Բրիտանացի բժիշկն անվանել է չորս նարնջագույն մթերք՝ արյան ճնշումն իջեցնելու համար

Արյան բարձր ճնշումը կարող է հանգեցնել վտանգավոր առողջական «արտակարգ իրավիճակների», ինչպիսիք են սրտի կաթվածը և ինսուլտը: Բրիտանացի բժիշկ Քրիս Սթիլը կիսվել է արյան ճնշումն իջեցնելու սննդակարգով, գրում է Express.co.uk-ը։ Նա նշել է, որ արյան բարձր ճնշումը (կամ հիպերտոնիան) հիվանդություն է, որն այժմ շատ մեծ տարածում ունի։

Ժամանակի ընթացքում դա լրացուցիչ սթրես է առաջացնում սրտի, ինչպես նաև այլ օրգանների և արյան անոթների վրա և կարող է հանգեցնել լուրջ խնդիրների: Այն նաև շատ լուրջ հիվանդությունների գործոն է, այդ թվում՝ սրտի, երիկամների հիվանդությունների, ինսուլտների, սրտի անբավարարության և սրտի կաթվածի:

Արյան բարձր ճնշումը պայմանավորված է աղի մեջ պարունակվող նատրիումով, որը ստիպում է օրգանիզմում ջուրը պահել:

«Եթե մենք չափից շատ նատրիում ենք օգտագործում, ջուրը վերադառնում է արյան շրջանառության համակարգ: Որքան շատ ջուր կա մեր արյան անոթներում, այնքան բարձրանում է մեր արյան ճնշումը», - բացատրում է Սթիլը:

Միևնույն ժամանակ, կա նաև օրգանիզմի վրա աղի ազդեցությունը նվազագույնի հասցնելու միջոց՝ դրանք կալիումով հարուստ մթերքներ են։ Դրանք կարևոր են, քանի որ կալիումը նվազեցնում է նատրիումի ազդեցությունը։

«Որքան շատ կալիում եք ուտում, այնքան ավելի շատ նատրիում եք կորցնում», - ասում է նա՝ հավելելով, որ կալիումը նաև օգնում է թուլացնել արյան անոթների պատերի լարվածությունը, ինչն էլ ավելի է օգնում՝ իջեցնելու արյան ճնշումը։

Սա է պատճառը, որ տարբեր առողջապահական մարմիններ խորհուրդ են տալիս ավելացնել կալիումի քանակությունը սննդակարգում:

Բանանը համարվում է կալիումի հիանալի աղբյուր։ Յուրաքանչյուր 100 գրամ բանանից ստանում ենք 330 մգ կալիում։ Այնուամենայնիվ, կան այս հանքանյութով հարուստ այլ մթերքներ։ Դրանք են քաղցր կարտոֆիլը (337 մգ կալիում 100 գ-ում), դդումը (340 մգ 100 գ-ում), չորացրած ծիրանը (1162 մգ 100 գ-ում), նարինջը (237 մգ մեկ նարնջի մեջ կամ 496 մգ մեկ բաժակ նարնջի հյութի մեջ):

Բացի այդ, ըստ փորձագետների, կալիումի հիանալի աղբյուր են ավոկադոն, սալորաչիրը, ոլոռը, չամիչը, արմավը, լոլիկը, սպանախը, գրեյպֆրուտը և ցածր յուղայնությամբ մածունը:

Այս թեմայով Եվրոպացիները չեն մեռնի Դոնբասի համար․ Բորել Ինձ կալանավորում են հորս լռեցնելու համար, բայց դուխներդ չգցեք, շարունակեք մեր արդար պայքարը. Վահագն Մախսուդյան Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան «Դուք Ղեւոնդ Երիցեան ոգով նոր Աւարայր էք մղում հայրենիքի համար»․ Սեպուհ Սրբազանը՝ Բագրատ Սրբազանին Բրիտանացի պատգամավորները կարող են հեռացնել Սունակին․ Financial Times Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հիմա ավելի մոտիվացված եմ Օլիմպիական խաղերի համար. Արթուր Դավթյան Աստղագուշակ ապրիլի 28-ի համար Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ)