Անցյալ տարի մեր ճանապարհներին զոհվել է 320 մարդ․ 2021-ի համեմատ ունենք դրական դինամիկա

Վերջին օրերի ճանապարհատրանսպորտային պատահարների մասին լուրերը, որոնք գրեթե ամեն օր գուժում են զոհերի մասին, խորը անհանգստանալու առիթ պետք է լինեն բոլորիս համար։ Պետք է հավելյալ ջանքեր գործադրել, որպեսզի այդ զոհերն ու վիրավորները էականորեն պակասեն։ Այս մասին Ֆեյսբուքի իր էջում գրել է «Քաղաքացիական պայմանագիր» խմբակցության պատգամավոր Արսեն Թորոսյանը․

«Երեք հիմնական գործոն են ազդում ճանապարհային անվտանգության վրա՝ վարորդի վարքագիծը, տրանսպորտային միջոցի սարքին լինելը և նորմերին համապատասխանությունը և ճանապարհային ենթակառուցվածքները (ճանապարհի ծածկույթ, կահավորում նշաններով, այդ թվում գծանշաններով և այլն):

Պետական կառավարման համակարգը պետք է բարելավի ճանապարհային ենթակառուցվածքները, ինչն ինտենսիվ իրականացվում է վերջին տարիներին, ապահովի տրանսպորտային միջոցների տեխզննման պատշաճ համակարգ, վարորդական իրրավունք ստանալու խիստ քննություններ սահմանի, ինչպես նաև խիստ հսկողություն սահմանի ճանապարհային երթևեկության կանոնների պահպանման նկատմամբ։

Վարորդներն ու հանրության մնացած անդամներն էլ պետք է հնարավորինս անվտանգ ճանապարհային վարքագիծ դրսևորեն։ Այս առումով շատ կարևոր են մի քանի հիմնական գործոն՝ վարելիս ուշադրությունը չշեղելը (հեռախոսով խոսել, ծխել և այլն), անսթափ վիճակում չվարելը, սահմանված արագությունը չգերազանցելը և անկանոն չվարելը։

Անցյալ տարի մեր ճանապարհներին զոհվել է 320 մարդ։ Բացարձակ թվով մենք 2021 թվականի համեմատ ունենք դրական դինամիկա՝ 2021թ. ունեցել ենք 368 զոհ։ Սակայն 100.000 բնակչին բաժին ընկնող զոհերի թվով՝ մոտ 11, մենք դեռ շատ բարելավվելու տեղ ունենք։ Շատ են երկրները, որոնք ունեն 3-4 զոհ 100.000 բնակչի հաշվով, հետևաբար մենք էլ կարող ենք և պետք է փորձենք հասնել այդ իրավիճակին։ Եկեք բոլորս մտածենք այս ուղղությամբ, քանի որ ոչ ոք ապահովագրված չէ այս դժբախտությունից», - գրել է նա։

Այս թեմայով Էս տարի ինչի՞ց ա ասֆալտի հետ կապված էսքան խնդիրներ առաջացել. Ավինյան (տեսանյութ) Իրանի նախագահին տեղափոխող ուղղաթիռի ուղևորները զոհվել են. Reuters Հետ ենք գնում, ագրեսիա հո չենք կիրառելու, մենք մշակույթի մարդ ենք. Արսեն Գրիգորյան (տեսանյութ) Հեղեղումներ Բրազիլիայում. ավելի քան 150 մարդ է մահացել Ցավով եմ ասում, բայց վերջն է, ողջ Կիրանցն է դատարկվելու, մարդ չի մնա այնտեղ, պիտի կասեցնենք սա (տեսանյութ) Արդեն 4 տարի է` հանձնում են ՀՀ-ի տարածքներն առանց որևէ պարզաբանման, առանց որևէ քարտեզի ԱՄՆ-ում վատ եղանակի պատճառով` 7 մարդ է մահացել Աֆղանստանում հեղեղումների պատճառով` 50 մարդ է մահացել Բիշքեկում գիշերը անկարգություններ են տեղի ունեցել. 29 մարդ է տուժել Իսրայելական ավիահարվածի հետևանքով զոհվել է ՀԱՄԱՍ-ի հրամանատարը