Վահե Ղազարյանը աշխատանքային խորհրդակցություն է անցկացրել

Օգոստոսի 15-ին ՆԳՆ փրկարար ծառայությունում ՆԳ նախարար Վահե Ղազարյանի գլխավորությամբ տեղի է ունեցել աշխատանքային խորհրդակցություն: Այս մասին տեղեկանում ենք ՆԳ նախարարությունից: 

Խորհրդակցությանը մասնակցել են ՆԳՆ փրկարար ծառայության տնօրեն-ՆԳ նախարարի տեղակալ, փ/ծ գնդապետ Կամո Ցուցուլյանը, Ծառայության ղեկավար կազմը։ Նախարարը ողջունելով ներկաներին՝ նշել է, որ առաջին հանդիպումն է Փրկարար ծառայությունում այս ֆորմատով եւ այն նպատակաուղղված է Երեւան քաղաքի փրկարարական վարչության ենթակա ստորաբաժանումներում առկա խնդիրների վերհանմանն ու դրանց հասցեավորմանը:

ԵՓՎ պետ, փ/ծ գնդապետ Ա. Կիրակոսյանը ներկայացրել է վարչության ղեկավար կազմին, ջոկատների կողմից սպասարկվող տարածքային բաժանումը, Երեւան քաղաքի այն վարչական շրջանները, որտեղ չկան ՀՓՋ-ներ:

Նախարարը հետաքրքրվել է ջոկատների շենքային եւ գույքային պայմաններով: ՓԾ տնօրեն Կ. Ցուցուլյանը նշել է, որ վերջին տարիների ընթացքում ՀՓՋ-ների շենքերը հիմնականում վերանորոգվել են եւ գրեթե բոլոր ջոկատներում պայմանները բարվոք են: Վահե Ղազարյանը տեղեկացրել է, որ գալիք տարի նախատեսվում է կառուցել նոր շենք, որի մի հատվածը նախատեսված կլինի Փրկարար ծառայության համար՝ հագեցած մարզասրահով, ճաշարանով, խորհրդակցությունների համար նախատեսված դահլիճով:

Նախարարը անդրադարձել է նաեւ թափուր հաստիքներին՝ նշելով, որ սկսվել են ՓԾ մասին նոր օրենքի մշակման աշխատանքները, որոնցով լուծում կստանան նաեւ կադրային համալրման խնդիրները։

Նախարարն իր խոսքում կարեւորել է փրկարարների ատեստացիայի գործընթացը, որի առաջին փուլը նախատեսվում է սեպտեմբերին եւ նպաստելու է փրկարարների աշխատավարձի բարձրացմանը: Նախարարը հանձնարարել է համակարգված աշխատանքներ իրականացնել անակնկալ ստուգայցերի ժամանակ հայտնաբերված թերությունները վերացնելու ուղղությամբ, խիստ հսկողություն սահմանել ենթակա անձնակազմի կատարողական եւ աշխատանքային կարգապահության նկատմամբ՝ բացառելով կարգապահական խախտումները, եւ տվել է մի շարք այլ հանձնարարականներ:

Այնուհետեւ Նախարարն այցելել է Նուբարաշեն վարչական շրջանում տեղակայված թիվ 10 հրշեջ-փրկարարական ջոկատ, զրուցել հերթապահ անձնակազմի հետ, տեղում ծանոթացել շենքային եւ գույքային պայմաններին:

Այս թեմայով «Վահե Ղազարյան, ուշադիր լսեք, ուղիղ ասում եմ՝ հանցագործություն եք անում»․ Բագրատ Սրբազանը խոսք ուղղեց ՆԳ նախարարին Համակարգի պարագլուխներին կոչ եմ անում՝ «դասականի ասած» սթափվել ու խելքները գլուխները հավաքել․ Վահե Գրիգորյան Դուք փակեցիք դուռը հայրենիք ու պատիվ ունենալու հույսի ու հավատի առջև․ Վահե Սարգսյան Մի հատ Վահե Ղալումյանին հարցրեք՝ ինքն ինչ մասնագիտություն ունի. Բագրատ Սրբազան (տեսանյութ) Բագրատ Սրբազանը նոր զարթոնքի սկիզբ է դրել․ Վահե Սարգսյան Վահե Ղազարյան, մենք իրար լավ ենք ճանաչում. հրահրում եղավ, 1-ին պատասխանատուն Դուք ու Ձեր անմիջական ղեկավարն եք լինելու. Բագրատ Սրբազան (տեսանյութ) Բոլորը կարող են իրար կողքի լինել և միասին պահանջել խաղաղություն ու ճշմարտություն. Վահե Հովհաննիսյան Սրբազանի առաջնորդությամբ հայերն Իջևանից գալիս են Երևան, որ թուրքերը Երևանից գնան․ Էդգար Ղազարյան «Զանգեզուրյան միջանցքի» շահառուների շրջանակում ավելի ու ավելի հստակ ուրվագծվում է Արևմուտքի շահը. Վահե Դավթյան Երևանը իբրև փորձում է նվազեցնել կախվածությունը ռուսական գազից, մինչդեռ Ադրբեջանն ստիպված է ավելացնել նույն ռուսական գազի ներկրումը․ Վահե Դավթյան