Հայաստանի ամենահարուստ ավագանու անդամների թոփ 10-յակը

Անդրադառնալով ՀՀ խոշոր համայնքների և քաղաքների ավագանու անդամների կողմից ներկայացված եկամտի և ունեցվածքի հայտարարագրերին՝ այսօր կառանձնացնենք հետհեղափոխական Հայաստանի ամենահարուստ ավագանու անդամների տասնյակը։

Այսպես, ըստ Իջևանի համայնքապետ Արթուր Ճաղարյանի ներկայացրած հայտարարագրի, նրա եկամտի աղբյուրը համայնքի ղեկավարի պաշտոնում ստացած աշխատավարձն է՝ 4 մլն 483 հազար դրամ (1 տարվա համար)։ Նա հայտարարագրել է 404 հազար դրամ դրամական միջոց։ Ճաղարյանը հայտարարագրել է նաև մեկ բնակելի տուն և հողամաս Տավուշի մարզի Բերքաբեր համայնքում, մեկ բնակարան և երկու հողակտոր էլ Իջևան քաղաքում։ Որևէ շարժական կամ թանկարժեք գույք Ճաղարյանը չի հայտարարագրել։ 

Ճաղարյանի տեղակալ Արգիշտի Ամիրխանյանը հայտարարագրել է բնակարան և հողամասեր, 2021-ին ձեռք բերված անհատական բնակելի տուն, 2019-ին ձեռք բերված FORD մակնիշի ավտոմեքենա,  2021-ին ձեռք բերված GMC մակնիշի ավտոմեքենա, հաշվետու տարվա եկամուտները կազմել են 6,467,651.00 դրամ:

Դիլիջանի համայնքապետի տեղակալ Արման Բազինյանը հայտարարագրել է երկու բնակարան Դիլիջանում,  2015-ին ձեռք բերված HONDA մակնիշի ավտոմեքենա, 500,000.00 կանխիկ դրամ, տարվա ընթացքում ստացված եկամուտը կազմել է 4,686,230.00 դրամ, իսկ ահա ստացված վարկերն ու փոխառությունները՝ 2,370,683.00 դրամ:

Թալին համայնքի ղեկավարի տեղակալ Խաչատուր Տերտերյանը հայտարարագրել է երեք հողամաս և անհատական բնակելի տուն, 2013-ին ձեռք բերված OPEL մակնիշի ավտոմեքենա, տվյալ տարվա սկզբում առկա կանխիկ դրամը կազմել է 100,000.00 դրամ,  հաշվետու տարվա եկամուտները՝ 2,584,795.00 դրամ:

Էջմիածնի ավագանու անդամ  Արամայիս Միրզոյանը Մրգաստանում երեք անշարժ գույքի միանձնյա սեփականատեր է։ Նա 2011–2012 թվականներին ձեռք է բերել առանձնատուն և երկու շինություն։ Որպես շարժական գույք հայտարարագրել է 2015 թվականի արտադրության CADILLAC, 2016 թվականին գնել է 25 հզր դոլար արժողությամբ ժամացույց, բանկային հաշվին երեք միլիոն դրամ ունի, կանխիկ՝ 4 մլն դրամ, հորից՝ Աշոտ Միրզոյանից նվիրատվություն է ստացել 21.5 մլն դրամ (մոտ 54 հզր դոլար), Իսկուհի Թալաշյանից՝ 53 հզր դոլար։

Ջերմուկ համայնքի ղեկավարի տեղակալ Աշոտ Խաչատրյանը հայտարարագրել է բնակարան բազմաբնակարան շենքում, հասարակական նշանակության շինություն,  KIA մակնիշի ավտոմեքենա,  տարվա կտրվածքով եկամուտները կազմել են 16,341,724 հազար դրամ:

Երևանի ավագանու անդամ Աննա Պապյանը հայտարարագրել է բնակարաններ՝ Նորքում և Վանաձոր քաղաքում, բանկային ավանդները կազմել են 2,000.00 , 3,000.00 և 500 ԱՄՆ դոլար, 1,275,000.00 դրամ: Ստացված եկամուտները կազմել են  96,600.00 դրամ:

Ավագանու անդամ Արմեն Կոտոլյանի հայտարարագիրը կարող եք տեսնել ստորև․

Վեդիի ավագանու անդամ Արսեն Միրզոյանը հայտարարագրել է Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, հողամաս, MERCEDES-BENZ  մակնիշի ավտոմեքենա։ Հաշվետու ժամանակաշրջանի եկամուտները կազմել են 180,000.00 դրամ:

Մեծամորի ավագանու անդամ Աշոտ Բարեղամյանը հայտարարագրել է հողամաս Գետաշեն համայնքում, 2018 թվականին ձեռք բերված TOYOTA մակնիշի ավտոմեքենա, 8,000,000.00 կանխիկ գումար: Հայտարարատուի անունից, օգտին կամ հաշվին ձեռք բերված, երրորդ անձին պատկանող կանխիկ դրամը, կամ կանխիկ դրամը, որից փաստացի օգուտ է ստանում կամ այն տնօրինում է հայտարարատուն, կազմել  է 4,000,000.00 ՀՀ դրամ:

Այս թեմայով Այդ 25 հեկտար հողերը միշտ եղել են Հայաստանի վերահսկողության ներքո. Կիրանցի բնակիչ «Հայաստանն ու Ադրբեջանը խաղաղության հասնելու պատմական հնարավորություն ունեն»․ Գերմանիայի ԱԳՆ Հայաստանի մի շարք հասցեներում էլեկտրաէներգիայի անջատումներ կլինեն Հայաստանի կողմից ՀԱՊԿ-ի ֆինանսավորման դադարեցումը ողբերգություն չէ. ՌԴ ԱԳՆ Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Ահավասիկ` թուրք - ադրբեջանական միության կողմից Հայաստանի հանդեպ հայտարարված պահանջները. Կարեն Ճշմարիտյան Մայիսը լավ ամիս է, մայիսը հունիս չի դառնալու․ Սրբազան Հայրը՝ Հոգևոր Հայաստանի հաղթանակի մասին Երևան են բերվել ոստիկաններ Հայաստանի գրեթե բոլոր մարզերից (տեսանյութ) Խաչատուրյանը և ՎԶԵԲ նախագահը մտքեր են փոխանակել Հայաստանի կապիտալի շուկայի զարգացման հարցերի շուրջ Հայաստանի դեպքում՝ քար լռություն է, Վրաստանի դեպքում՝ ԱՄՆ-ն և ԵՄ-ն ամեն օր հարձակվnւմ են իշխանությունների վրա. Զախարովա