան մարդ կլինի, կարևորը դուք լինեք ու կտեսնեք, թե ձեր լինելով, ինչպես ենք դառնում բոլոր. Մարտիրոսյան